قصه رووعة للكاتبة فاطيما يوسف مكتملة لجميع فصول

لاخبرة لها بألاعيب ذلك العاشق الولهان واكتفت بإيمائة بسيطة لهم تنم علي حيائها .
انتهي الحفل بأجوائه السعيدة واللطيفة غير المتكلفة كما يحدث في تلك الأيام وغادرا الجميع عدا جواد  
نزلا جميعا مهرة وجواد ووالديها إلي الأسفل ليتناولوا طعام العشاء في جو أسري لطيف 
جلست مهرة وجواد بمفردهما في غرفة الاستقبال متخذين جانبا فلا يراهم من بالخارج 
نظر جواد إلي مهرة وهو يجلس بجانبها بحب وأردف قائلا
_ ياه يامهرة لو مكنش باباكي لان ووافق ورحتي لغيري كنت ھموت كل ثانية أنا متخيلش أبدا إنك تكوني لغيري  
متتصوريش فرحتي النهاردة عاملة إزاي بيكي وبوجودك جمبي يانبض قلبي 
ثم فجأة التقط يديها ونظر داخل عيونها
وقبلها باشتياق قائلا بوله
_ أنا بحبك أوي أوي يامهرة 
وفي نفس اللحظة وضع إحدى كفيه علي رقبتها وقرب وجهها إليه وقبلها من جبينها بكل غرام وهيام ثم هبط إلي شفتيها وكاد أن يتذوقهما 
إلا أن مهرة انتفضت بسرعة وأبعدته عنها غير مصدقة لما حصل للتو ورددت پصدمة 
_ جواد إيه إللي إنت عملته ده أنا مش مصدقة نفسي 
نظر إليها بإستغراب قائلا
_ في إيه يامهرة أنا بوست دماغك علشان أبارك لك وأعبر لك عن فرحتي .
نظرت إليه بإرتباك وهي تفرك يداها بتوتر وقالت
_ بعد إذنك ياجواد متعملش كده تاني أنا حبيت فيك إحترامك ليا وإنك محاولتش تضايقني في أي مرة ولو حتي بمكالمة 
حبييت فيك رجولتك وعدم تسليتك بيا  
فلو سمحت متكررش كده تاني علشان ده أكبر حرام 
إنت عارف قول رسولنا الكريم صلى الله عليه وسلم لأن يطعن أحدكم بمخيط في رأسه خير له من أن يمس إمرأة لاتحل له
واسترسلت بتعقل
_ أنا عايزة نبدأ مشوارنا وربنا راضي عننا.
نظر إليها بإعجاب شديد وردد باستجابة ودعاء
_ حاضر يامهرة هحاول أجاهد نفسي ربنا يبارك لي فيكي ياملاكي إللي ربنا بعتهولي 
ومعلش حقك عليا متزعليش مني وأوعدك هحاول أمسك نفسي وأنا قدامك ياأغلي مافي حياتي كلها.
_____________________________
في منزل نور
نادر بإستعجال
_ خلصي يانور نسرين لبست من بدري إحنا زهقنا من الإنتظار والله نسيبك ونمشي .
نور وهي تفتح الغرفة وتخرج بسرعة مرددة بدعابة
_ جري إيه ياندوره ياجميلة إنتي إن الله مع الصابرين .
نظر إليها قائلا بسخرية وهو يشير علي حاله
_ بقي الدكتور نادر يتقال له ياندورة ياجميلة هزلت يابشرية 
وأكمل بدعابة
_ قدامي ياشبر وإقطع .
واصطحبهما للخارج فقد قام بعزيمتهم على الغداء خارج المنزل ليتنزهوا سويا 
وصل بهم إلي أحد المطاعم وأجلسهم ثم نظر لهم قائلا بابتسامة
_ إخواتي البرنسيسات تؤمروا بإيه .
ابتسمن له وردت نور بحماس 
_ أنا عايزة نجرسكوا بيعملوها هنا جميلة .
_ وأنتي يانسرين تطلبي ايه 
قالها بتساؤل .
ابتسمت له وقالت بدعابة
_ إللي تطلبوه أهم حاجة تأكلوني يابشر ھموت من الجوع.
نادي على الجرسون بأدب وتواضع ممليا طلباته  
وبعد دقائق معدودة عاد الجرسون محملا بأصناف الطعام الشهية 
تناولوها بمحبة ودعابة بينهم وبعد الإنتهاء طلب لهم مايشتهون من الحلوي والمشروبات 
ثم نظر نادر إلي نور قائلا بمحبة أخوية 
_ ها يانور ياحبيبتي خفيتي من چرحك ولا لسه الألم الخبيث بينقح عليكي 
فهمت مقصده وردت عليه بدموع حبيسة تجمعت في مقلتيها علي الفور تهدد بالنزول قائلة بحزن دفين 
_ هكذب عليك لو قلت لك إني خفيت وشفيت شفاء كلي اعتبرني لسه في مرحلة النقاء ده كان مرض ملازمني سنتين من عمري وصعب أتبرأ منه بالسهولة دي .
نظر لها بإبتسامة خفيفة وردد بصدق
_ ياحبيبتي ليه الدموع إللي ظهرت في عنيكي دول 
إنتي أقوي من كده أقوي من إن زوبعة رخيصة تزلزلك إنتي نور الجميلة الرقيقة وهتفضلي كده 
واسترسل حديثه بتعقل ونصح قائلا
_ إنتي قوية وهتخرجي منها أقوي وأحسن واتعلمتي الدرس وأنتي لسه في أول حياتك 
متخليش الصدمات تهزك ولا تهدك والضړبة إللي مابتموتش بتقوي
قلبك ده متديهوش إلا لشاري بالغالي ويعافر علشان ينوله  
حبك ووفائك مش لأول واحد يخبط علي بابك تقوم تفتحي له الباب علطول لأ  
استني واستشيري إللي بيحبوكي وهيقوموا يفتحوه بدالك ولما يطمنوا هيقولو لك افتحي بسلام 
لازم إللي عايز النور يكون في النور وفي علاقة شرعية وحلال وقدام الناس كلها ميكنش في الضلام أبدا علشان النور ميضعفش وبعد كده يفقد بهاه وطلته 
واسترسل حديثه بتساؤل
_ فهمتيني يانور 
نظرت له ودموعها الحبيسة خرجت تأثرا بحديث أخيها الحنون ونزلت علي ماضي كاد أن يدمرها لولاه أنقذها من براثن ذئب 
ورددت بشرود 
_ حاضر يانادر حاضر ياأحلي وأحن أخ في الدنيا بحالها ربنا يخليك لينا وميحرمناش منك أبدا .
أحيانا يكون بجانبنا أشخاص نأخذ نصائحهم ونرميها في القمامة ولا نعتريها اهتماما لأنها نابعة بقسۏة  
وأحيانا يكون بجانبنا أشخاص نأخذ نصائحهم ونضعها في قلوبنا وڼصب أعيننا ونمشي عليها خطوة بخطوة لأنها نابعة بحنان ورحمة 
وما بين ذلك وتلك قلوبا تضيع من شدة القسۏة وقلوبا تستقبل الحياة من شدة الحنان .
_____________________________
بعد