روايه كاملة للكاتبة سولييه نصار مكتملة لجميع فصول الرواية (عشقك اهلكني)

حياته من غير ما يتهان.....
ابتسم وعينيها لمعت بفعل الدموع وقال 
أيه رأيك احكيلك القصة كاملة ...قصتي أنا ...اسمعيني كويس وقرري في الأخر ....اسمعي بلاوي والدك اللي بتقوليلي اسامحه...اسمعي كل حاجة يا فايا !!!
تنهدت وقد ترطبت عينيه بفعل الدموع وأكمل 
أحكيلك عن طفل خسر ابوه وهو وصغير مكملش سنتين بس رغم كده عمره ما حس انه يتيم عشان أمه هي اللي احتضنته....كانت الأب والأم ليه...كانت كل حياته وهو كل حياتها ...عملت المستحيل عشان ميحسش بالنقص ....وعشان هي ست قوية استلمت البيزنس بعد بابا بس حتى الناس مسبتهاش في حالها....استغلوا جهلها ببعض الامور وكانوا بيسرقوها ...وقتها دخل فؤاد نصار وعمل نفسه الملاك وساعدها في الشغل وعلمها ازاي تشتغل ...وهي عاملته كأنه اخوها ...وعاملت اخته كأنها اختها ...وحتى انها ممانعتش لما اخوها الكبير طلب يتجوز صفية بالعكس فرحت ليهم...وساعدت فؤاد ماديا واخوها الكبير صرف على ابن عمتك....وتمر السنين وابوكي يتجوز وأمي هي اللي تشتريله شقة الزوجية كمكافأة ليه....بس فيه مثل بيقول إذا اكرمت الكريم ملكته وأذا اكرمت اللئيم تمردا ..وأبوكي لئيم ...رغم كل اللي عملته أمي الا انه طمع ..طمع فيها ...كان عاوزها ولما رفضته استغل ان هي مأمناه على شغلها وسرقها ورماها في الشارع ...وقتها حمامة السلام عمتك هي اللي اخدت امي لبيت خالي الله يرحمه...طبعا أمي افتكرت ان عمتك طيبة عشان بعد ما ماټ اخوها هي فضلت تربي ميرال بنت خالي وكانت بتعاملها كويس ...بس الحية التانية طلعت أسوأ من أبوكي ...كانت باصة على حاجة أكبر ...كانت عايزة تقاسم أبوكي في فلوس أمي ...هي اللي سلمت أمي لأبوكي ....هي اللي ادتله مفتاح البيت واخدت ميرال وفادي واختفت وسابتني أنا اشوف الچريمة الكاملة اللي عملها أبوكي ....
انسابت دموعه بشكل أقوى وقال
أمي بعدها راحت تبلغ بس طبعا القانون مع الأقوى محدش سمعها...كلهم توهوها لحد ما فقدت حقها وبقت من غير بيت كمان ....أنا شوفت امي وهي بټموت مليون مرة في اليوم في الوقت اللي أبوكي بيحتفل لانه سرق فلوسها ...
أمي ماټت في الشارع من القهر ... المستشفي اللى اهل الخير نقلوها فيها قالت انها ماټت بنوبة قلبية وأنا لولا ميرال وعيلة والدتها كان ممكن أضيع ...امي اتهانت في آخر ايام حياتها وهي معملتش أي حاجة غير انها قدمت الخير وساعدت واحد ميستاهلش ...وثقت في الناس ....فأبوكي يستحق انه يتهان يا فايا على الأقل هو عمل چريمة ....چريمة سودا ...چريمة أنا ذات نفسي مقدرتش اعملها في بنته...
مسح دموعه وقال بصدق
في اليوم ده يا فايا أنا مجتش ناحيك ...رغم اني حاولت بس مقدرتش اعمل نفس اللي أبوكي عمله في أمي ...مقدرتش اعمل كده عشان حبيتك...أيوة حبيتك وانا عارف ان ملناش فرصة مع بعض ...حبيتك وانت بنت عدوي ...وعشان بحبك تقدري تطلبي حياتي لكن متطلبيش من واحد شاف من صغره چريمة كاملة كانت ضحيتها أمه انه يغفر ويسامح لاني مستحيل أسامح ولو فيها مۏتي ....
ده بابا يا عيسى ...مهما كان وحش ..يبقى بابا ...مقدرش اشوفه بيتحبس ويتعذب ...اقولك انتقم مني أنا ...اضربني لو عايز ...أعمل اللي أنت عايزه وانا هحط جزمة في بوقي لكن بالله عليك متحطهوش في السچن وانا هبقى خدامتك العمر كله ...
مسح دموعها برفق وقال بأسف 
أنا مقدرش أعمل كده ...مقدرش أذيكي ...
بس أنت فعلا بتأذيني بالطريقة دي...أنت كده ممكن ټموتني يا عيسى ...عشان خاطري سامحه ....هو اتعاقب ...
أغمض عينيه وهو يقول بحزن 
أنا آسف يا فايا ....
ابتعدت عنه وهي تقول بحزن 
يبقى كده للأسف متنفعش الحياة بيننا يا عيسى....كده أنت نهيت كل حاجة بيننا ...أنا عمري ما هنسى انك هتحبسه وانت مش هتنسى انه اعتدى على والدتك ... يبقى البعاد أفضل .....أنا هلم شنطتي واروح لبابا وياريت ورقة الطلاق توصلي في أقرب وقت !!!!
......
كانت صفية تجلس على الأريكة وهي تبتسم بسعادة وتقول
أهو أنا قلبت الترابيزة عليك يا عيسى ...مكانش لازم تحط رأسك برأسي انت مش هتقدر على مكري...وزي ما ډمرت الست والدتك هدمرك كمان ...دي البداية وبس أنك تطلع وحش قدام فايا وبعدها العب في دماغها انها تبلغ عنك...وبدل ما أنا اتحبس أنت اللي هتتحبس يا حبيبي ...
ثم نهضت بسعادة متجهة الى غرفة ابنها الذي لم يخرج من الصباح ....
فتحت الباب وهي تقول
انت يا واد كل ده في الأوضة بتعم.....يالهوووي يا بني ....
صړخت پعنف وهي تجد ابنها مستلقي على الأرض.
أنت يا واد يا فادي قوم ....قوم ....
ولكنه لم يكن يؤتي بأي حركة ....حتى أنه لم يكن يتنفس ....
يالهووووي ...الحقوني يا ناس !!!
صړخت وهي ټضرب وجهها بقوة حتى تخضب بلون الډماء .....
..........
بعد قليل...
تم نقل فادي للمشفى بواسطة الجيران ....
كانت صفية تدور حول نفسها وهي تقول
والنبي يا رب تشفي عنه ويخرج يارب 
..يارب انا مستعدة ادخل السچن وأنال عقاپي يارب بس ابني لا يارب ...يارب