روايه كاملة مكتملة لجميع فصول الرواية بقلم آيه طارق

عناد
و إن مبعدتش عني هعمل فيك الألعن روح شوفلك واحدة تانية تتسلى بيها..
فاكر نفسك هتضحك عليا بكلمتين!
تأفف بضجر و كلمة تسلية تعود و تتكرر بين حروفها مع أنه وضح لها صدق نيته و طلب زيارة عائلتها!
طب اعملك أيه علشان تصدقي إني مش بتسلى بيك
عادت المرارة تسيطر على نبرتها لتقول بعينين شاردتين بحزن تبعد عني خالص صدقني ده أحسن حل ليك أنت متعرفش يعني أيه حياتك تبقى مھددة بالخطړ و ممكن لا قدر الله أهلك يفقدوك في أي لحظة أنا جربت الإحساس ده مع أكتر من شخص و مش مستعدة أشيل ذنب شخص جديد بيحصله حاجة بسببي.
أكثر من شخص..
كانت هذه الجملة تشير بشكل أو بأخر إلى علاقاتها السابقة و هذا آثار غيرته بشدة مما جعله يقول بتهور
بس أنا بحبك.
ابتسمت بسخرية تخفي بها انتفاض قلبها داخل صدرها و قالت بتحبني بآمارة أيه
أنت شوفتني كام مرة
و تعرف عني أيه
متقوليش إن روضة حكتلك عن كل حاجة في حياتي لأني متأكدة إن روضة مقالتلكش غير اللي يخليك تقرب مني.
ليهتف بأول ما جاء إلى عقله الحب مش محتاج وقت.
بس محتاج عقل.
جابهته بقوة..
ثم أردفت مينفعش أبقى عارف إن الحب ده هيضيع مستقبلي و يقهر أهلي عليا و أفضل وراه.
مفيش حد بياخد أكتر من نصيبه رد عليها بثقة.
لتهز رأسها بيأس فمهما قالت له لن يقتنع و لن يتركها فلجأت إلى أخر حل تملكه و متأكدة أنه سيبعده عنها تماما
خلاص يبقى تيجي أنت و أهلك زي ما كل الناس بتعمل و تطلبوا أيدي.
لا.
كلمة واحدة.. صغيرة.. حاسمة خرجت من بين شفتيه بجدية و دون أدنى تردد..
ليسكن قلبها المنتفض بخيبة أمل بعد أن كانت السعادة تملأه لأنه لازال مرغوبا!
بينما يصيح عقلها بانتصار مش قولتلك إنه مش عايزك غير علشان يتسلى بيك!
تلاقيه عايزكم تضربوا ورقتين عرفي ياخدك بيهم كم شهر و بعدين يرميك..
أومال أنت كنت فاكرة أيه!
مش قبل ما تعتذري عن اللي عملتيه و احمدي ربنا إني هقبل باعتذار بيننا و بين بعض بس رجل غيري كانت أقل حاجة ممكن يعملها يخليك تعتذريله في نفس المكان اللي أهنتيه فيه و قدام كل الناس.
هل هذا كل ما يهمه اعتذار!
ده على أساس إن المشكلة كلها واقفة على اعتذار
و إن أهلك هيوافقوا عليا عادي كده
بوضعي و ظروفي و مستوايا الإجتماعي!
لم يهتم إلا بجملتها الأخيرة ليقول بابتسامة واسعة مستوى أيه
أنت فاكراني عيل توتو مولود و في بوقه فمه معلقة دهب!
تفاجئت بأسلوبه المرح و رغما عنها ضحكت على كلماته.
ليبتسم سعيدا بضحكتها و هو يشعر أنه قد بدأ يتسلل إلى قلبها!
على فكرة بقى أنا اتربيت في حارة زي اللي أنت اتربيت فيها دي بالظبط بس أنا بقى جريت ورا الفرصة فالبلية لعبت معايا و بقيت زي مانت شايفة كده.
ليعود إلى موضوعه الأصلي فيقول أظن دلوقتي معندكيش أي أسئلة تاني..
يلا بقى اعتذري.
هو أنت معندكش غير اعتذري اعتذري على الأقل غير الكلمة.
قالتها بعصبية بعد أن سد أمامها كل الأبواب التي تستطيع بها الهرب منه..
تبا ألا يعرف أن كل ما تفعله من أجله هو لا هي!
طب اتأسفي حلو كده
تأففت بحنق فمهما فعلت لن تؤثر فيه و لن يبتعد إذا هو من جنى على نفسه و ليتحمل نتيجة اختياره!
أنا آسفة يا سيدي حلو كده
و.....
ليقاطعها بحدة لا مش حلو ده تسليك مش اعتذار..
اتأسفي علشان أنت عارفة من جواك إنك غلطانة مش علشان أنا عايز كده.
عضت شقتيها بندم هي بالفعل نادمة على ما فعلته و تلوم نفسها كثيرا على الرغم من مكابرتها و لكنها لا ترغب في إظهار ذلك له حتى لا يتمسك بها أكثر!
و نظرة الندم التي ظهرت في عينيها كانت كافية جدا له فهتف
اهي النظرة دي بمية اعتذار من اللي قولتيهم..
بس متفتكريش إن الموضوع هيقف عند اعتذار بس لاء أنا هفضل احاسبك على اللي عملتيه لغاية لما احس إني ارتحت.
مغرور كيف يهددها هكذا و هو يعرض عليها الزواج!
المفروض أنا أوافق اتجوزك و أنت بتهددني
ليهز رأسه معترضا على كلماتها و يقول ببطء تؤ تؤ أنا مش پهددك أنا هحاسبك على غلطتك و ده من حقي و لا أيه!
لوت أماني شفتيها بعدم رضى و قالت أيه أحاسبك على غلطتك دي أنت شايفني طفلة قدامك و لا أيه
و أحلى طفلة.
باغتها بكلمته لتعود نبضاتها للتسارع و وجهها للاشتعال بخجل.
هو أنت في كل حالاتك حلوة كده و أنت مكسوفة و حتى و أنت متنرفزة..
ده ربنا يعيني بقى.
ازداد تسارع دقات قلبها حتى ظنت أنها ستفقد وعيها فجاهدت للسيطرة عليها و عدم إظهار تأثرها له..
هما روضة و فارس راحوا فين
ابتسامة مشاكسة ملأت وجهه فقال و هو يغمز لها بعينيه مبتعرفيش تتهربي من الموضوع على فكرة.
فرقعت أصابعها بتوتر لتقول و هي تنظر إليها مبتعدة عن نظراته التي تشعر بها تخترقها اتهرب ازاي أنا مش فاهمة.
مش فاهمة بجد
و السؤال ترافق بغمزة