روايه كاملة للكاتبة اميره اسامه (دياب ولمار)

بيرجع وهو انس كانو متابعين مع والدتها .لكن كأنه فص ملح وداب...
اما بالنسبه للجهاز....كانو متابعين كل اخبار الرجاله ومطمنين عليهم انهم في امان...وصل التلاته المحتجزين...ووصل عز الدين واتحط في سجن مشدد لحين التعافي التام...لانه كان واخد رصاصتين....اما عن مايا فاتكدو من برائتها ووطنيتها وقدر رامي يحقق اول هدف انه يثبت برائتها وقدرو يعرفو بلاوي كتير من خلال السي دي.. كانت مايا حفظاها وكانت مسجله صوت وصوره كل حاجه رامي قالها وبتثبت صحه كلامه..... وتم تبليغ اهلها بۏفاتها اللي حزنو من قلبهم ان بنتهم كانت طول الوقت في خطړ ومخبيه عليهم اما بالنسبه لموقفهم من رامي كان صعب لانهم شايفين ان هو السبب في كل ده...
........
انس....بقي كل ده يحصلك يا صاحبي وانا معرفش ولا حتي معاك.
دياب...بصوت مجهد...ده انت تحمد ربنا انك مكنتش معايا وإلا كان زمانك مېت كفايه انا... المهم مين قالك سياده اللواء
انس....اه لما اتصلت بحاتم باشا وسألته عليك عشان فجأه لقيت تليفونك اتقفل حكالي كل حاجه ..كنت فاكره بيضحك عليا وانك فيك حاجه بس الحمد لله انك بخير..
دياب...الحمد لله عدت علي خير...
فضل انس يحكيله عن اللي حصل الكام يوم اللي فاتو وعن جوازه بكارمن. وكان واضح علي صوته وهو بيحكي انه مبسوط...
فرح دياب عشان فرحه صاحبه واتمني من جواه انه هو كمان يحقق حلمه مع لمار...
انس...راجع امته..
دياب....احنا ساعتين تلاته كده وراجعين ان شاء الله..
انس...هجيلك 
دياب...لا تجيلي ايه...انا اصلا راجع عالموقع تاني بتاع التدريب.
انس...طب ليه 
دياب...انا اللي طلبت من حاتم باشا كده....لان حاليا لمار مفيش مكان تروحه غير انها ترجع السچن لحد ما نشوف هيحصل ايه.
انس....هي لسه متكلمتش يادياب.
دياب...للاسف لا...انت عامل ايه مع والدتها.
انس...والدتها اتحسنت كتير لدرجه اني حاسس اني لما بروحلها بتكون مبسوطه وكأنها مستنياني...عشان احكيلها عن لمار عن كارمن اتكلم معاها...الست دي بتصعب عليا بجد.
دياب...طب ايه اخبار مسعد
انس تحت المراقبه متخافش بس الاتصال بينه هو وحنان مقطوع من اسبوع لكن الاتنين تحت المراقبه متقلقش..
دياب...طيب اسمعني عايزك تجيبه عالمكان اللي قولتلك عليه..
انس...ايه انفذ خلاص..
دياب...اه مفيش وقت يا انس..احنا الصبح يطلع هنكون في مصر ولو حاتم باشا وافق ان لمار تأعد يومين تلاته عشاني فا ده جدعنه منه لكن هي لازم ترجع السچن ...وبعدها خلاص مش هيبقي في وقت وانا لايمكن اسيبها تروح مني....
انس....تمام بقولك ايه...انا عايز اسالك سؤال صحيح...
دياب قول....
انس....انا لما بعت ليك صوره مسعد اول مره وانت وريتها للمار قالت متعرفهوش....والمره اللي بعدها لما جبت صورته من الواتس وبعتهالك قالت انه مسعد...
دياب.....اه صح....تصدق مجاش في بالي خالص ..
انس....انا استغربت انها عدت عليك انت مش بيفوتك الهوا.
دياب...تمام هعرف منها الحكايه دي..
انس...تمام 
دياب....ومبروك يا عريس..
انس...الله يبارك فيك يا صاحبي عقبال ما افرح بيك انت ولمار...
دياب...يارب.
انس....ابقي عرفها بقي عشان تتبسط وتطمن اكتر علي كارمن...
دياب....ماشي ياعم يلا روح بقي انت...وانا اول ما اوصل هعرفك عشان اشوفك وحشتني.
انس....وانت اكتر والله بقول ايه انت قولتلهم عندك انك جاي...
دياب...لا لا انا مش هعرفهم يومين تلاته كده لسه شكلي متدمر خالص بس تروح الكدمات والزرقان ده عشان ميقلقوش عليا.
انس...بضحك واضح انك اتطحنت..
دياب.....انا مستقبلي ضاع يا انس..
انس.....الله بقيت سوسن ولا ايه.
دياب...اظبط يلا سوسن في عينك...احنا رجاله اوي ...انا اه اتطحنت بس موتهم يعني ميغركش الاجسام اللي طلعتلي دي..
انس....ماشي ياعم ظبطنا خلاص.
دياب...يلا اشوفك علي خير
انس....سلام يا صاحبي...
....................
خرج دياب من الاوضه بتاعته...راح علي اوضه لمار...
قامت لمار تفتح الباب
لمار...انت كويس.
دياب...اه الحمد لله ما انا واقف ادامك اهو مالك قلقتي ليه.
لمار....بحسبك تعبان.
دياب ..لا ياحبيبي انا بخير.
