إسكريبت لحظه إفاقه كامل بقلم الكاتبه المبدعه ميمي عوالي

اى قدرة على المناهدة .. انا تعبانة و حرارتى اربعين فياريت طالما أنك حتى ماحاولتش تساعدنى و لا تسألنى على اللى فيا فعلى الاقل تسيبنى فى حالى
حسين و هى كل ست بتتعبلها شوية بترقد و تسيب بيتها و تهمله بالطريقة دى
سلمى تتعب سوية ده انا بقولك حرارتى اربعين و مش قادرة اقف حرام عليك هو انت للدرجة دى مش حاسس بيا و لا بتعبى و هو انا كنت اهملتك و اللا اهملت بيتى امتى
حسين و هو لما جوزك يقعد من غير اكل لحد دلوقتى و انتى نايمة و ولا على بالك مايبقاش اهمال
سلمى اتعدلت و قعدت مكانها و قالت بتعب الكلام ده لما ابقى سليمة و فاضية و قاعدة بمارس الفراع لكن ده انا طافحة الكوتة طول اليوم زيك بالظبط و كمان بصحى قبلك بساعتين و مابقدرش اريح بعد الغدا زيك من تل الحاجات اللى بتبقى ورايا و كمان بالليل بنام بعد ماكلكم بتناموا و تيجى فى الاخر لما اقع تقوللى اهمال لو انت جعان فعلا زى مابتقول .. الجعان بيسد جوعه باى حاجة قدامه و انت قدامك بدل الحاجة كذا حاجة بس انت اللى طول عمرك بتتبطر على نعمة ربنا
حسين انا بتبطر
سلمى ااه بتتبطر الاكل اللى مش عاجبك ده ياما ناس تشتهى بس حتة صغيرة منه و مش لاقية و ياما ناس بټموت من الجوع و هى مش لاقية حتى لقمة عيش ناشفة تسد بيها جوعها بس مش غلطتك على فكرة .. دى غلطتى انا انا اللى عشان ارضيك .. جيت على نفسى بزيادة بس ملحوقة .. الكلام ده كله هيتغير من هنا و رايح طالما انك للدرجة دى مش حاسس بيا و لا باللى بعمله
حسين مش فاهم .. ايه ده اللى هيتغير
سلمى من دلوقتى و لحد ما اخف و اقدر اقف على رجلى من تانى ان شاء الله قدامك حل من اتنين تختار منهم يا اما هعمل الاكل كله بالاسبوع و كل يوم نطلع حاجة نسخنها و ناكلها .. يا اما
حسين من قبل ماتكملى انا مش موافق اصلا على اللى قلتيه ده
سلمى تمام.. يبقى مافيش غير الحل التانى ياحسين و اعمل حسابك انى مش هقبل باى بديل تانى
حسين حل ايه ده بقى ان شاء الله
سلمى بسخرية انى اول ما هقدر انزل الشغل هقدم على اجازة بدون مرتب و اهو على الاقل افضى لبيتى و ابطل اهمال
حسين بمكابرة انتى حرة و انا مالى تسيبى الشغل و اللا ماتسيبيهوش
سلمى و هى بتتعدل تانى عشان تنام طالما انى حرة من هنا لحد ما اخف و اقدم على الاجازة ياريت تفكر كويس هتدبر قسط المدرسة بتاع ولادك ازاى لانى كده هطلع من كل الجمعيات اللى انا داخلاها و كمان قسط العربية اللى بدفعه من مرتبى و ياريت تطفى النور عشان تعبانة و عاوزة انام
حسين انتى برضة هتسيبينى جعان و مش هتقومى تعمليلى اكل
سلمى لو جعان فعلا خير ربنا مالى التلاجة اختار اللى انت عاوزه و حطه فى الميكروييف يسخن و كل
حسين استغرب لما لقاها فعلا عدلت نفسها و غمضت عينها و اتهيأله انها راحت فى النوم كمان ركز فى وشها شوية .. لقى وشها فعلا بهتان و مرهق و وهو لسه مكانه سمع نفسها منتظم و عرف انها فعلا راحت فى النوم و هو لسه فى مكانه
خرج من الاوضة بزهق و راح