روايه كاملة للكاتبة اميره اسامه (دياب ولمار)

نعملها ازاي...
لمار....انا هقولك الطريقه...
دياب...قولي..
بكامل قواي العقلية 
البارت العشرون..
أوقات كتير نتحمس للقاء اشخاص يعنون لنا الكثير...ولكن!!!!! ليس كل لقاء سعيدأحيانآ بعض اللقاءات تصبح قاتله..خاصتآ عندما يصبح من تحب أمام عينك ولا يفصل بينك وبينه سوا خطوات... ولاكن يقف امامك وامامه الف سد....يحرم عليكم العناق
دياب...الوقت بقي ياستي...اتمني امنيه. نفسك تتحقق وانا هحققهالك فورا..
لمار...بفرحه.....مش عارفه.
دياب...فكري..
لمار....الامنيات اللي عندي صعب تحقيقها..
دياب...جربي..ومش هتندمي...
لمار....انا نفسي في حاجتين..
دياب...ايه الطمع ده
ابتسمت...لمار...مش قولت هتحققلي اللي انا عيزاه..
دياب...انا قولت واحده. بس يلا خليها عليا المهم ايه هما..
لمار....عايزه اشوف ماما وكارمن...من بعيد...
ابتسم دياب بۏجع...
طيب بصي هنتفق اتفاق...ممكن كارمن لكن مماتك صعب لانها في مستشفي ووسط ناس...هيكون دخولنا صعب والعين هتكون علينا خصوصا بعد محاوله قټلها العين عليها واكيد هتبقي علينا...فا دي خليها وقت تاني ...لكن كارمن ممكن بس مش عارف نعملها ازاي...
لمار....انا هقولك الطريقه...
دياب...قولي..
لمار...كارمن عمرها ما نسيت يوم عيد ميلادي واكيد هي انهرده فاكره واكيد نفسيتها وحشه انا واثقه...ممكن تقول لانس انه ياخدها علي المكان بتاعي انا وهي...واروح اشوفها هناك من بعيد..
دياب....تفتكري هتوافق تنزل معاه بدري..
لمار...طيب وليه بدري.
دياب...عشان اصلا ممنوع اننا نخرج من هنا غير بأمر ..وانا عشان خاطرك هخالف الامر ده وربنا يستر.
لمار..لا خلاص بلاش...عشان منضمنش ممكن يحصل ايه...وساعتها انت اللي هتتأذي وانا مش عايزه اي حد يتأذي بسببي...
دياب...اولا انا مش حد يالمار..ثانيا ان شاء الله هتعدي علي خير ولو معدتش يا ستي اهم حاجه ابقي حققتلك امنيتك يوم عيد ميلادك...
لمار....ابتسمت لدياب بحب...
دياب...يلا ادخلي غيري الفستان ده عشان متبرديش وانا هكلم انس واظبط معاه وهشوف هيقولي ايه...
لمار...حاضر..
دخلت لمار اوضتها...وهي حاسه بسعاده داخليه عاجزه عن وصفها...
من كام ساعه خرجت من اوضتها زي الجسد من غير روح...والوقت حاسه ان روحها رجعتلها من تاني...
.....
دخل دياب الاوضه ومسك موبايله كلم انس...
دياب...الووووو
انس....اهلا باللي ممشي الجهاز والبلد علي مزاجه..
دياب...وحيات امك انت بتتريق.
انس...وانا اقدر يا باشا..بس تصدق انا عارف انك جامد بس مكنتش اعرف انك جامد اوي كده...وهتقدر تأثر علي سياده اللواء ..انت لو تشوفه وهو بيكلمني كان شايط منك.
دياب...عشان تعرف بس ان صاحبك جامد...
انس...عرفنا يا باشا...وحمد الله علي سلامة المزه..
دياب...احترم نفسك يا انس عشان مجيلكش الوقت اروقك وانت عارف اني اقدر اعملها.
انس...لا وعلي ايه...حقك عليا ..
دياب....المهم عايزك في خدمه..
