روايه كاملة للكاتبة اميره اسامه (دياب ولمار)

تاني يوم.....
وبعدها معرفتش اوصلها...مكنتش قايله لاهلها خفت اني اقلقهم عليها بس انا مكنتش ساكت كنت بدور في كل مكان بس مكنش ليها اثر ...وبعدها ب ايام...لقيت حد بيكلمني وبيهددني....وباعتلي صوره مايا مقتوله وبيقولي متحاولش تفتش تاني....عشان الدور عليك. ..عدي الوقت كنت خلاص قررت اني اروح ابلغ واقدم السي دي...عرفت ساعتها من جماعه صحابي ان في قضيه شاغله البلد...عن بنت جاسوسه...ساعتها انا كنت واثق انها مايا......قدرت اوصل لمعلومات انها هي فعلا وقتها اتحولت قضيتي من ڼار ابويا لتار مايا واثبات انها مش جاسوسه....لحد ما لمار جات. وظهرت وساعتها اتطمنت ان احتمال الحقيقه تتعرف.....وبما انكم وصلتو لصوره المفتاح ده معناه انكم عرفتو عموما....المفتاح التاني معايا....وتقدرو تروحو معايا وتاخدو السي دي وتعرفو بلاوي اكتر بكتير
..وتثبتو ان مايا مكنتش جاسوسه مايا حبتني وحبت بلدها رغم انها كانت مختلفه فالرأي عن قوانين وحجات كتير إلا انها كانت بتعشق مصر...
صدقني يافندم...مش كل اللي رافض النظام كارهه البلد....في كتير كارهين لكن بيعشقو التراب بتاع البلد.. .واغلبهم....عندهم استعداد يدافعو عن مصر وعندهم حماس محدش يتخيله.
....وهي دي كل حكايه مايا.....وانا اللي كنت ببلغ باي حاجه تتعرف عشان تقدرو تتصرفو...
حاتم.....يعني مايا طول الوقت ده كانت بريئه....ابتسم بسخريه.....وكلم نفسه...
اتفقتو فالشبهه وشكلكم اتفقتو فالۏجع والظلم
.........................................
اما في ڤيلا انس كان كل من
ياسين ورحمه وياسمين....في زهول
كارمن كانت باصه فالارض وماسكه في ايد انس وجسمها متلج وخاېفه من رد فعل اهله...اما انس كان واقف بكل ثبات وهدوء ماسك ايد كارمن عشان يطمنها
ياسين.....مراتك..
رحمه...مراتك ازاي مش فاهمه
ياسمين............
انس......ايوه مراتي ومش من كتير من ساعتين بالكتير...
ياسين...بهدوء....وعقل طيب ممكن نفهم.
رحمه....نفهم ايه بيقولك مراته واتجوزها من غير ما يقولنا 
ياسين....رحممممه استني نسمعه...
انس.....هقولكم كل حاجه بس ممكن قبل ما افهمكم اي حاجه تطلع الاوضه ترتاح عشان هي تعبانه جدااااا.
رحمه....استني هنا اوضه ايه اللي تطلعها وترتاح فين ...
انس...امي من فضلك عارف ان اللي بقوله صعب...بس بقي امر واقع ومش معناه اني بحطكم في امر واقع لا ده امر اتفرض علينا احنا الاتنين ولو مكنش حصل برده كنت هتجوزها لكن كان هيكون بعلمكم وكنتو هتيجو معايا بنفسكم تطلبوهالي 
رحمه.....طب وايه اللي منعك وليه مقولتش واحنا كنا جينا معاك.
انس...حضرتك لو ادتيني فرصه بسيطه هشرحلكم كل حاجه..
ياسين...رحمه ممكن تسكتي شويه لحد ما نفهم...
انس....طيب ممكن بعد اذنك يا بابا كارمن تطلع فوق..
ياسين....بابتسامه حنونه....انتي اسمك كارمن.
هزت كارمن راسها پخوف وهي مش بصاله.
ياسين...اسمك حلو علي فكره..
رحمه بصت لجوزها...
ياسين...طلعها يا انس...واحنا مستنينك هنا..
كارمن...بصوت واطي ...لا مش هطلع خليني معاك ارجوك..
انس....هز راسه حاضر...مټخافيش.
نده انس عالشغاله...تطلع شنطه كارمن 
انس.....اتفضلو اعدو كارمن هتفضل معانا..
ياسين....تنورنا..طبعا
انس.....انا هحكيلكم كل حاجه...من يوم ما بدأت حكايتي مع كارمن لحد اللحظه اللي انا بتكلم معاكم فيها دي...
ابتدا انس يحكي....من اول مره شافها في القسم في مكتب دياب...وبدايه معرفته بيها وقضيه لمار...وكل تفصيله حصلت لكارمن وكل حاجه اتعرضتلها من ظلم لضړب لاهانه من والدها....
كانت كارمن باصه فالارض..ودموعها نازله بصمت...
اما اهله كان واضح عليهم التأثر ووالدته..عنيها كانت مدمعه...بالرغم انها اټصدمت وده طبيعي لاي ام يدخل عليها ابنها يقولها انه اتجوز لكن هي طيبه وحنينه وكل همها تفرح بانس...
لكن لما عرفت الحقيقه حست بالحزن علي حال كارمن اللي كان واضح عليها انها صغيره علي كل اللي شافته ده...
اما ياسمين...كانت متأثره بكلام انس...ودموع كارمن اللي بتنزل في صمت لدرجه انها دموعها نزلت..
انس.......بس دي كل حكايتي مع كارمن....والاهم من كل ده....اني حبيتها حبيتها بجد ومعنديش استعداد اخسرها ولا عندي استعداد اشوف حد بيأذيها...ولو اخر يوم في عمري هفضل معاها وبحميها...
