اسكريبت أحببت سائقي جديد و حصري على مدونه ايام نيوز بقلم الكاتبه المبدعه إسراء إبراهيم

اسكربت
احببت سائقي
انت السواق الجديد
احمد بجدية ايوة يا فندم انا احمد اللي كلمك عني مراد بيه
شريف بجدية انا عمري ما وثقت في حد معرفوش بس مراد شكر فيك كتير وفي والدك فاتمني انك تكون قد الثقة
احمد بابتسامة ان شاء الله اكون عند حسن ظن حضرتك يا فندم وعلي فكرة انا كنت مع مراد بيه قبل ما يسافر كنت السواق الشخصي بتاعه فالحمد لله كنت قد ثقته فيا
شريف بتلقائية طيب تمام اوي انت هتبدأ من انهاردة بس مش هتكون معايا انا انت هتكون سواق ريما بنتي عاوزك مش بس سواق يا احمد يابني انا عاوزك تاخد بالك منها هي في امانتك
احمد بتردد تمام يا فندم ان شاء الله
شريف بتردد واحب اقولك انها عصبية شوية عشان بس تبقي عارف يعني بس عموما لو في اي حاجة ياريت ترجعلي الاول
احمد حرك راسه بموافقة وفهم من كلام شريف انه مش اول سواق وان واضح ان بنته ريما دي من النوع اللي مش بيكمل معاها حد فاتنهد بضيق وده لانه مكنش عاوز يشتغل مع اي ست اصلا
انتبه احمد لصوت شريف اللي كان بيتكلم بفرحة وريما بتقرب منه فكان متابعها بعنيه احمد وفهم من كلامهم انها دي ريما بنته اللي هيبقي السواق بتاعها
شريف بابتسامة اقدملك يا ستي احمد السواق الجديد شاب ممتاز يارب بس يصمد معاكي
ريما بغرور من غير ما تبص لاحمد امممم انا قولتلك يا بابي انا مش عاوزة سواق انا بسوق وخلاص
شريف باصرار وانا قولتلك برضه اني مش هطمن عليكي غير مع سواق يا ريما فمتوجعيش قلبي وانا حاسس انك هترتاحي مع احمد
بصت ريما لاحمد بغرور ورجعت بصت لابوها بقلة حيلة اوك بابي هسيبك بقي عشان عندي معاد مهم اوي ادعيلي
شريف بفضول ربنا معاكي يارب بس رايحة فين
ريما بحماس عندي ميتنج مهم في شركة رجل الاعمال عز الدين الراوي هو اللي طلب يقابلني عشان نتكلم في شغل هيطلبه من مصانعنا ادعيلي الديل يتم بقي
شريف بتكشيرة ما بلاش يا ريما الراجل ده اسمع عنه انه مش تمام وسمعته مش قد كدة في السوق
ريما كانت هتتكلم بس بصت لاحمد وقالتله ببرود ممكن تتفضل بقي مكانك ولا هتفضل مكمل معانا المحادثة
احمد بصلها بجمود ومردش عليها ومشي لكنه كان في قمة غضبه بس حاول يتحكم في نفسه زي ما وصاه ابوه
شريف بعتاب عيب كدة يا ريما انتي احرجتيه مش ده اللي ربيتك عليه
ريما ببرود بابي النوعية دي من الناس مش لازم تتعامل غير كدة وبعدين ده لسة اول يوم ليه فمش لازم نثق فيه يعني
شريف بيأس لسة تصرفاتك زي امك كان نفسي تتغيري بس للاسف
ريما بتهرب طيب همشي انت عشان متأخرش عالميتنج ومتقلقش عليا انا اعرف ازاي احمي نفسي
شريف بقلة حيلة تمام يا بنتي ربنا يحميكي يارب
ريما بابتسامة باي بابي اشوفك عالعشا
في العربية كانت قاعدة ريما ورا واحمد سايق وباصص قدامه بجدية لحد ما سمع صوتها بتكلمه ببرود اقف علي جمب هنا
احمد بجدية تمام يا فندك بس ليه
ريما بحدة انت هتحاسبني لما اقولك تقف تسمع الكلام وتقف انت فاهم
احمد وقف العربية فعلا علي جمب وبعدين بصلها بحدة واتكلم اولا صوتك يبقي واطي وانتي بتكلميني ثانيا انا مليش اني اتدخل في خصوصياتك لكن ده شغلي وانا مينفعش اقف في طريق سريع عشان كدة سألتك ثالثا لو صوتك ده علي عليا تاني مضمنش رد فعلي معاكي ايه فخدي بالك
ريما بتوتر وعند