انس...عارف ان المكالمه دي مش لله وللوطن. وعارف برده انها متطمنش...أؤمرني ياباشا..
دياب...انهرده عيد ميلاد لمار..
انس...عارف وبعتلك الهديه مع أمجد ايه مش وصلت...ولا محتاج تورتايه عشان تطفو الشمع
دياب....تصدق فكره لا وصلت ياظريف انا عايزك في حاجه تانيه..
انس....يا ابني هو انا مبقاش ورايا غير طلباتك وطلبات لمار هانم....حلوه هانم دي صح...
دياب....يا ابني هزعلك.
انس......كمان. بدل ما تشكرني شغال عندك انا هي وكأني مبقاش ورايا غيركم ..
دياب....بلاش رغي واسمع اللي هقوله ده وتنفذه بالحرف الواحد....
انس.....كمان ماشي قول..
دياب....هتخلص شغلك امته انهرده..
انس...هخلص علي 7 وبعد كده هروح مشوار فالسريع كده عمك طالبه مني..
دياب....عمي.
انس...اه ده حوار طويل هبقي اقولهولك بعدين ..
دياب...ماشي المهم...تطنش المشوار ده او تأجله عشان عايزك في حاجه اهم..
انس....اشجيني
دياب....تخلص شغلك زي الشاطر كده..وتطلع علي شقتك تجيب كارمن وتروح بيها عالمكان اللي لقتها فيه لما كلمتك تروحلها ..وتتصل الوقت بكارمن تبلغها. عشان تكون جاهزه 8 بالدقيقه هكون انا ولمار فالمكان...عشان هي عايزه تشوفها..
أنس نعممممم انت كده تبقي اټجننت رسمي وهبت منك...تشوف مين...انت بتهرج يا دياب...طب امها وخلتني اعرفها وانت عارف ان مينفعش اصلا حد يعرف....وقولت ماشي كده كده الست تعبانه ومبتتكلمش ومش هتنطق اصلا وعملتها من باب الشفقه بحالها انما كارمن....اه انا نفسي تعرف عشان نفسيتها تتحسن بس انت عارف ان اسرار الشغل استحاله تطلع أنما تقولي اروح هناك وهي معايا وانتوا. هتبقو مستنين هناك عشان لمار تشوفها ياقلبك يا شيخ...
دياب....خلصت..
أنس....اه خلصت...
دياب...طب حط لسانك في بوئك شويه واسمع للاخر متدخلش زي القطر من غير متفهم..
أنس...افهم ايه
دياب...لمار مش هتكلمها واحنا هنكون بعيد...وهنوصل قبلكم وهنقف في مكان بعيد...قبل ما انتو توصلو كل الحكايه انها محتاجه تشوفها..فهمت..
انس...حتي لو كده يا دياب...اللي انت بتقوله ده خطړ انت عارف انك انت وهي ممنوع تخرجو من هناك غير بأمر ولو خرجتو زي انهرده فا عشان شغل مش اكتر....أنما اللي انت بتقوله ده مينفعش..انت يظهر يادياب....تعلقك بلمار نساك انها متهمه في چريمه قتل ومحكوم عليها بالاعډام...ومينفعش اصلا تخرج من هناك غير بحراسه والمكان اللي انتو رحتوه ده في وسط الصحراء رحتوه عشان لو هي بتفكر تهرب متقدرش...
دياب...عارف كل ده...يا انس...بس هي ليها أمنيه وانا وعدتها اني احققها ومتقلقش انا هظبط كل حاجه وان شاء الله هتعدي علي خير...وعشان كده قولتلك تيجي بعد ما تخلص شغلك عشان يكون الصبح والدنيا لسه بدري....احنا هنتحرك من هنا بعد الفجر بشويه...عشان نوصل هناك...قبل ما يبقي في حركه جامده فالشارع....وهنخلص وانتو تمشو واحنا بعدكم علي طول...خصوصا ان سفرها قرب يا انس...ومش عارف ممكن يحصل ايه هناك....خليها تشوفها يا انس...
