إسكريبت كامل و حصري بقلم الكاتبه أيه حمام

ستحرم أبناءك من حقوقهم فلا واجب لك عليهم!
إذا الفتى نشأ في بيئة صالحة يتم رعايته فيها بشكل يضمن سلامة انتاجه سواء دينيا عاطفيا اجتماعيا ف حينها ينتج جيلا أكثر قدرة على تحمل أعباء الحياة بكل ما تحمله جيلا لا يستسلم ولا يضعف بسهولة وإن حدث.. ف سرعان ما سيحاول النهوض.
رسالتي في الأخير
اتقوا الله يا معشر الأباء والأمهات في أولادكم ستسألون عنهم.
وأنتم يا معشر الشباب بيد كل منكم أن ينقذ نفسه من الوحل وأن يبصر الطريق الصحيح أنت باعتراضك على قضاء الله واختيار مفارقتك للحياة ما هو إلا سبيل لما هو أشد وأقسى.
_أنا خلصت كتابة يا مستر جلال إتفضل بص عليه كدا علشان لو ناقصه حاجة.
كنت لسة ناهية المقال وأخدته له يتمم عليه بدأ يقرأه وأنا ملاحظة على ملامحه الإعجاب ف كنت ببتسم تلقائيا لحد ما تكلم هو
_كويس جدا يا آية الله يبارك في قلمك حقيقي.
_شكرا بجد.
_خدي نزليه يلا ومتنسيش تكتبي اسمك.
أخدت اللاب منه وبدأت أنزل المقال على صفحة المجلة بعد ما كتبت اسمي واسم باقي التيم.
_تم يا فندم.
يارب بقا يوصل لأكبر عدد وتتم الاستفادة منه زي ما إحنا بنتمنى وعلى قد ما تعبنا فيه.
_حتى لو وصل ل عشرة بس يكفي إنهم يفهموا كل حرف ويطبقوا الكلام دا هم والأجيال بتاعتهم.
علينا السعي يا آية طمني نفسك إنك عملتي ال عليك.
هزيت راسي وأنا بوافقه على الكلام وبعد شوية فتحت الموقع ولقيت ال شافوا المقال عدد كبير إلى حد ما ف فرحت أوي وكنت لسة هتكلم لكن دخلت جنة والشباب وراها.
_أنا نزلت المقال بتاعي قبل آية بنص ساعة وحاليا الاتنين جايبين عدد قراءة وتفاعل غير متوقع بجد
والمشاركات كتير كمان.
_براڤو عليكم يا ولاد.
طلعتم قد التحدي وفزتم بجدارة كمان.
_الشكر لثقتك فينا يا فندم.
المقال بتاعي وبتاع جنة كانوا بيكملوا بعض لذلك كنا مبسوطين جدا بالتفاعل عليهم.
بعد خلصنا كلام كلهم خرجوا وأنا كنت خرجت وراهم بس رجعت تاني علشان آخد النضارة ال نسيتها ولسة هخرج لقيت غيث دخل.
_السلام عليكم.
_وعليكم السلام.
_وعليكم السلام يا غالي إيه سبب الزيارة دي
_جاي أستأذنك في الأستاذة الحلوة دي باقي اليوم.
_إذنك معاك أنت والأستاذة الحلوة.. بس متنساش تبارك لها على نجاحها الأخير.
بص لي بفخر وبعدين خرجت أنا وهو لما استأذنت من باباه ودخلت المكتب أخدت الشنطة والموبايل ونزلت معاه وهو ماسك إيدي.
_أنت كويسة
_حد يشوف وجهك البهي دا يعني وميبقاش كويس.
ميل باس خدي ف ركبنا العربية وسألته
_هتخطفني على فين بقا في نص اليوم كدا
_مشوار صغير كام ساعة.
اجابة مبهمة مفهمتش منها حاجة بس بعد ربع ساعة كنا وصلنا كافيه هادي ف قعدنا وطلب مشروب وبدأ يتكلم هو
_فكرتي في حاجة من إمبارح
_بخصوص إيه
_بخصوص مامتك!
