اسكريبت أحببت سائقي جديد و حصري على مدونه ايام نيوز بقلم الكاتبه المبدعه إسراء إبراهيم

في عشا بكرا ده سلام
قفلت ريما بحزن وسرحت وهي باصة للطريق وبتفكر هتعمل ايه
احمد بجدية احم حصرتك هتروحي مكان تاني انهارده
ريما بتكشيرة انت عندك معاد ولا ايه لتكون عاوز سلفة من اول يومين شغل
احمد بضيق انا سألت حضرتك سؤال فياريت تقولي اجابته من غير سخرية
ريما ببرود تمام احتمال اخرج يعني مفيش مرواح في حتة تمام
احمد بتنهيدة تمام مفيش مشكلة اتفضلي وصلنا
ريما كانت هتنزل بس كشرت لما احمد تليفونه رن ورد وهي في العربية فكانت هتزعقله بس ملامحها اتحولت للقلق لما لقته بيتكلم بلهفة خير يا طنط كوثر طمنيني هي تعبت تاني ولا ايه ايييه طب انا جاي حالا مع السلامة
ريما بتردد ههو في حاجة ولا ايه
احمد بسرعة بعد اذنك انا لازم امشي والدتي تعبانة ومحتجاني جمبها
كان متوقع احمد انها تعند لكنه اتفاجأ بيها بتقوله بقلق تمام يلا بينا بسرعة
احمد باستفهام يلا ازاي هو حضرتك هتيجي معايا
ريما بكدب اه عشان اعرف يعني بتكدب وبتحور ولا فعلا مامتك تعبانة
احمد بضيق تمام
وساق احمد بسرعة علي بيته وكانت وقتها ريما مستغربة حالها اوي وانها كدبت علي احمد وقالتله كدة وهي في الحقيقة عندها فضول تشوف مامته وحياتهم عاملة ازاي وخصوصا ان احمد واضح عليه انه بيحبها اوي ومهتم بيها
كانت واقفة ريما من بعيد وهي شايفة احمد امه وهي بطبطب عليه وقتها دموعها نزلت بحزن لانها افتكرت امها اللي مشافتهاش ومتعرفش حتي شكلها ايه ولا حنيتها عاملة ازاي
احمد بلهفة بقي كدة يا امي تخضيني عليكي ده انا مأكد عليكي الصبح تاخدي العلاج
زينب بابتسامة يا حبيبي انا كويسة مفيش حاجة هي بس خالتك صابرين بتقلق بسرعة معرفش ليه رغم اني مأكدة عليها انها متكلمكش
صابرين پصدمة يا ولية بتكدبي وانتي في السن ده ده انتي مكنتيش قادرة تاخدي نفسك وهتفرفري بدري
زينب بضحك يخيبك يا صابرين ضحكتيني الحمد لله. انا كويسة دلوقتي بعد ما اخدت العلاج وبعدين ما انت عارف ان الحل في ايدك يا احمد وياما قولتلك اتجوز بقي عشان تجيبلي واحدة ترعاني
احمد ابتسم بتلقائية انا عارف انتي عاوزة تدبسيني انا اتجوز وبعدين تقوليلي شيل نفسك بقي انت ومراتك ومش عاوزة حد يعملي حاجة بس مش هنولهالك يا زوبة
زينب بانتباه يا ربي انا نسيت اسألك مين دي اتفضلي يا بنتي معلش متأخذنيش مرحبتش بيكي
ريما بتوتر شكرا يا طنط والف سلامة علي حضرتك
احمد بجدية دي انسة ريما يا ماما صاحبة الشغل انسانة كويسة اوي ولما جاتلي المكالمة من خالتي صابرين وعرفت انك تعبانة صممت تيجي معايا تطمن عليكي
زينب بحب تسلميلي يا بنتي ربنا يسعدك ويكرمك يارب والله مش عارفة اقولك ايه انتي مفيش زيك دلوقتي
ربما باحراج علي ايه يا طنط انا معملتش حاجة استأذنكم انا بقي والف سلامة علي مرة تانية
زينب بلهفة ياخبر لا طبعا انتي هتتغدي معانا ايه هتكسفيني ده انا زي امك يعني
ريما بهدوء العفو يا طنط بس انا مش عاوزة اتعبك
زينب بابتسامة ولا تعب ولا حاجة دي خالتك صابرين هي اللي هتعمل الاكل انتي اقعدي ارتاحي واهو نتعرف عليكي اكتر
احمد بص لامه بغيظ لانه عارف هي تقصد ايه وفهم نظراتها لريما وسابهم وقتها ودخل اوضته وكانت متابعاه ريما باحراج
عدي اليوم وكانت ريما سعيدة اوي بالوقت اللي قضته
مع عيلة احمد فكانت نازلة معاه عالسلم وهي بتتكلم بتلقائية بجد عيلتك جميلة اوي يا احمد انا كنت مبسوطة اوي بالوقت اللي قضته هنا
احمد بضيق اعتقد كدة اتأكدتي اني