إسكريبت لحظه إفاقه كامل بقلم الكاتبه المبدعه ميمي عوالي

يا ماما روحى انتى شوفى الدوا و لو محتاجة حاجة من الاجزخانة اروح اجيبهالك
سلمى فعلا ماكانتش قادرة تتحرك و السخونية ابتدت تهاجمها من تانى و الصداع هيفرتك دماغها و ابتدت اعراض تانية تظهر عليها
اخدت الادوية اللى لقتها عندها و رجعت من تانى على سريرها و اول ما حطت راسها على المخدة راحت فى سابع نومة من تانى بس المرة دى تحت عينين حسين اللى كان يادوب هيدخل من البلكونة عشان يغير هدومه
غير هدومه و هو بيبص عليها بجنب عينه و سابها من غير ما يتكلم و خرج على برة لقى يمنى واقفة قدام حوض المطبخ بتغسل الحاجة مطرح الغدا و احمد بينضف السفرة بعد ما لموا من عليها الاكل و دى طبعا كانت سابقة من نوعها ايام الدراسة هو عارف ان سلمى مابتخليش حد منهم يساعدها فى حاجة وقت المدارس فقال انتو بتعملوا ايه
يمنى بصتله و رجعت التفتت للى بتعمله و قالت اما لقينا ماما تعبانة قلنالها تستريح شوية و احنا هنكمل
حسين ماعلقش و قرب ناحية البوتاجاز و قال فين الاكل بتاعى
يمنى احنا رجعنا الاكل كله من تانى فى التلاجة بعد ماخلصنا
حسين لأ .. الاكل بتاعى انا ماما عملتى اكل ايه
يمنى التفتت لحسين و قالت له بشبه اعتراض هى كانت قادرة تقف اصلا يا بابا عشان تعمل اكل دى سخنة و تعبانة اوى و حتى ماقدرتش تكمل اكلها
حسين يعنى ايه مش فاهم برضة .. فين الاكل بتاعى
احمد من وراه لو الاكل اللى موجود مش عاجب حضرتك ممكن تطلب دليفرى باللى انت عاوزه
حسين بزهق من امتى و انا باكل اكل الشارع
يمنى خلاص يا بابا بلاش اكل الشارع ممكن حضرتك تاكل من الاكل اللى احنا اكلنا منه
حسين بزهق امكم عارفة انى ماباكلش حاجة بايتة
يمنى خلاص بلاش رغم ان الاكل جميل و مافيهوش حاجة اكنه لسه معمول بس ممكن اعمل لحضرتك بيض واجيبلك معاه جبنة مثلا و اللا مش حابب ده كمان
حسين لا خلاص مش عاوز انا هدخل انام و اما امكم تصحى خلوها تعملى اى حاجة سريعة اكلها على ما اقوم
و سابهم و راح على اوضة النوم و دخل فى السرير و هو على اخره و قعد يتقلب فترة مش قليلة و هو مش عارف ينام من الجوع و اخر ما زهق اتعدل و نده على سلمى و قال سلمى .. سلمى قومى اعمليلى حاجة اكلها انا جعان و مش عارف انام
سلمى فتحت عينيها بتعب و هى بتبص حواليها و حاسة انها تايهة و مش موزونة و الادوية و المسكنات مخليين ماعندهاش اتزان
و بعدين انتبهت له لما نده عليها تانى بحدة و هو بيقول يعنى تاكلى و تنامى و تسيبينى جعان و ماهانش عليكى حتى انك تعمليلى حاجة اكلها.. هو انتى للدرجة دى ما بتحسيش
سلمى بصت له بذهول و قالت و هى صوتها يادوب طالع منها بالعافية انت بتقوللى انا الكلام ده
حسين ايوة انتى اومال امى هى اللى سايبانى جعان ده انا لو عند امى دلوقتى كان زمانها شايلانى من على الارض شيل
سلمى غمضت عينيها تانى و قالت ببساطة و اكن الموضوع لا يعنيها باى شئ بسيطة .. روحلها
حسين بانتباه اروح لمين
سلمى روح لمامتك تشيلك من على الارض و تعمل لك اللى انت عاوزه
حسين بزعيق و هو انا متجوزك انتى و اللا متجوز امى
سلمى بتعب بقول لك ايه يا حسين انا ماعنديش