_لاء.
_متأكدة
زفرت بضيق وسكت ثواني قبل ما أتكلم أرد عليه
_فكرت
بس مشتتة.
ولو أخدت قرار إني أعفو عنها ف هيكون السبب رضا ربنا مش بسببها هي.
_ودا الأفضل إنك تعملي شيء لوجه الله ولرضاه.
_برغم إنه هيكون صعب أتعامل معاها كإننا أغراب بس على الأقل هيبقى أفضل من إني أرجع أثق فيها وتخذلني من تاني.
طبطب على إيدي وهو بيطمني وقضينا اليوم لحد ما روحنا.
بعد يومين جاب ماما وجت اعتذرت من تاني ف قررت أعف عنها وتكون علاقتنا عادية مجرد بر بيها..
أما بابا ف كنت بشوف في عيونه لهفته وحبه ال لازالوا موجودين لكنهم مقدروش ينتصروا عليه.
وبيمر الوقت وفرحي خلاص بعد بكرة لكني قررت آخد خطوة وقرار بدون علم أي شخص.
_ممكن أدخل يا مستر جلال.
_أكيد.
_إتفضل.
_إيه دي
_إستقالتي.
بص لي بسرعة باستغراب وعدم تصديق لل قولته ف رجع يسألني تاني
_ليه كدا حد زعلك في حاجة
بعدين دا أنت لسة متكرمة على نجاحك!
_ما أنا كنت مستنية اللحظة دي أخيرا قدرت أكتب شيء قدر إنه ينفع ناس كتير وناس بعتت إنها استفادوا وبدؤوا يتغيروا والموضوع فرق معاهم.. فدا ال كنت عاوزة أوصل له من خلال مجالنا.
_بس التوعية لسة مخلصتش يا آية محاولة إنقاذ الناس مش بتكون عن طريق مقال واحد أو اتنين.
_لو حصل أمر تاني وكان بإيدي أساعد ف هكتب وأنزل على صفحتي
وكمان أنا كلها يوم وأبقا زوجة وهيبقا دوري في بيتي أهم وأعظم.
_مش عارف أقول لك علشان أنت كلامك صح بس في نفس الوقت مش هيهون عليا إنك تسيبي المجلة.
_هسيب المجلة بس هتشوفني في وشك أربعة وعشرين ساعة وبدل ما بقول مستر جلال ف هتبقى بابا أسهل.
ضحك على كلامي وأنا كمان ضحكت برغم الدمعة ال ظهرت بعيني اسنتيه مضى على الاستقالة وخرجت دخلت مكتبي لمېت حاجتي في بوكس وودعت أصحابي وخرجت وأنا ببص بصة أخيرة على المكان قبل ما أتحرك وجوايا يقين إنك ربنا هيعوضني بشيء أفضل طالما أنا تركت دا لله.
_خلي بالك عليها يا غيث.
_بتوصيني على مين دي حتة مني يعني أنا أتوجع قبل ۏجعها.
لحظات مكنتش متخيلة إنها هتكون بالصعوبة دي وكلامهم هم الاتنين مخليني عايزة أنقسم وأبقا كل جزء مع واحد فيهم.
خرجت من حضڼ بابا وقربت ماما تحضني وهي بتكرر اعتذارها من تاني لحد ما مشيت مع غيث لحياتي الجديدة.
_نورتي الدنيا الخاصة بي.
_وأنت منور كل حياتي من يوم ما بقيتوا جيراننا يا غيث وأنت خطفتني.
_بعيد عن إن محدش إتخطف ولا إتفتن غيري بس أنت أعظم وأجمل نعمة ربنا أنعم بيها عليا ولإني إنسان وطبع الإنسان إنه طماع ف أنا هفضل أطلب من ربنا تاني إنه يجمعني بيك في الجنة زي ما جمعنا في الدنيا.
مسكت إيده أبوسها قبل ما أحضنه وأنا بحمد ربنا إنه رزقي وكل حالي وحياتي وإنه أحلى النصيب!
_تمت.
آية_حمام.