إسكريبت لحظه إفاقه كامل بقلم الكاتبه المبدعه ميمي عوالي

و هى بتنشف دموعها اومال سلمى فين .. هى مش هنا
حسين لا موجودة بس نايمة شوية رجعت من الشغل تعبانة وسخنة فخدت مسكن و خافض و نامت
ياسمين الف سلامة عليها طب و انتو اتغديتوا و اللا لسه و اللا عملتوا ايه لو تحب اقوم اعمل لكم حاجة
حسين لا احنا اتغدينا الحمدلله كان فى بواقى اكل فى التلاجة و اتقضت يعنى
ياسمين الله يكملك بعقلك يا حسين يا اخويا ييجى المعدل جوزى يتفرج
حسين يابنتى ماتتكلمى على طول و تقولى حصل ايه
ياسمين اللى حصل ان البية مش عاجبه انى بطلب منه يساعدنى فى مصاريف الدروس بتاعة العيال و بيقولى احمدى ربنا انى بساعدك اصلا و بدفع مصاريف المدرسة
حسين لا من الاول كده و واحدة واحدة و فهمينى بالراحة كده ايه اللى بيحصل بالظبط
ياسمين انت عارف انى لما اتجوزت انا و رامى طلبت منه انى افضل فى الشغل بتاعى و ما اسيبهوش .. زى ما سلمى عملت معاك كده و هو وافق بعد ماقاللى انه مش عاوز الشغل يأثر على البيت و من بومها يا اخويا و انا متعلقة من ايديا و رجليا كمان كلمة متعلقة فى ساقية دى شوية بقيت امشى و انا بتكفى من كتر الجرى عشان الحق اخلص حاجتى
كنت فى الاول فاكرة ان شغلى ده امان ليا من الزمن و انى هقدر اعين لى قرش ادلع روحى بيه كنت فاكرة ان يوم ما اشوف حتة خاتم دهب و اللا سلسلة هقدر اشتريهم و اتمتع بيهم لكن طبعا لا يكلف الله نفسا الا وسعها تعبت و هلكت من شغلى فى البيت و برة البيت و العيال و المدرسة و المذاكرة و شړا الطلبات و كله كله على دماغى فبقيت احاول اسد العجز اللى فى بيتى بمرتبى اشى يوم ماقدرتش او مالحقتش اعمل اكل فاعمل ان العيال نفسهم فى اكلة سمك مثلا جاهزة و اللا حتى تونة و ياللا عازماكم
و البيه ياكل و يحبس و هو ولا على باله ماهو حاجة ببلاش كده و شوية شوية بقى توصيل العيال للمدرسة بيأخرنى عن الشغل فاتفقت مع سواق تاكسى ياخدهم و يرجعهم كل يوم و ادفعى يا ياسمين و لما اسم الله كبروا شوية و مابقيتش اقدر اذاكر معاهم زى الاول بقيت اديهم دروس زيهم زى زمايلهم و برضة ادفعى يا ياسمين بس خلاص بقى .. المرتب مابقاش مكفى ده كله و هو حاطط ايده فى الماية الباردة
و ليه و ليه النهاردة بقول له يا رامى .. انا المرتب بقى يتصرف بالكامل على العيال و طلباتها و دروسها و انا حتى جزمتى دابت و عاوزة اشترى جزمة جديدة مش عارفة و طلبت منه يساعدنى فى دروس العيال ماعجبهوش و قاللى المفروض تحمدى ربنا انى بساعدك فى مصاريف المدرسة اصلا
حسين بوجوم طب مش يمكن هو كمان مامعهوش
ياسمين باعتراض لا معاه و كل شهر و التانى الاقيه داخل عليا و هو شارى لبس جديد ليه و كمان السجاير اللى بقت بالشئ الفلانى .. ما انا و عياله اولى بتمنها ده غير سهره على القهوة ليلاتى لحد بعد نص الليل بس هو اللى اخد انى شايلة الطين و سادة و ساكته و اعتبر ان كل اللى كنت بعمله ده حق مكتسب
قال و بيقوللى كمان انى مابعملش حاجة و ان هو اللى قايم بكل حاجة و انا بستهبل و