ياسين....بفخر.....راجل يا انس...انا خلفت راجل... يمكن اكون اتاخدت لما قولت انك متجوز ويمكن اكون ابان اني كنت هادي بس حبيت اسمع عشان لو مسمعتش حاجه مش عجباني ساعتها عصبيتي يكون ليها سبب...بس اللي سمعته ده..صعب حد يتحمله وفنفس الوقت مبسوط بموقفك اوي....ومبسوط بوجودك يا كارمن وسطنا...ومن انهرده انا عندي 3 ولاد مش اتنين..
نزلت دموع كارمن بۏجع..
رحمه...متزعلش مني يا انس...بس زي ما ياسين قال انا اتاخدت واټصدمت...بس قلبي وجعني لما عرفت السبب...وقامت اعدت جمب كارمن...متزعليش مني انا ام...وطول عمري نفسي افرح بانس وهو كان مش راضي...ويوم ما يتجوز يتجوز بالطريقه دي اټصدمت....بس حقك عليا..سامحيني...ممكن اخدك في حضڼي.
هزت...كارمن راسها وحضنتها وهي دموعها نازله...
ياسمين...وهي بتمسح دموعها....انا بقي ياكارمن. مش قادره اقولك انا مبسوطه اد ايه...اخيرا هيكون في حد هنا فالبيت معايا...لا وبنت كمان ده انا ربنا راضي عليا انه بعتلي اخت قمر زيك كده...
بصت كارمن لانس...بفرحه.
هزلها انس..راسه وغمزلها بابتسامه..
ياسمين...راحت خدتها في حضنها...
ياسين....ان شاء الله الدنيا تهدي ونعملكم اكبر فرح في مصر كلها..
انس...هيحصل بس مش قبل ما ارجع لها حقها..
...وعموما مش وقته الكلام ده...انا مبسوط...انكم فهمتوني وقادرين تقدرو الموقف ومزعلتوش مني...كده هقدر اخرج وانا سايبها في امان معاكم ...
ياسمين...ده انت تخرج وتحط في بطنك بطيخه كمان.
انس...لا ياشيخه الوقت اخرج ما انتي كنتي علي طول تكلميني انت فين جاي امته زهقت.
ياسمين...لا ده كان زمان الوقت في حد يأعد معايا خلاص.
انس...ااااه من لقي احبابه نسي اصحابه يعني.
ياسمين...بالظظظظبط...ده لسه كمان يا كارمن هعرفك علي اخت دياب ريناد وهنبقي تلاته عليهم 
ياسين....حزب يعني يبقي الله يرحمك يا انس...
انس...شكلي اتسرعت لما جبتها هنا...
فضلو كلهم يضحكو وبسرعه حست كارمن انها في امان وسط اهلها وحبيبها حست بارتياح كبير لتقبلهم ليها.
انس...انا هستأذن بقي عشان اروح القسم.
رحمه...طب مش تطلع كارمن 
انس...اطلع ايه ..انا بقيت ضيف هنا هي وياسمين اندمجو خلاص وانا طلعت منها..
رحمه....صراحه اه يلا بقي اتكل علي الله.
انس...حتي انتي يا امي ماشي ياستي....
وراح باس ايدها هي ووالده....ربنا يخليكو ليا.
ياسن...ويخليك لينا 
رحمه...ويخليك لينا ياحبيبي يلا روح علي شغلك...واطمن عليها..كارمن بقت بنتي...صح يا كارمن..
كارمن ..بابتسامه صح
انس...ربنا يخليكو ليا...يلا سلام هخلص وارجع.
الكل...سلام...
خدت ياسمين كارمن وطلعو عالاوضه وهما مبسوطين...وطلعت معاهم رحمه....
....................
وصلو الرجاله علي حدود الاردن....عملو كل الاسعافات للمار ودياب....فضلو هناك 3 ايام...
رجعو جزء من الرجاله معاهم التلاته اللي كانو محتجزين ومعاهم عز الدين....فضل معاهم يوسف وكام ظابط...وفاليوم الرابع....بعد ما صحتهم رجعت كتير عن الاول....اخيرا.....قرروا العوده...الي ارض مصر
البارت التاسع والعشرون
عدي حوالي 3 ايام علي وجود كارمن وسط عيله انس اللي بسرعه حست كارمن بالامان والحب والدفا معاهم عرفتها ياسمين علي ريناد اللي كانت متأثره بحكايتها جدا وبسرعه ال بنات قربو من بعض كأنهم بقالهم زمن يعرفو بعض...والد انس ووالدته كانو طول الوقت بيتكلمو مع كارمن ويضحكو ويهزرو عشان يشيلو منها الخۏف والرهبه اللي كانت حاسه بيهم اول ما وصلت كانو ماليين فراغها ووحدتها عوضوها في ايام بسيطه عن حب وحنيه افتقدتهم سنين.... كارمن عرفت والدتها باللي حصل وانها اتجوزت انس...فرحت والدتها عشان اطمنت عليها رغم ۏجعها انها مش معاها...وعدتها كارمن انها قريب هتشوفها وان يوم فرحها هي اللي هتكون معاها.....
اما انس. فا بعد ما رجع عالقسم وقت ما ساب كارمن وسط عيلته ..حقق مع الراجل العربي..بعد ما كمل ضړب فيه....وعرف ان ابوها السبب في كل ده..نزلت حمله مكثفه تجيبه فضلو يدورو طول ال ايام عليه في كل مكان لكن مكنش ليه اي أثر حتي البيت مكنش