إسكريبت كامل و حصري بقلم الكاتبه أيه حمام

وتختاري تبيعينا أنا عيشت أكتر من نص عمري معنديش أم وكانت أي ست بتمارس لي الأمومة برغم إنك عايشة!
_وأنا اتطلقت وجيت علشان أصلح غلطتي وأعوضك.
_قولي كدا بقا إتطلقتي ف اترميتي ف قولتي أكيد مفيش حد تروحي له غيرنا صح محدش هيقبلك غيرنا.
_آية عيب.
_آسفة يا بابا.
بس مدام أزهار غلطت في الوجهة غلطتي في العنوان والزمان يا مدام.
أنا خلاص بقيت زوجة وكلها أيام وهروح بيت زوجي وهبدأ حياة جديدة.. معتقدش إني بقيت محتاجة ليك ربنا عوضني ب أم تانية.
_محدش هيقدر يعوضك يا آية.
_كنت قولتي الجملة دي لنفسك قبل ما تقرري تعملي ال عملتيه زمان.
عن إذنك يا بابا عن إذنك يا غيث.
سيبتهم بعد كلامي ودخلت أوضتي بسرعة قبل ما أضعف وأبكي قدامها.
_بعد إذنك يا عمي ممكن أدخل لها
_إدخل يا ابني.
إدخل لما أشوف نهاية كل دا إيه.
_إيه رجعك يا أزهار بعد السنين دي كلها الغنى والعز ال كنت عايشة فيه زهقتي منهم ولا إيه
_أنا آسفة يا سالم.
_إعتذارك مش مقبول يا أزهار.
_بس أنا غلطت وعرفت غلطي وندمت مش هتغفروا لي
_ربنا هو ال بيغفر لعباده.. اطلبي منه يغفر لك ويسامحك على ذنب بنتك ال كنت سبب في ۏجعها سنين كتيرة وذنبي أنا كمان عن إنك تتخلي عني وتسبيني مع طفلة كان مطالب مني أقوم لها بدور الأب والأم سوا.
_بنتي لو أنت سامحتني هي هتسامحني علطول.
_وأنا مش هعمل كدا.
كنت دخلت أوضتي وقعدت على الأرض وبدأت أعيط وأنا شريط حياتي بكل المواقف الصعبة فيه بتمر قصاد عيني لحد ما خبط هو ودخل قعد جنبي بسرعة وضمني لحضنه يهديني
_إهدي يا حبيبتي إهدي.
_جاية ليه دلوقتي يا غيث جاية ليه
_دا نصيب يا آية مكتوب لكم ترجعوا تتقابلوا من تاني في الوقت دا.
_هي سابتني وأنا صغيرة كنت محتاجاها كتير ومكنتش بلاقيها مامتك وباقي الجيران كانوا هم ال بيهتموا بيا وبيقوموا بدور الأم ليا كنت بدور عليها بين كل الناس كنت بدور عليها لما كل البنات كانت بتحكي عن مامتها يا غيث أنا عيشت إحساس اليتم وأنا أمي عايشة!
_إحنا إتفقنا قبل كدا إن كل معاناة وألم وۏجع بنعيشهم بيكون فيه حكمة منهم مفيش شيء بيحصل لنا إلا وفيه منفعة بتعود علينا بعده.
_أمي سابتنا علشان بابا مر بفترة صعبة في شغله إتخلت عن حبيبها وبنتها في وقت صعب وراحت إتجوزت واحد معاه فلوس رجعت بعد ما سابها رجعت بعد ما ربنا انتقم لنا منها رجعت وطالبة السماح.. أسامحها إزاي بعد كل دا يا غيث
كنت بقول الكلام ال جوايا بشكل ملخبط مش فارق معايا قد إني بتكلم وبحكي ال واجعني.
_فكري بالعدل يا آية متخليش مشاعر الڠضب هي ال تتحكم في قرارك.
كلنا بشړ كلنا بنغلط.. أها غلط عن غلط بيفرق في درجته بس طالما إتعلمنا وتوبنا يبقى نستاهل العفو.
سيدنا محمد ﷺ متأذاش من حد قد أهل قريش إتعذب معاهم هو والصحابة عڈاب محدش يقدر يتحمله ومع ذلك لما كان موضع قوة مردش الإساءة بالإساءة بالعكس عفا عنهم وقال لهم اذهبوا فأنتم الطلقاء
أنا مش بقول لك رجعي علاقتك بمامتك إنها تكون علاقة مثالية بالعكس مش هجبرك على شيء بس على الأقل اعفي وحتى لو هتبقى العلاقة كإنكم مش أم وبنتها.. بس علشان متشيليش ذنب.. وفي الأول والآخر دي مامتك يعني أنت مطالبة ببرها حتى لو عملت إيه.
