روايه عانس و لكن روايه كاملة لجميع فصول الرواية للكاتبة ايمان فاروق

لم تقصد الإستماع لهذه الاغنية مما جعلها تردف بيأس تصدقي ياعمتو . . انا مقصدتش اسمع الاغنية دى . . انا بس حاولت اخرج نفسي من المشاحنات الي كانت برة . . كان نفسي الكل يفهمني ويقدر مشاعري . . انا عمرى متمنيت غير اني اكون سعيدة مع شخص يتقي الله فيا وفي اهلى . . انا كان ممكن اسمع كلامه ومفكرش غير في نفسي وسعدتي انا وهو . . لكن ڠصب عني حب ابويا وامي وعشقي للمكان كان اقوى من اني اقدر اتخلى عنهم . . هو مقدرش يفهمني وقرر انه يسبني ويمشي وكأني مليش لزمة عنده .
العمة وهى تحتوي وجهها بين كفيها وبصوت باكي من شدة التأثر بها حبيبتي انا عارفه انك لسه بتحبيه . . وعارفة انك ضحيتي بيه علشان اهلك ودا مش عيب هو الي غلط لما سابك من غير متحطوا النقط على الحروف . . كان ممكن يسافر سنة والا اتنين ويرجع يتمم الزواج ولكن هو كان متصلب برائيه وانتى كمان كان لازم تخديه بالهادي . . بس نقول ايه النصيب غلاب والعين وحشه يابنتي وبتفلق الحجر .
إجابتها بتفهم وهى تمسح عبراتها العالقة على وجنتيها انا عارفه ياعمتو ان القسمة والنصيب هما الي بيحكمونا . . انا لو ليا نصيب كنت هكمل مع عوض او كان ممكن استناه لما قرر يسافر او حتى كنت رحت وراه لما بعتلي مع هناء انه عايزني اسافر ليه هناك. . لكن مفيش نصيب وانا راضية بكده . . والحمدلله على كل حال . . الحالة الي انا فيها دي من تأثير الكلمات دي . . لانها مستني من جوا . . ڠصب عني يعني واظن ان دي مشاعر ملناش دخل فيها ولا منقدرش نتحكم فيها . . لانها ببساطة قدر مكتوب وربنا وحده هوا الي يقدر ينسينا الي فات .. انما العين والحسد والحاجات دي كلها انا مبعتقدش فيها لانها بأمر من ربنا .
العمة بود ونعم بالله العلي العظيم . . معاكي كل الحق طبعا . . بس ربنا بيقول ناخد بالاسباب لان كل شئ خلق بقدر . . العين حق والرسول صلى الله عليه وسلم سحر والرقية الشرعية الرسول علمها لينا في احاديثه الشريفة .
سيهام بتفهم فعلا ياعمتوا . . انا برتاح لما بقراء السور الي ذكرهم الرسول صلى الله عليه وسلم كرقية شرعية وكمان بداوم على الاذكار الصباحية والمسائية بلاقي راحة غريبة بعد قرأتهم .
طب تعرفي ان في ناس مبروكة وربنا بيديهم كرامة معينه وبركه كمان بيبقوا مقبولين الدعاء لانهم طيبين انا كنت لسه بتكلم معاهم بره على الشيخ صالح المحمدي . . دا راجل نضيف وبركة . . ايه رأيك تيجي معايا عنده ونسمع ليه شويه . . دا الكلام معاه بيريح قوي ورقيته فيها الشفاء من العين والنفس .
انت بتقولى ايه ياعمتوا . . انتي عيزاني اروح للدجالين . . دول ناس بيستخدموا القرآن ستار لأعمالهم الغير شريفة . .

لا طبعا مينفعش اخسر ديني في زيارة الناس دي .
العمة بنفي ابدا ياقلبي . . دا مش دجال ومبيخدش أجر على كده . . دا حافظ للقرآن وبيعمل كل ده لوجه الله . . ولما بيجي يرقي مبيلمسش اي بنت بيخلى حد من محارمها بينهم واقولك على شئ تاني . . الراجل ده كفيف البصر . . ودعوته مقبوله . . وناس كتير بتشكر فيه . . تعالى معانا وهناخد بابا علشان تكوني متطمنة ياستي . . مش هنخسر حاجة . . وبعدين احنا لا ريحين نعمل عمل ولا دياولوا احنا رايحين نسمع شوية قرأن يريحو النفس شوية من صوت راجل طيب .
