اسكريبت كامل بقلم الكاتبه أمنية حلمي

_الملح مظبوط فلفل أسود تمام كمون كويس كزبرة معقولة لكن.. الشطة قليلة!
_ماهو مش هيبقى أنا والطبق حراقين يعني!
_أفندم
وقف مكانه بانضباط أكتر وحمحم قبل ما يتكلم مقصدش يا شيف.. بعتذر.
هزيتله راسي بلا مبالاة قبل ما أتحرك متوجهه للمتدرب اللي بعده.. أدوق طبخه وأعدل عليه!.
_زود صلصة.
_ الملح زيادة.
_اللبن قليل
_الشوربة حادقة.
_الشكولاتة سايحة زيادة.
_الرز مش مستوي كويس.
ومئات التعليقات والانتقادات على كل طبق بدوقه لكل متدرب من المتدربين اللي بيتنافسوا في مسابقة لاختيار واحد منهم يمسك أحد سلاسل مطاعمي.. مطاعم HG أشهر سلسلة مطاعم في مصر والوطن العربي.
المطاعم أصلها كان لوالدي.. مجدي الجندي ومع ذلك سماها HG كناية عني أنا!!!! حنين الجندي
وبلا مبالغة.. أصغر سيدة أعمال ومالكة مطاعم في الشرق الأوسط وقريبا منافسة على اللقب في العالم كله.. وينه الشيف بوراك.
خلصت مناوبتي على المتدربين قبل ما أسيب المطبخ وأقعد برا.. على الترابيزات ووسط الزباين!
وللحقيقة دي قاعدتي المفضلة وأنا شايفة الزباين قد إيه مبسوطين بمستوى الأكل عندي وعندهم شغف ليه ناهيك عن البعض الآخر واللي بييجوا مخصوص بس علشاني أنا.. علشان أكلي!
الأكل بالنسبة لي فن
وأنا غاوياه بصراحة كدا!
حد زيي عمره ما فكر في شيء غير كيفية الإبداع في الأكل وأظن إني بنجح!
الطبخ من صغري هواية ورثتها عن والدي الله يرحمه بحبه وبتقنه شغفا فيه مش ڠصبا ولا إضطرارا أبدا..
تعليقات كتير سلبية ناتجة عن تفكيري دا زي طب والجواز داخلة على التلاتين وهتعنسي ويفيد بإيه النجاح من غير أسرة وإلخ... دون ملل.
مش فاهماهم بجد... إيه المشكلة لما أكون عندي تمانية وعشرين سنة وداخلة على التلاتين فعلا إيه المشكلة!
وحب إيه اللي أنتبه لي قبل ما أحقق كياني وأأمن مستقبلي
أنا عندي حاجات أهم من كدا بكتير.. شغل سفر تحقيق ذات فلوس جوايز نجاح!
لكن حب لالا.. Thats not my type.
لفت انتباهي ضجة جاية من المطبخ ومن الواضح كدا إن فيه خناقة.. إيه التهريج دا هو أنا جايبة أطفال!
نفخت بضيق قبل ما أقوم أشوف فيه إيه نظرا للصوت اللي بدأ يعلى أكتر فأكتر خصوصا لأجل الزباين اللي بدأت تاخد بالها!
فتحت باب المطبخ وأنا بحاول أستوعب مشكلة الضجة دي إيه لحد ما لقيت واحد من المتدربين ماسك في هدوم واحد تاني.. مش بقولكوا عيال
قربت بعصبية وزعقت بكل ما في فيه إيه! إيه شغل العيال دا.
اتعدل الاتنين من مكانهم واللي ظهر عليهم ملامح التوتر والخۏف فكملت أنتوا بتهزروا دا مكان محترم وليه سمعته.. إيه اللي أنتوا بتعملوه دا بقى!
اتكلمت واحدة من المتدربات اللي خارج المشكلة واللي قطعت سكون الأجواء يا شيف بس ساهر مغلطش.. دا فريد إللي اا..
_مريم.. أسكتي!!!!
قالها المدعو ساهر واللي عرفت اسمه من كارت العمل بالتأكيد.. أما الآخر وهو فريد بص له پغضب مكتوم يتخلله السخرية اللي لاحظتها لكن متكلمش.
ف خدت نفس عميق مرة تانية قبل ما أتكلم من جديد طيب شغل العيال دا مش هنا.. أنا مش جايبة ولاد أختي معايا فاللي هيحترمني وهيحترم المكان اللي هو فيه أهلا أما اللي هيعمل عكس دا ف يتفضل يسلم الكارت بتاعه ويمشي.. مفهوم!
قولت أخر كلمة وأنا بنقل نظراتي بين ساهر وفريد فعدت الكلمة مرة تانية بنبرة أعلى مفهوم
_مفهوم.
قالها الاتنين في وقت واحد فحاولت ارخاء أعصابي قبل ما ألتفت وأخرج من جديد لكن المرة دي من المطعم ك كل!
وقبل ما أخطو أخر خطوة لخارج المطبخ سمعت اللي اسمه فريد دا بيتكلم بسخرية للتاني يا حنين يا أبو قلب رهيف!.
_إخرس!!
رد عليه ساهر بالكلمة دي