انس.....وهو بينفخ....وبياخد نفس طويل....حاضر يا دياب انا هكلم كارمن وهبلغها وهأكد عليك في رساله...وأنت بتتحرك من هناك بردو عرفني في رساله....
دياب...تمام..يلا روح بلغها.
أنس....يلا سلام.
دياب...سلام...
قفل دياب...معاه. وقام خد بنطلون چينز وسويت شيرت....ودخل ياخد شاور ويقلع البدله...ويجهز عشان يتحركو علي طول....
.............
اما....عند انس...
أنس......الوووو
كارمن...بصوت نايم...الوووووو.
انس....في سره...ربنا يهدك يا دياب.....انتي نمتي انا اسف..
كارمن...لا ولا يهمك...في حاجه ولا ايه...
انس...اه...هعدي عليكي علي الساعه 7 ونص تكوني جاهزه..
كارمن...وهي بتتعدل...جاهزه لايه..
انس...يعني هنروح مشوار كده...ممكن
كارمن...حاضر بس مشوار ايه..
انس....لا دي مفجأه...هخلص شغل وهجيلك علي طول ولما اقرب هكلمك وتنزليلي اتفقنا..
كارمن...حاضر بس انت قلقتني..
انس.. لا متقلقيش مفيش حاجه تقلق والله انا بس حابب اخرجك من المود اللي نتي فيه وعايز اعملك حاجه تفرحك..مش اكتر...
كارمن...اه تقصد الخروجه اللي قولتلي عليها..
انس...لا احنا اتفقنا نخرج بليل...لكن دي خروجه تانيه...يلا بقي روحي نامي...بس اظبطي المنبه عشان تصحي...وانا بردو هصحيكي قبل ما اخرج من الشغل عشان تجهزي ..وهنخلص واروحك....وبليل هنتقابل في معادنا زي ما اتفقنا تمام.
كارمن.....حاضر....تصبح علي خير..
انس...وانتي من اهله...
انس....بصوت مسموع الله يخربيتك يادياب..انت ولمار مود ايه اللي يتظبط انا هنكد عليها اكتر...
...........
خرج دياب من اوضته بعد ما خد شاور وظبط نفسه...فتح الباب....كانت ريحه البرفيوم بتاعته سبقاه....لقي لمار...اعده علي كنبه وباصه علي الصحرا وهي حاضنة رجليها الاتنين بايدها...
لابسه بنطلون چينز وسويت شيرت اسود..وكوتشي ابيض وكأنها جاهزه للخروج
دياب اعد جمبها...ايه القمر ده..
لمار...بابتسامه..بسيطه رجعت جعفر تاني..
ابتسم دياب..بحب...احلي جعفر فالدنيا...
لمار...كلمته.
دياب...اه...كلمته. بسسسس
لمار...بحزن...مش هينفع صح
فضل دياب...باصصلها شويه وساكت ...بزمتك...ينفع يكون اول طلب تطلبيه مني ومقدرش احققهولك..
لمار...رجعتلها البسمهيعني هينفع بجد.
دياب....بحب...طبعا...وكلها ساعتين ولا حاجه ونتحرك قبل النهار ما يطلع عشان نكون هناك قبلهم ونقدر نقف في مكان ميشوفناش فيه...
لمار.....مش عارفه اشكرك ازاي بجد
دياب....لا كده انا هزعل بلاش الدموع دي عشان خاطري...وهنتفق اتفاق لازم تنفذيه...
لمار...ايه هو..
دياب...انا وافقت مش بس عشان ده اول طلب تطلبيه...وافقت عشان عارف انك محتاجه ده...وعشان عارف ان كارمن تهمك وهتكوني مبسوطه لما تشوفيها خصوصا انك بقالك اكتر من شهر مشوفتيهاش....وعشان وعدتك اني اجبلك منها صوره ومنفذتش...لان كان صعب علي انس انه يصورها وهي نايمه...وطبعا لو دي حاجه هتفرحك انا هعملها....بس لو المشوار ده. هيتعبك بلاش..لو حاسه ان نفسيتك هتتعب اكتر ماهي