إسكريبت كامل و حصري بقلم الكاتبه أيه حمام

خارجة من المجلة هروح أعمل كيكة وأنت لو مش بتعمل حاجة مهمة تعالى عندنا شوية.
_بعيد عن إن مفيش أهم منك بس أنا أسيب أي حاجة فداك طبعا.
_طب بوس لي نفسك بقا.
قولت كدا وابتسمت وأنا بقفل المكالمة وعديت الشارع علشان أروح.
وصلت البيت وكان هادي كالعادة وبابا في البالكونا برضه ف سلمت عليه ودخلت غيرت هدومي وصليت العصر وبعدها دخلت المطبخ بدأت أجهز الكيكة.
_نشيطة ليه كدا وبتعملي الكيكة وأنت البسمة مش مفارقة ملامحك.
_لازم أعملها بحب يا بابا علشان تطلع حلوة وتعجبكم.
_هي لازم تعجبنا علشان من إيدك أصلا.
_يديمك يا حبيبي.
_صحيح حماك كان بيكلمني وقال لي إنه مبسوط منك ومن أفكارك.
_الحمدلله بجد دا كرم وتوفيق ربنا.
_يارب دايما تكوني ناجحة يا حبيبتي.
قربت بوست راسه وهو خرج من المطبخ وأنا بدأت أكمل ال بعمله لحد ما حطيتها في الفرن وغسلت الأطباق ال بهدلتها بعدين غسلت أنا ودخلت جهزت حالي وخرجت لما سمعت صوت بابا بيرحب ب غيث
_نورت يا ابني إتفضل.
_بنورك يا عمي.
دخل قعد مع بابا وأنا دخلت أشوف الصينية وكانت استوت ف طلعتها وبدأت أقطعها وأغرف لهم منها.
_دوقوا بقا وقولوا لي رأيكم.
بدأنا ناكل وسط كلامنا في شتى المواضيع لحد ما بابا قرر يسيبنا لوحدنا ف دخلت أنا وهو البالكونا وقعدنا قصاد الزرع ال زرعاه على سور البالكونا.
_شوفت كبرت إزاي بقا شكلها حلو أوي.
_كل حاجة إيدك ټلمسها لازم تبقى لذيذة.
ابتسمت بخجل قبل ما أتكلم في موضوع تاني
_مامتك عاملة إيه
_بتسلم عليك وبتقول لك إنجزي وحسي بيا بقا.
_دا مامتك ال بتقول كدا
_هكذب عليك يعني
_لاء طبعا يا حبيبي هو دا معقول
_طب إيه بقا
_إيه!
_هنتلم بين أربع حيطان إمتى
_غيث أنت بجد بتحبني
_نعم!!!
بص لي پصدمة بعد سؤالي ومسك إيدي الشمال رفعها قصاد عيني قبل ما يتكلم
_لو مش بحبك هلبسك ال في صباعك دي ليه إن شاء الله
_طب إتعصبت ليه
_مش من حقي يعني
_طب خلاص متزعلش أنا بس خاېفة شوية أو يمكن بتلكك!
حاسة إني بعك في الكلام! بالعكس دا أنا متأكدة.
حط إيده على راسي ورجع يتكلم
_ماهو أنت لو مش سخنة يبقى الكيكة دي فيها حاجة.
_غالبا أنا بعك صح
_تخيلي.
_أنا مش عايزة نسيب بعض أبدا يا غيث أنا بحبك وأنت بتحبني.. ودا شيء إحنا متأكدين منه بس الحب مش كل حاجة.
عايزة نكون فاهمين بعض وبيننا رحمة ومودة علشان كل واحد فينا يستحمل التاني ونستحمل الحياة بال فيها.
_وأنت عارفة ومتأكدة إن عمري ما هسيبك صح
_أيوا.
_يبقى ليه بقا تشغلي دماغك بالتفكير في حاجات تضايقك وتزعلك
_مش عارفة.
_ال حصل بين مامتك وباباك وبين ناس تانيين مش شرط يحصل معانا يا آية مش معنى إن فيه ناس فشلوا في حياتهم الزوجية يبقى باقي الناس فاشلة هي كمان.
لو فيه عشرة فشلوا ف في المقابل فيه خمسين ناجحين بس إحنا طبعنا إننا بنسلط الضوء على النماذج السلبية وبنتغاضى النظر عن الحاجات الإيجابية الكويسة.
_مش عارفة يا غيث بس أنا مش عاوزة أولادنا يعانوا زيي ويعيشوا حياتي.
_مش هيحصل يا حبيبة قلب غيث طالما بنرضي ربنا وزي بعض في الهدف ف ربنا هيراضينا في حياتنا وذريتنا.
_يارب آمين يارب.
سحبني لحضنه وهو بيطمني إن كل شيء هيمر بسلام.
أوقات كتير بنكون علشان نسكت دوشة دماغنا محتاجين لمسة واحدة تطمننا وتحسسنا إننا مش لوحدنا إننا هنقدر نعدي كل دا إننا مش هنتساب في وسط الطريق إننا محبوبين ونستاهل الحب!
لذلك يا بخت أي حد عنده ال يطمنه كدا..حتى لو كانت ذاته هي الطرف ال بيطمنه!
