إسكريبت لحظه إفاقه كامل بقلم الكاتبه المبدعه ميمي عوالي

لما قلتله خلاص طالما انى بستهبل و انت راجل اوى كده و قايم بكل طلبات بيتك و ولادك انا من النهاردة هسيب الشغل و ورينى هتعمل ايه
حسين باستنكار هى شوطة و جاتلكم مرة واحدة النهاردة و اللا ايه
ياسمين باستغراب جاتلنا .. انت بتتكلم عن مين
حسين بنفخة مكتومة ماتشغليش بالك المهم قوليلى هو عمل ايه بعدها
ياسمين بعياط قاللى انتى بتهددينى .. ماتسيبيه بس اعملى حسابك ان انا مش هدى دروس و لا تمارين و انتى ڠصب عنك هتفعدى تذاكرى مع العيال ماهو انا مش هشيل الليلة لوحدى
حسين و بعدين .. حصل ايه تانى
ياسمين بنرفزة انت عاوز يحصل ايه تانى يا حسين انا عمرى و شبابى و صحتى ضاعوا فى الجرى و التنطيط من الشغل للبيت للنادى للشغل و هو ولا على باله اصلا
حسين ماتنكريش ان انتى اللى طلبتى تفضلى فى شغلك يا ياسمين
ياسمين اكتشفت انى كنت هبلة و غبية و متخلفة كمان ده انا امك اما كانت تطلب منى اجيبلها حاجة من السوق و انا راجعة من الشغل كنت اتتنك عليها و اقوللها لا انا راجعة تعبانة ومش قادرة اشيل حاجة
تيجى دلوقتى تتفرج عليا ببقى راجعة بجرجر فى رجليا و شايلة و محملة ده حتى يوم الاجازة بقضيه فى تنضيف البيت و عمايل الاكل بتاع الاسبوع
حسين باستغراب اسبوع! ده انتى طول عمرك زيى .. متعودين اننا مابتعرفش ناكل اكل بايت
ياسمين بسخرية لا يا حبيبى مابقاش فى منه الكلام ده ده انا بقيت ااكلهم نفس الاكل باليومين و التلاتة العيشة بقت غالية و الاكل بقى مكلف و صحتى كمان بقت اغلى و اغلى
حسين مش للدرجة دى يعنى ما سلمى اهى بترجع كل يوم تقف تعمل الاكل
فى اللحظة دى سمعوا صوت سلمى بتقول بارهاق و تعب ما اتفقنا خلاص ان القصة دى هتنتهى على كده وبعدين بصت لياسمين و قالت ازيك يا ياسمين
ياسمين قامت سلمت عليها و هى بتقول باعتذار ازيك يا سلمى و الف سلامة عليكى حقك عليا .. شكل صوتى عمللك ازعاج و جوزك بيقول انك تعبانة
ياسمين ربنا يتم الشفا بفضله انما قصة ايه اللى هتنتهى على كده دى مافهمتش
سلمى و لا يهمك يا بنتى انا المسكن الحمدلله ريحنى شوية
سلمى و هى بتبص بجنب عينها لحسين ابدا .. اصل حسين كتر خيره لما لقى ان عمايل الاكل كل يوم بتتعبنى قاللى انى يا اسيب الشغل عشان اشيل من على اكتافى شوية يا اما اعمل الاكل بالاسبوع عشان ارجع من الشغل يا دوب اسخن و العملية ماتبقاش مرهقة
ياسمين باعتزاز ااه طبعا اومال ايه حسين طول عمره راجل و هى الرجولة ايه غير مواقف وقت اللزوم يبجى سى رامى يعرف الرجولة اللى على اصولها بتبقى ازاى
حسين بص بذهول لسلمى لقاها بصاله بسخرية وعلى شفايفها ابتسامة باهتة و بعدين بصت لياسمين و قالت لها بس انتى غلطانة يا ياسمين
ياسمين بفضول انا يا سلمى طب غلطت فى ايه قوليلى و انا اروح ابوس على راسه دلوقتى حالا
سلمى طمعتيه فيكى
ياسمين تقصدى ايه
سلمى اقصد اننا عشان ولاد اصول و اهلنا عرفوا يربونا كويس كنا بنعمل كل اللى بنقدر عليه و احنا معتقدين ان اللى قدامنا هيقدر اللى بنعمله و يشيلهالنا جميله او حتى يحس بقيمتنا و بقيمة اللى بنعمله لكن اما بنلاقيهم بيتعاملوا على ان كل اللى بنقدمه ده حق مكتسب بنفضل مكملين ليه
ليه ننزل من بيوتنا