روايه كاملة مكتملة لجميع فصول الرواية بقلم آيه طارق

هو المفروض كاس العالم ده امتى
ليهتف هااانت خلاص كلها كم يوم و يعلنوا عن القايمة اللي هتلعب المباراة الودية و لو كنت منهم فاحتمال كبير العب في الكاس إن شاء الله.
عبست بملامحها بعدم فهم ليتذكر انها حديثة العهد بعالم كرة القدم و لا تفهم الكثير فيه فيقول موضحا
بصي مباراة ودية يعني أممم حاجة كده مش على حاجة يعني و لا عليها نقاط و لا فلوس و لا أي حاجة تقدري تقولي كده تدريب و اللي هيلاقوه كويس فيه و يقتنعوا بيه هما اللي هياخدوه.
شكلك نفسك تلعب في الكاس أوي.
سألته بعد أن رأت حماسه في الحديث.
ليقول باستنكار نفسي بس!
ده حلم حياتي ادعيلي بس إنه يتحقق.
فتدعو بصدق ربنا يحققلك كل أحلامك و يحفظك من كل شړ.
يعني خلاص نخلي الفرح بعد الكاس إن شاء الله
لتبتسم بخجل و تأومأ موافقة.
يوم الأم
حاضر ياللي بتخبط أيه هو أنا قاعدة ورا الباب!
تذمرت والدة آدم و هي تتجه لتفتح للطارق على باب منزلها.
فتتفاجأ بوجود أماني أمامها لتنقلب ملامحها و تقول بوجوم أماني!
ازيك
فرقعت أماني اصابعها بتوتر بينما تنظر إلى حماتها لتهمس الحمد لله ازي حضرتك يا طنط
الحمد لله تمام.
و صمتت للحظة قبل أن تدعوها بدون نفس اتفضلي ادخلي.
لتدخل أماني بخجل و تتأمل المنزل الذي دخلته منذ أسبوعين عندما دعاها والد آدم على الغذاء..
لتجلس على الأريكة التي تتوسط الصالة قبل أن تقول بحرج هو أنا جيت في وقت مش مناسب و لا حاجة
لتلوي والدة آدم شفتيها و تقول لا ازاي أنت تيجي في أي وقت.
و صمتت بعدها مستندة بذراعها على ذراع الكرسي منتظرة أن تفصح أماني عن سبب زيارتها..
لتأخذ أماني نفسا قويا آملة أن يكون اليوم بداية لكسب قلب والدة خطيبها.
خير هو فيه حاجة
سألتها والدة آدم بفظاظة بعد أن طال صمتها.
لتتنحنح أماني و تقول بخفوت أنا ماما اټوفت و أنا صغيرة أوي كان عمري ساعتها تقريبا عشر سنين و من ساعتها عمري ماقولت الكلمة دي لحد و لا حسيت بحنان الأم اللي الكل بيتكلم عنه لدرجة إني لما بشوف روضة في حضڼ ملمتها او بتجري تشتكيلها عن أي مشكلة بتحصل معاها كنت بسأل نفسي يا ترى هي بتحس بأيه
و بترتاح لما بتترمي في حضڼ مامتها زي ما الكل بيقول و لا لاء
تساقطت دموعها و هي تتحدث عن أكثر ما يؤلم قلبها لتتأثر والدة آدم بحديثها و يؤلمها قلبها على الفتاة.
لتمسح أماني دموعها و هي تقول كان يوم واحد و عشرين مارس ده من أسوأ أيام حياتي لأني بحس فيه إني وحيدة و ماليش حد..
لغاية لما آدم دخل حياتي و شوفت حضرتك..
قولت يمكن أخيرا ربنا هيرزقني بأم و هلاقي حد ممكن ېخاف عليا و يعوضني عن الحنان اللي انحرمت منه زي ما آدم في أيام قليلة قدر يعوضني عن كل معاناتي.
لتترك لدموعها حرية الهبوط بعد أن فشلت في إيقافها بينما اعتدلت والدة آدم في جلستها متأملة الفتاة بحزن.
لتتابع أماني أنا عارفة إن حضرتك مش عايزاني و إنك خاېفة على آدم مني و أنا مقدرة ده و الله بس أنا.
و صمتت لتتعالى شهقاتها فتتغلب عاطفة والدة آدم الأمومية و تنهض لتجلس بجوار أماني و تسحبها إلى أحضانها مهداة إياها ثم تقول بمرح
و هخاف على آدم منك ليه يعني هو أنت بتعضي و لا أيه
لترفع أماني نظراتها إليها و تقول بأسى علشان أنا نحس و كل اللي بيقرب مني...
لتقاطعها والدة آدم متقوليش كده يا بنتي كل حاجة قضاء و قدر و احنا منقدرش نعترض على حكم ربنا..
و ربنا يحفظ آدم و يحميه من كل شړ.
لتنهي كلماتها زافرة أنفاسها بقوة.
لتسألها اماني بشك حضرتك متأكدة أنت لو عايزاني أسيبه و الله أنا ممكن.. أعملها علشان خاطر حضرتك.
و خرجت جملتها الأخيرة خاڤتة و قلبها يتلوى ۏجعا و اعتراضا على ما تفعله.
لتتنهد والدة آدم محاولة الإقتناع بما قاله لها زوجها من قبل و مذكرة نفسها بحب آدم للفتاة و تحطمه في حالة إن تركته..
و ېصرخ قلبها شفقة على أماني و ما تعانيه و ما هي مستعدة لفعله من أجل آدم فتقول باستسلام
تسيبيه أيه بس ربنا ما يجيب الفراق بينكم و يحفظكم يارب.
و خرجت دعوتها راجية.. مستجدية.
لترمقها أماني ببراءة و تسألها يعني أنت موافقة على وجودي في حياته
أنا مش عايزة مشاكل تحصله مع حضرتك بسببي.
فتربت والدة آدم على وجنة أماني و تقول بابتسامة مفيش مشاكل إن شاء الله..
و بعدين أنا لو مكنتش راضية بيك مكنتش وافقت من الأول و لا أيه
فتبتسم أماني باتساع و سعادتها قد اكتملت اخيرة..
لتخرج حقيبة بلاستيكية بداخلها عباءة و تقول
طيب يعني ممكن حضرتك تقبلي مني الهدية البسيطة دي بقى
لتتفحص والدة آدم العباءة بإعجاب قبل أن تنتبه إلى كلماتها فتقول بحنان لا حضرتك أيه بقى هو أنا مش زي ماما و لا أيه
فتعود دموع أماني