قصه رووعة للكاتبة فاطيما يوسف مكتملة لجميع فصول

كاش ومتشكرة جدا لزوق حضرتك ياشيخ علي .
بعث لها إيموشن تأكيد دليلا على إنهاء المحادثه .
تفاعلت هي معه وأغلقت الهاتف .
أما هو فعاد محدثا نفسه بفرحة
_ آه ياواد ياعلوة شكلك هتغير الصنف وتجدد النوع وترجع لأيام الشقاوة  
وجلس يرتب مع حاله كيفية مدخل تلك الحسناء النضرة . 
___________________________
في منزل محمد الشريف
كان رمضان جاره وصديق والد جواد يجلس معه ويحتسي مشروب الشاي ويتحدثون في موضوع جواد ومهرة حيث أنه أتي كي يستفهم منه سبب الرفض 
ووالد مهرة لم يعرف يفلت من إلحاحه فأجابه بإمتعاض 
_ إنت مصر يعني تعرف السبب هيفرق معاك إيه يعني ولا هيزود ولا هينقص ده قسمة ونصيب وهما ملهمش نصيب في بعض .
رد عليه رمضان بإصرار
_ أيوه مصمم أعرف ياجدع هي مش مهرة زي بنتي وبرده جواد زي ابني يالا اتكلم وخلصني تعبتني معاك ياجدع .
أجابه والد مهرة باختصار
_ بصراحة كده يا رمضان جواد ده معندهوش شغل مستقر وده مش السبب الأساسي برده أنا رفضت لأنه مش مكمل تعليمه وبنتي هيبقي معاها كلية إن شاء الله وهتكمل دراسات عليا إن شاء الله وجواد مكملش الكلية والتعليم مهم جدا بالنسبة لي حتي لو بيكسب دهب من صنعته دي  
بس ده مهرة مش أي حد لازم إللي ياخدها يكون مستواه التعليمي والفكري أقوي منها وأنت عارف إنها بسم الله ماشاء الله عليها دماغها توزن بلد ها استريحت لما عرفت.
أجابه رمضان بتأكيد
_ بس جواد ده راجل أوي يامحمد وشاريها جدا لحد دلوقتي ومش مقتنع بالسبب إنها لسه صغيرة  
ليه ترفض الشاري إللي ماسك فيك بإيده وسنانه 
فكر تاني وربنا يجعل نصيبهم حلو مع بعض وسيبك من التعليم جواد برده مش جاهل دي دماغه متفتحة جدا وتوزن بلد بحالها والله ده أنا أعرفه كويس جدا ومش هيزعل مهرة في يوم من الأيام وحتي لو حصل مشكلة مابينهم ده ابن أصول وعمره ماهيهنها .
أجابه والد مهرة بعدم اقتناع
_ معلش يا رمضان أنا أدري بمصلحة بنتي وخلاص بقي أنا رديت مرة ومش هرجع في كلمتي .
أخذ رمضان يحاول معه مرات عديدة ولكن كما هو متيبس الرأس فقام واستأذن المغادرة قائلا 
خلاص إللي إنت شايفه أنا ماشي بقي رايح الأرض هشقر علي الزرع سلام عليكم. 
رد عليه السلام وأوصله للخارج .
وبعد خروجه ذهب إلي أرضه وجلس تحت ظل الشجرة ممسكا هاتفه وهاتف والد جواد وقص عليه ماحدث بالحرف دون زيادة أو نقصان وأخيرا علم جواد القابع بجواره سبب الرفض وانكوي قلبه ألما وغادر المكان علي الفور بقلب منفطر علي المهرة التي ضاعت منه  
وحدث نفسه بحسرة 
_ أيعقل أن تضيعي من بين يدي وأخسرك 
أيعقل أن يراوض المهرة جوادا غيري وأنا أعشقك  
أيعقل أن قلبي الذي أخدتيه وأغلقتي عليه بقفل ورميتي مفتاحه في أعماق الهوي أن يتركك 
لا وألف لا مهرة لن أضيعك ومن غرامي سأشبعك ومن هيامي ساغرقك  
ولن أفقد الأمل يانبض الفؤاد وروح الجواد.
البارت_السادس
بعد مرور شهران علي رفض والد مهرة جواد ثانيا حينما ذهب إليه الحاج رمضان فكر جواد أن ينتظرهم كي يبعث مرة ثالثة إلي والد مهرة لأنه يشعر بل ومتأكد أن مهرة تكن له شعورا يضاهي شعوره ولن ېكذب إحساسه أبدا فجواد منبع للإحساس 
ثم أمسك هاتفه ودخل إلي صفحتها الشخصية عبر الفيس بوك منتويا تصفحها فهي من الصفحات المفضلة لديه والتي بها يطمئن علي معشوقته 
فتحها ووجد بها منشورا لها بمشاركتها لفيديو يحتوي علي أغنية مستنياك لعزيزة جلال وتضع قلبا كملصق لحبها لتلك الأغنية  
ضغط علي الفيديو واستمع له بوله وقلب عاشق وكانت
_ مستنياك ياروحي بشوق كل العشاق 
مستنياك أنا دايبة ياعيني من الفراق 
حبيبي حبيبي أنا بسأل النجوم كل ليلة عليك  
وبكتب كل يوم غنوة شوق بتناديك وبحلفك تجيني ياحبيبي وتناديني  
وساعتها هتلاقيني في لحظة بين إيديك 
وانتهت الأغنية وقلبه بعد سماعها بات يدق بوتيرة عالية جدا ولم يقدر يمسك حاله ويخرج قبل أن يضغط علي ملصق أحببته وليكن مايكن 
ثم فتح الفيسبوك الخاص به وشارك فيديو له وهو يغني بصوته العذب أغنية محتواها
_ مكانك في قلبي مهما كنت بعيد عليا ومش كل يوم بنقابل حبايب جداد  
صوتك واحشني وضحكتك ياحبيبي ليا 
ياما نفسي أشوفك تاني في أقرب معاد 
مقدرتش أنساك والليالي كل ماتفوت الليالي 
كل ماأشتاق ياحبيبي وأقول  
محدش هيعرف يملي أي مكان تسيبه وعايش حياتي في بعدك علي الذكريات
في حد في الدنيا دي بيعوض حبيبه أنا الليل بيجي يصحي في قلبي حكايات 
ثم ضغط علي حروف نشر  
وقام يفعل ماانتوي إليه 
رن هاتف مهرة بإشعار علي منشور لها ففتحت رمز الهاتف الخاص بها ونظرت إلى التفاعل الذي آتاها وإذا بقلبها يدق پعنف من صاحب التفاعل ففتحت الأكونت تبحث عن هوية المرسل لها وبداخلها يقين أنه هو
فذلك الإحساس بالحب المتبادل حب