_إيه الأخبار
_حتى الآن زي الفل الحمدلله.
كان فاتوا ثلاثة أسابيع الشباب بدؤوا يتأقلموا في المكان ال راحوه قدروا يكونوا علاقات مع الأهالي ويتكلموا معاهم وكإنهم منهم.. كانوا في نهاية كل يوم كل واحد فيهم بيبعت ال قدر يستخلصه من الحوار مع الأشخاص هناك.
وهنا كنت بحاول أظبط أنا وجنة الكلام دا علشان يكون سهل علينا في النهاية إننا ننسقه ونكتبه.
_بتنادي يا بابا
_أيوا يا حبيبتي.
كنت لسة راجعة من المجلة ويادوب دخلت أغير لقيت بابا بينده حطيت الشنطة على السرير وخلعت الخمار وخرجت له علشان ألاقي غيث قاعد معاه!
_إيه المفاجأة دي
_رنيت عليك بس موبايلك مقفول قولت أكيد فاصل شحن.
_فعلا فصل وأنا هناك.. المهم إتغديت
_اسمعي الأول هو قال إيه بعدين إبقي قومي جهزي الأكل لينا كلنا.
_خير يا بابا..
_غيث عايز تعملوا الفرح آخر الشهر.
بصيت لهم هم الاتنين وأنا مش عارفة إيه رد الفعل المناسب في الموقف دا.
زعلانة أكيد علشان مش سهل عليا أبدا أسيب الشخص ال عيشت معاه أكتر من عشرين سنة وكان هو كل حياتي.
بس في نفس الوقت فرحانة إني هكون أخيرا مع الشخص ال بحبه وبيحبني وال هو مصدر أمان ودعم بالنسبة ليا.
وبين الشعورين دول فيه شعور بالخۏف من المسؤولية والحياة ال أنا مقبلة عليهم!
_روحتي فين يا آية
_أنا هنا يا غيث أنا سرحت شوية.
_طب إيه يا حبيبتي.. موافقة
بصيت لهم تاني وأنا بتنهد وبهز راسي بالموافقة وبتكلم
_موافقة بس خلينا نصلي استخارة برضه.
_مفيش مشكلة.
_قومي بقا يلا جهزي الغدا غيث جاي من المكتب على هنا.
_من عنيا لحبايب عنيا.
قومت ودخلت أغير وألبس لبس بيتي قبل ما أدخل المطبخ وأحاول م اسمعش لصوت دماغي وأفكاري السلبية.
جهزت الأكل في خلال ساعة وبدأت أغرفه وحطيته على السفرة وندهت لهم
_يلا يا بابا يلا يا غيث.
_تسلم إيدك على المنظر دا بجد.
_إتعود بقا.
_ماما بتقول لك هتعمل بكرة عنب تعالي إتغدي عندنا بكرة.
بعد إذنك طبعا يا عمي.
_إذنك معاك يا ابني.
بعد ما وافق بابا بصيت له بابتسامة وفرحة بحب أوي الوقت ال بنقضيه سوا لوحدنا لذلك كنت فرحانة جدا بموافقة بابا.
كملنا أكل وسط كلامنا وخلصنا ف لمېت الأطباق وجبت لهم العصير ورن جرس البيت ف قام بابا يفتح بس لما مسمعتش صوت خرجت وراه أنا وغيث علشان أتفاجئ بوجود آخر شخص كنت ممكن أتخيل إنه يظهر في حياتي تاني!
_ماما!
_وحشتيني يا آية.
قربت مني حضنتني وهي بتقول كدا مقدرتش أضمها ليا هي كمان برغم شوقي ليها.
ف اتكلمت بعد ما بعدت عني شوية
_كبرتي يا حبيبتي وبقيتي عروسة ما شاء الله.
_شكرا.
_مش هتدخليني ولا إيه
_إجابة السؤال ترجع ل صاحب البيت سواء وافق أو لاء.
_هتدخلني يا سالم
كانت بتسأله وأنا كنت بلف راسي ل ورا أبص عليه عيني بتطلب منه ميمشيش ويفضل موجود لإني أكيد هحتاجه بعد ما هي تمشي
طمني إنه موجود وإنه معايا لما قرب مني خطوتين ومسك إيدي وشد عليها.
_إتفضلي يا أزهار.
_تسلم.
_جاية ليه بعد العمر دا كله.
_الشاب دا يبقى ابنك
_أيوا ابني..
مجاوبتيش برضه على سؤالي جاية ليه
_جبته امتى دا دا أكبر من آية!
لاحظت إن بابا بدأ يتضايق ف جاوبت أنا المرة دي
_دا غيث يبقى زوجي.
_إتجوزتي من غير ما تعرفيني يا آية!!
بصيت لها بعدم تصديق لسؤالها وضحكت بصوت عالي قبل ما أتكلم
_من غير ما أعرفك!
هو حضرتك مصدقة سؤالك دا بجد هو من إمتى وحضرتك ليك وجود في حياتي أصلا.. أو بمعنى أصح من إمتى وأنا ليا وجود في حياتك!
_أنت بنتي!
_كنت.. كنت قبل ما تتخلي عني وتسبيني في فترة البنت مش بتحتاج حد فيها قد مامتها قبل ما تسبيني أنا وبابا