إسكريبت كامل و حصري بقلم الكاتبه أيه حمام

شنطتي على الترابيزة وقربت عليه أحضنه من ضهره قبل ما أبوسه وأتكلم
_مساء الخير لأعظم إنسان في الجمهورية وما يجاورها.
ضحك وباس إيدي ف لفيت وقعدت قصاده وهو بيرد عليا
_وأنا بقا أبقا رقم واحد ولا غيث هو الأول وأنا التاني
_لاء مينفعش أقارن بينكم أنتم الاتنين حاجة كدا مش هتتكرر تاني بس كدا كدا يا بابا حضرتك الحب الأول.
_طيب يا بكاشة قوليلي أخبارك إيه
_الحمدلله يا حبيبي بس دماغي مصدعة أوي وورايا مقال هكتبه.
المهم أكلت
_لاء كنت مستنيكي.
_طب هغير وأصلي المغرب وأغرف الأكل وناكل سوا.
قومت بعد ما خلصت كلامي وغيرت هدومي وصليت بعدين قعدنا ناكل سوا
بعد ما خلصنا شيلت الأطباق غسلتها بعدين دخلت أوضتي أكتب شوية لحد ما غيث رن عليا ف فضلنا نتكلم لحد ما نعست.
تاني يوم صحيت متأخر شوية ف يادوب لبست ونزلت بسرعة ووصلت المجلة وطلعت بسرعة على غرفة الاجتماعات كانوا بدؤوا ف إتكلمت ب اعتذار قبل ما أدخل
_أنا آسفة بجد على التأخير ڠصب عني والله.
شاور لي مستر جلال ب إيده ف دخلت قعدت وكمل كلامه
بعد حوالي ساعة إلا ربع كان خلص الإجتماع ف فضلت مكاني وشاورت ل جنة إنها متمشيش علشان نكلمه
_فيه حاجة يا آية
_أيوا كنا عايزين نقترح على حضرتك حاجة.
_قولوا.
_جنة بتقول إن نسبة الۏفيات دلوقتي بقت عالية جدا في أماكن كتيرة والأسباب ال الأهالي أو السكان بيقولوها غير منطقية أو كل واحد برأي.
_ف...
_ف كنا بنقترح لو حضرتك تبعت مجموعة من الشباب يتوزعوا على الأماكن دي ويقعدوا يتابعوا الأحوال وثقافة البلاد دي ويشوفوا الأسباب الحقيقية.
_وبرضه يا مستر جلال فيه حاجة الشباب ال يروحوا بلاش يتعاملوا ك إنهم صحفيين علشان كدا مصداقية الأخبار ممكن متبقاش سليمة.
_بمعنى إيه
_يعني لو واحد منهم راح ل حد وقال له إنه صحفي وعايز معلومات ف ممكن الشخص دا يحرف الحقيقة أو يحاول يجمل الوضع..
لكن لو هم إتعاملوا ك أشخاص عاديين وإتعرفوا على الناس وبقوا منهم ف وقتها أعتقد الموضوع هيكون سليم.
_والله يا ولاد هي الفكرة كويسة بس هتاخد وقت.. يعني على ما يروحوا ويقعدوا والناس تاخد عليهم فيها وقت مش قليل.
_بالعكس يا مستر جلال الأولاد كدا كدا بطبيعتهم بيتعرفوا وبياخدوا على بعض بسهولة جدا ف ممكن الحوار دا كله ميكملش شهر!
رجع بضهره على الكرسي ل دقيقة يفكر في كلامنا بصيت لها وسألتها بعيني هل هيوافق ولا لاء ف لقيته رجع يتكلم تاني
_تمام موافقكم.
بس عايز اجتهاد في المواضيع الفترة الجاية ونكثف جهدنا ونيجي بدري مش متأخرين ساعة أو أكتر.. فاهماني يا آية
_فهماك وأوعدك مش هتتكرر تاني.
_طيب كل واحدة تروح مكتبها يلا
وأنا هبعت ل نادر وعمر ومحمد وأشاركهم الفكرة كدا كدا هم مش مرتبطين ف عادي يروحوا مش وراهم بيوت ملزومة منهم يعني.
_تمام يا فندم شكرا بجد.
وأوعدك إننا هنعمل حاجة عظيمة تكسر الدنيا.
قولت كدا بسعادة وأخدت الشنطة وخرجت أنا وجنة وإتكلمنا وإحنا ماشيين
_تخيلي ننجح في الموضوع دا يا جنة ونقدم حملة توعية والناس تتغير شوية!
_مجرد تخيل شيء زي دا فرحني أصلا.
الله يوفقنا ويكلل سعينا بالنجاح يارب.
أمنت على دعائها بعدين دخلت المكتب بتاعي وهي كذلك وحطيت الشنطة وبعدين قعدت أكتب المقال بتاع إمبارح بكل تركيز وهدوء
_استباحة قتل زوجة لزوجها قبل انتهاء عامين من زواجهما وحين تم سؤال المتهمة عن السبب أجابت بأنه يستحق ذلك وأنه لم يكن يستحق الحياة لعدم تأديته لواجباته في منزله!
