إسكريبت لحظه إفاقه كامل بقلم الكاتبه المبدعه ميمي عوالي

فيمنى قالت لها انتى كنتى نايمة و اللا ايه.. هو انتى ماروحتيش الشغل النهاردة
سلمى روحت بس حسيت انى تعبانة شوية.. فاستأذنت و جيت نمتلى شوية ظبطونى
يمنى قربت منها بقلق و قالت تعبانة مالك
سلمى مش عارفة .. بس فجأة حرارتى عليت
احمد طب و انتى عاملة ايه دلوقتى
سلمى احسن يا حبيبى الحمدلله روحوا ياللا غيروا هدومكم و اغسلوا وشكم
طول الوقت كان حسين واقف بيسمع من غير تعليق و فى الاخر قال طب يعنى عملتى اكل و اللا ايه
سلمى لا .. مالحقتش انا لسه صاحية بس ماتقلقش .. فى بواقى اكل فى التلاجة
حسين بامتعاض مانتى عارفة انى مابحبش الاكل بايت
سلمى معلش .. حاول تحبه النهاردة عشان مافيش بديل
سلمى راحت على المطبخ طلعت كل بواقى الاكل اللى كانت متعودة تشيلهم فى علب فى الفريزر عشان تديهم بعد كده للبواب او الشغالة اللى بتجيلها مرة كل اسبوعين تساعدها فى تنضيف البيت
و ابتدت تحطهم فى الميكروييف و الفرن عشان يسخنوا بسرعة و حضرت السفرة و حطت عليها الاكل و هى بتنده على يمنى و احمد و حسين
يمنى و احمد جم و قعدوا و ابتدوا ياكلوا و يمنى قعدت تستنى حسين ماجاش فقامت تشوفه هياكل و اللا زى عادته .. لقته قاعد فى البلكونة بهدومه زى ماهو و من غير ما يغيرها وپيدخن سېجارة و واضح على وشه انه متضايق فقالت له انت ماجيتش ليه الاكل هيبرد
حسين بجمود انهى اكل ده .. انا ماكلش اكل البواب و الشغالة
سلمى بذهول نعم .. اكل البواب و الشغالة و هو الاكل ده احنا مش واكلين منه قبل كده و بتاعنا .. و انا اللى عاملاه و بفلوسنا .. هو انت ليه محسسنى ان احنا شاحتينه منهم
حسين بتمرد كنتى عايناهولهم و على اسمهم .. يبقى خلاص بتوعهم
سلمى بزهق يعنى انت مش هتاكل معانا
حسين بتهكم اكل معاكم .. لا مش هاكل
سلمى اديتله ضهرها و خرجت من غير ماتعلق .. بس من جواها كانت بتغلى هى هى نفس المشكلة كل مرة تتعرض فيها لحالة طارئة ماتلحقش تعمل اكل مافيش مرة قدر الظروف اللى بتبقى فيها و لا اللى بتتعرض لها بس المرة دى كانت متضابقة بزيادة لانه ماهتمش حتى انها تعبانة و حتى ما فكرش يسألها ايه اللى حصل
كانت كل مرة عشان ماتكبرش المشكلة بتحاول تعمل له اكل سريع بعد ما بتأكل الولاد لكن المرة دى قررت انها مش هتسأل فيه و هتسيبه من غير ماتعمل له اى حاجة و خصوصا ان بواقى الاكل كانت كتير و نوعيات مختلفة و متنوعة
رجعت قعدت مع يمنى و احمد و ابتدت تاكل هى كمان فيمنى قالت لها طبعا بابا مش هياكل كالعادة
سلمى ااه .. سيبوه براحته
احمد طب و انتى هتقدرى تقفى و انتى تعبانة كده تعمليله اكل
سلمى لأ.. مانا مش هقف
يمنى دليفرى بقى
سلمى بعدم اهتمام ماليش فيه .. اللى عاوز يعمله بقى يعمله براحته .. انا تعبانة و حاسة انى عاوزة انام تانى
يمنى حطت ايدها على وش مامتها و قالت لها ماما انتى دافية شكل الخافض اللى اخدتيه كان صعيف او مفعوله ابتدى يروح
سلمى بتعب مانا هروق مطرح الاكل بسرعة و هاخد قرص تانى
يمنى مش هتكشفى طيب
سلمى مش قادرة انزل اروح فى حتة يا يمنى انا هبص على الادوية اللى موجودة و همشى نفسى بيها و اشوف هروق بس مطرح الاكل
احمد انا هروقه انا و يمنى