لمار ...طيب تعالي ادخل ارتاح.
دخل دياب اعد عالكنبه....ايه جاهزه.
سرحت لمار بحزن.....اه جاهزه..
دياب...بابتسامه ومالك بتردي كده ليه..مصر موحشتكيش بعد كل البهدله اللي حصلتلنا دي ..مش عايزه ترجعي
لمار.....اكيد وحشتني....بس لو عالبهدله مش فارقه كتير خدت عليها....بس لو عالرجوع....هتصدقني لو قولتلك رغم اني كنت شاكه اني ممكن ارجع بس كنت من جوايا حاسه انها هتعدي علي خير وهرجع ...بس معملتش حساب اللحظه دي....
ومتخيلتش ابدا...اني ممكن اكون مضايقه او خاېفه .
دياب.....ليه بتقولي كده.
لمار.....نزلت دموعها ....الفتره اللي اعدتها معاك.....يمكن تكون اكتر فتره حلوه عدت في حياتي بعد قضيتي...
عارف لما تكون حياتك عاديه مفيهاش اي توتر ولا خوف ولا خطړ ....ويجي يوم واحد يقلب حياتك ويدمرها ومتبقاش شايف اي لون فالدنيا غير اللون الاسود....وبعد فتره يجي يوم تاني...يغير حياتك ويقلبها من تاني. تدخل في حياه تانيه خالص بعيده كل البعد عن حياتك الاولي وشخصيتك وتبتدي الدنيا تلون ادامك رغم الصعب اللي بتمر بيه فالحياه دي إلا ان كنت شيفاها ملونه....
في حياه يا دياب بنعيشها هاديه طول عمرنا....لكن وقت قلبتها پتكره حياتك كلها حتي الحلو اللي عيشته فيها
وحياه تانيه بتكون كلها مخاطر وقلق وخوف لاكن بتحب كل لحظه فيها...
دي كانت حياتي معاك يادياب...
رغم اني عشت معاك فتره كلها خطړ وخوف وتوتر إلا اني حبيت كل لحظه فيها انت ظهرت في اسوء فتره في حياتي .....لكن قدرت تخليني انسي كل صعب فيها..
دياب.....وايه اللي مانعك انك تكملي فيها .
لمار.....انا عايزه اقولك انك كسبت التحدي يادياب....وقدرت تخليني احبك واتعلق بيك....بس لحد الوقت انا مش قادره اتكلم....قولتلك بلاش تعلقني وتعلق نفسك...عشان اللحظه دي..
دياب...هتصدقيني لو قولتلك ان لو كنت سمعت الكلام ده منك من فتره كان زماني شايط وبغلي وعايز اكسر دماغك دي عشان تنطقي...بس يمكن الوقت مش فارق معايا عارفه ليه.
لمار...ليه .
دياب...عشان انا قولتهالك قبل كده وهقولهالك تاني ....المۏت مش هياخدك مني..مش هسمح بده...ولو انتي مش حابه تتكلمي مش هجبرك وهحترم رأيك....لكن انا لاخر نفس فيا هحارب عشان اجيب برائتك...من غير ما اخليكي تتعرضي لموقف انتي خاېفه منه....لكن اني اسيبك ده استحاله...
وفضل دياب يحكيلها عن اللي حصل مع كارمن وانس....فرحت لمار بجواز كارمن..واطمنت اكتر عليها...
لمار....انت عارف يمكن ده اكتر خبر فرحني....عشان كارمن تفوق وتعيش بقي كفايه ۏجع اوي لحد كده...عالاقل تلاقي حد يعوضها ...واكون مطمنه عليها.....حتي امي بسؤالكم عليها ديما....وبمرواح انس ليها. ده مريحني اوي ومطمني ان لو جرالي حاجه انتو مش هتسبوها ولا تنسوها ابدا....
دياب....طيب وانا يالمار....اطمنتي علي كارمن...وعلي امك....طب وانا فين...
لمار.....انت عارف اني عمري ما قصدت اوجعك وعارف كمان اني بتمني اعيش عمري كله معاك...
دياب...هتعيشي معايا وفحضني وهخبيكي جوه قلبي كمان. بلاش عياط وعايزك تنسي اننا راجعين اصلا... وبعدين لسه اصلا بدري...احنا لسه هنروح عالموقع عشان اختلي بيكي
لمار....بضحك...قليل الادب.
دياب...بحبك.
لمار...وانا بحبك.
دياب...صحيح انا عايز اسألك سؤال.
لمار...قول
دياب....لما وريتك صوره مسعد اول مره وقولتلك انه كان بيحاول ېقتل مامتك...واتخانفت انا وانتي...قولتي انك متعرفيهوش.....ولما وريتهولك وقولتلك ان ده واحد ليه قضيه مع انس وحبيت اعرف هو ايه ظروفه او تعرفيه ولا لا...قولتي انه مسعد...مش غريبه دي.
لمار....لا مش غريبه...يمكن انا اللي المفروض اسال السؤال ده....
دياب...مش فاهم..
لمار...هفهمك....لما وريتهالي اول مره... اولا انا كنت بشبه عليه مكنتش متأكده ان هو...بس فنفس الوقت سكت لسبب واحد انت وقتها لما ورتني الصوره قولتلي ان الكلام اللي جيرانك بيقولوه شكله صح....طبعا انا كان لازم اقول معرفهوش لان لو كنت قولتلك انه مسعد كنت هتسأل مسعد مين..ولو كنت حكيتلك اني