والمثير للتعجب هو حينما تم سؤالها إن كانت تشعر بالندم أجابت بالنفي بكل ثبات وقوة..!
ترى ما الذي أدى بحالنا إلى مثل تلك الچرائم ما الذي ساهم في انتشارها لتلك الدرجة ما الذي يمكننا فعله حتى نحد من انتشارها....
كملت المقال وخلصته ورجعت بضهري أسند على الكرسي وأنا بفكر في أفكار كتيرة وهل هقدر أحقق ولو جزء منها فعلا ولا هتكون مجرد أفكار وأحلام وخلاص!
_يتبع...

الفصل الثاني
_سلام عليكم يا أستاذة آية.
_وعليكم السلام يا عم سامي.
_الأستاذ جلال عايز حضرتك في أوضة الاجتماع.
_حاضر.
قفلت اللاب توب ومسكت الموبايل وخرجت من المكتب وبصيت على مكتب جنة لقيتها مش موجودة فيه.
وصلت الأوضة وخبطت ف سمعت صوته بيسمح لي أدخل ف دخلت لقيته هو وجنة والشباب ال كان قايل عليهم إمبارح شاور لي أقعد على الكرسي ف قعدت قبل ما أسأله
_نعم يا مستر جلال عم سامي قال لي إن حضرتك عاوزني.
_أيوا الشباب عرضت عليهم الفكرة ال قولتيها إمبارح أنت وجنة وطلعوا مرحبين جدا بيها.
فرحت جدا لما قال كدا وبصيت جنبي ل جنة وأنا بقول لها ب عيني إننا هننجح ورجعت رديت عليه
_الحمدلله شكرا لحضرتك وللتيم بجد.
_الشكر لله يا ستي بس دلوقتي عايزين نحط الخطة وتشوفوا هتشتغلوا إزاي بقا.
_أول حاجة الشباب يروحوا المكان ال متسجل فيه أكتر نسبة وفيات أنا عارفة إن فيه أماكن كتيرة بس علشان الإمكانية ف هنشوف المكان ال نسبته كبيرة وندرس الأحوال فيه ونعممها على باقي الأماكن.
_أنا شايف إن كدا كويس كدا هيبقى تركيز الجهد والوقت في مكان واحد بدل ما كنا هنوزع الوقت والجهد.
_بالظبط زي ما أستاذ نادر بيقول.
وهم لما يروحوا هناك مش شرط يروحوا كإنهم أصحاب كل واحد ينزل في حتة معينة من البلد علشان مش يلفتوا الأنظار لهم.
_طيب إحنا علشان نعمل علاقة مع الناس ويتكلموا معانا هتاخد وقت أو حتى ممكن ميثقوش فينا بسهولة!
_بالعكس الأماكن دي بيحبوا جدا الكلام الكتير خاصة في المواضيع دي.
_آية صح بعدين أنتم شباب يعني هيبقى سهل تاخدوا على الناس وتتعاملوا معاهم بكل أريحية.. ممكن تتعرفوا على صاحب محل على الجيران والستات الكبيرة بالذات دي هيبقى سهل تاخدوا منها كل حاجة.
_البنات قصدهم إننا ك رجال سهل إننا نتعرف ونتعامل بأريحية وبدون حدود على عكس الستات مش هيعرفوا يتكلموا مع رجال وحتى لو اتعرفوا على ستات زيهم ف هياخدوا وقت على ما يثقوا فيهم.
إنما ممكن واحد منكم يطلب من ست كبيرة مساعدة فلما تعرف إنه لوحده هتهتم بيه كإنه ابنها ممكن واحد يطلب شغل من صاحب سوبر ماركت ف يشغله معاه ويثق فيه لما يلقا إنه يستحق حاجات كتير لو فكرنا شوية هتبقا في صفكم وهتساعدكم..
ها قولتوا إيه
_موافقين طبعا..
_أكيد موافقين يا فندم أنا دايما بحب أتكلم في المواضيع دي وإني أقدم توعية وبصراحة شايفة الفكرة دي كويسة جدا ولو نجحنا فيها هتبقا فارقة جدا.
_بالظبط أينعم هنتعب فيها شوية بس كله بأجره.
_طيب يا ولاد طالما اتفقتم ف كدا الشباب هيروحوا المكان دا ويبدؤوا يعملوا علاقات ويجمعوا أخبار وأنتم عليكم هتنسقوا ال هيتبعت وتكتبوه بشكل كويس ويكون سهل على كل الفئات تقرأه وتفهمه.
_هنكتفي بينا إحنا الخمسة ولا هنزود حد معانا
_لو مقدرتيش أنت وآية على الكتابة لوحدكم نبقا نختار حد معاكم.. لكن حاليا كفاية أنتم الخمسة.
هزينا راسنا بالموافقة على كلامه وكل واحد خرج راح مكتبه وبدأنا نكمل شغلنا عادي لحد ما انتهى الوقت.
وأنا خارجة الموبايل رن ف رديت علطول
_الإنسان كان محتاج يسمع صوتك فعلا والله بعد اليوم دا.
_زي ما الإنسان محتاج يشوفك بالظبط كدا.
_أنا لسة