مردتش عليه أنا عارفة كل كلامه.. بس في الوقت دا حسيت إني ناسية كل حاجة ناسية ومش فاكرة غير ۏجعي ال هي اتسببت لي فيه طول السنين ال فاتت.
قربت حطيت راسي على رجله ودموعي لسة نازلة وغمضت عيوني وأنا بنام وبهرب من اللحظة دي.
_أنت كنت بتحبني يا سالم ومكانش بيهون عليك ننام ليلة متخاصمين.
_ونفع بإيه يا أزهار
زعلك مكانش بيهون عليا بس أنا كلي على بعضي هونت عليك.
_كانت غلطة.
_فيه غلطات بتدفع أصحابها عمرهم كله!
نهايته علشان مينفعش قعدتنا دي بنتك وأنا مش هجبرها على حاجة لكن في نفس الوقت هحاول أصلح بينكم.. لكن أنا انسيني يا أزهار علشان كل حبال الود ال كانت بيننا دابت واتقطعت خلاص ومعادش ينفع تعود تاني.
عن إذنك بقا أدخل أشوف بنتي.
سيبتها وقومت دخلت أوضة آية لقيتها نايمة على رجله وهو بيقرأ قرآن بصوت هادي وهو بيمشي إيده على راسها الدقيقة دي إتأكدت فيها إني اختارت ل بنتي الشخص المناسب وال يستحقها فعلا ف حمدت ربنا إنه هو رزقها.
قربت عليهم وشيلتها من على الأرض حطيتها على سريرها وطبطبت بإيدي على كتفه وأنا بشكره
_أنا لو مت دلوقتي هبقا متطمن عليها معاك.
_ربنا يطول في عمرك وتفرح بيها وبأولادنا.
_في حياتك يا حبيبي.
_هتعملوا إيه مع مامتها.
_أنا قولت لها ال عندي بس كل ال هقدر أعمله إني هحاول أصلح بينها وبين آية.
هز راسه وقولت له نخرج علشان هي متصحاش من صوتنا خرجنا لقيت أزهار مش موجودة كانت سايبة ورقة فيها رقمها على الترابيزة ف بصيت لها بتنهيدة وأنا بفكر في الأيام الجاية.
_صباح الخير يا بابا.
_صباح الخير يا حبيبتي أنت نازلة ولا إيه
_أيوا رايحة المجلة النهاردة هنسق المقال ال شغالة عليه بقالي فترة.. هحاول متأخرش متقلقش.
_طب أنت كويسة
_زي الفل.
بوست راسه وسيبته ونزلت عارفة إنه مستغرب حالتي بس أنا مش هينفع أفضل قاعدة في البيت محتاجة أخرج أشغل نفسي أفضل.
وصلت ودخلت المكتب وبدأت أكتب بكل جهد وتدقيق علشان المقال يطلع بأفضل شكل.
عن ما وراء تكرار حوادث الۏفيات ببن فئة الشباب في الفترة الماضية والتي لا زالت تستمر حتى الآن.
عنوان أثار العديد من الأسئلة بداخل رؤوسنا حتى أنه كان يهرب منا النوم لأيام في تفكير لذلك السؤال وبعد جهد عظيم مني ومن باقي أعضاء الفريق توصلنا للأسباب التي لم نكن نعيرها أي اهتمام الأسباب التي كنا نمررها دون أن نلقي لها بالا اتضح أنها هي أساس ما وصل له الحال.
أعظم الأسباب التي توصلنا لها بعد بحثنا وتدقيقنا هي بعد تلك الفئة الشباب عن ربها إنعدام أو توتر العلاقة بين الخالق والمخلوق لا يوجد دين لا توعية دينية تحثم على تقوية علاقتهم بالله وتعلمهم مبادئ الدين وما أنزله الله علينا لا يوجد من يحثهم بالصبر على كل بلاء وشدة لا يوجد من يخبرهم أن علاج كل ضيق وألم هو بيت الله المسجد لا يملك الجميع مقابل جلسات العلاج النفسي ف بعث الله لنا البديل والأفضل لقاءه خمس مرات يوميا ألا يكفي ذلك للبكاء له وأن نشكو له بثنا وحزننا إليه! بلى والله.
وثانيا والسبب الذي لا يقل أهمية عن ما تم ذكره منذ قليل ألا وهو أساليب التنشئة والعلاقات الاجتماعية
يتم إنجاب أبناء لأغراض ليست كأغراض الإنجاب الحقيقة!
حين تقبل على خطوة الزواج ومن ثم الإنجاب يجب أن يكون حاضر بذهنك الهدف وألا وهو العفة وإنشاء أسرة قائمة على تعاليم الله وفي سبيل الله أن يكن أبناؤك جنود الله على الأرض وذلك بتربيتهم على النهج الإسلامي بكل ما أنزل به.
ومن جهة أخرى تمنحهم الحب والاحتواء والأمان وكل تلك المشاعر بفيض.
إن كنت