ما كان على الفتاة الا انها تتقبل دعوة العمة وخصوصا بعدما أخبرها اباها بموافقته لهذا الأمر . . لربما يكون هداية لتلك العكوسات التي تقالبهم في حياتهم .توجهت لله مبتهلة بالدعاء لربما تحظوا براحة البال مرة اخرى وتهدأ تلك الثورة الداخلية التي تتحكم فيها .والاخرى تتمني ان تنول تلك الراحة والسکينه لبعض الوقت فكم يقسوا عليها نظرات الاشفاق التي تقابلها في اعين اشقائها والجميع ليت المجتمع يبتعد قليلا عنهم حتى يستعدن قوتهن من جديد ليتها تستطيع الصمود هى الأخرى في هذه الحړب الصامته فالمطلقة ليست بأسعد حال من العانس ..فهى في نفس خانة الاتهام بل اسواء منها فالعانس لم يصبها الدور في الزواج ولكن هى فشلت في اقامة حياة مستقرة لذلك عليها يصوبون اصابع الاټهامات بل يحملهن المسئولية الكاملة للفشل الاسري .
. . . . . . . . . . . . . . . . . . . . . . . . . . . . . . . . . . .
على الجانب الآخر كان هناك من يجاهد في اعماله التي اخذته في دوامتها وجعلته يعيش بداخلها الى ان وصل إلى مبتغاه فمنصبه الأن عالى في مجال صناعة السيارات وخبرته بها عالية مما جعله يتميز بين اقرانه بعدما اظهر خبرته لصاحب العمل مما جعله يتشبس به نظرا لتميزه معه .
يجلس تحت احد السيارات يتابع العمل بها ويعمل على إصلاح ذلك العطل الذي يعتبر من الأعطال الخاصة بالتصنيع والذي اكتشفه هو من خلال العمل بها وها هو ينهى العمل وهو يزفر راحة مما نال اليوم فسعادته بهذا العمل اعطاه طاقة كبيرة اليوم بعد محادثته مع دالين التي جعلته يتذكر حبيبته فهو لن يستطيع استبدالها بأمرة اخرى . . حتى وان كانت تفوقها في الجمال .
يقابله رجل اشقر يرتدي حلة سوداء ليرمقه بإعجاب كبير فهو اصاب بهذا العمل الجيد ليمتم بإعجاب برافو عليك عوض . . دا يعتبر انجاز كبير وعلينا ارسال القطعة المعدلة للشركة الأم وهى اكيد هتقدر عملك دا .
انا متشكر لحضرتك امجد باشا . . لولا الثقة الي انت اديتهاني مكنتش قدرت انجز المهمة دي . . دا عيب تصنيع واضح والحمدلله قدرت اعدل بعض القطع وبكده المشكلة اتحلت .
امجد بفخر انا فخور بيك ياعوض انا هنا بقالي اكتر من تلاتين سنة وعملت الصرح الكبير ده وانت بتفكرني بنفسي لما جيت هنا . . عارف انا ساعات كتير بيخدني الحنين لبلدي ومن يوم مشفتك وانت هونت عليا الغربة . .انا بعتبرك ابن ليا ياعوض مش مجرد موظف .
عوض بسعادة فهذا الرجل العظيم الذي يعتبره هو قدوة له يثني عليه بكلماته الجميلة ويهديه لقب الابوة الذي حرم منه بتركه بكامل إرادته .. فهو من قرر الرحيل وترك بلاده وكل احبائه هناك من خلفه مما جعله يردف بتأثر انا يسعدني كلام حضرتك يا امجد باشا ويشرفني كلامك الجميل . . حضرتك سندنا كلنا هنا في الغربة ولاولا وقوفك جمبنا كلنا لكان زمانا مقبوض علينا . . كفايه موضوع التأشيرة والاوراق