جت عروسه إبني تفرش شقتها ل أماني سيد

مش هتستفيد بيها دلوقتي.
هزّت راسها بس مش مقتنعة بس هي فرحانة بيها وإحنا بنشيل كل حاجة كأنها مش من حقها تستخدم بيتها.
الكلام دخل جوايا زي شوكة، بس ما بينتش.
وقلت بهدوء مصطنع إنتي صغيرة ومش فاهمة إدارة بيت.
وسكتنا.
لكن اللي ما كنتش أعرفه إن العروسة من ناحيتها بدأت تاخد بالها من حاجة صغيرة جدًا.
كل مرة تسأل عن حاجة، تلاقي الرد سيبيها للتجديد سيبيها للمستقبل سيبيها لما تحتاجي
نفس الجملة بس بتتكرر بشكل يخليها تفكر.
في اليوم التاني، وهي بتدور على طقم ملايات كانت متأكدة إنها حطيته في دولابها ملقتهوش.
فتحت درج تاني مفيش.
وقفت مكانها دقيقة كاملة.
وبعدين بصت حوالين المطبخ، كأنها بتجمع خيوط فكرة بدأت تتكون في دماغها لأول مرة.
وفي نفس اللحظة الموبايل رن.
كانت أمي.
صوتها كان هادي قوي إنتي فين يا بنتي؟ عايزاكي في موضوع مهم، بس تعالي لوحدك من غير أي حد.
العروسة ردت خير يا طنط؟
ردت الأم بجملة واحدة بس خلت قلبها يقف لحظة عايزين نراجع مع بعض كل اللي اتنقل من الشقة.
سكتت العروسة.
وبصت ناحية باب المطبخ.
ولأول مرة ما ردتش بسرعة.
بل قالت بصوت مختلف تمامًا تمام أنا جاية.
قفلت المكالمة، ووقفت قدام الشباك.
المرة دي ما كانتش بتفكر في الشقة.
كانت بتفكر في جملة واحدة
ليه كل حاجة بتختفي تحت اسم التنظيم؟
وفي مكان تاني أنا كنت لسه ماسكة الورقة في إيدي.
بس للمرة الأولى حسّيت إن اللي كتبته ممكن ما
يكونش خطة استراتيجية زي ما كنت فاكرة
ممكن يكون بداية كشف كبير أنا مش مستعدة له العروسة خرجت من بيتها وهي ساكتة بس السكوت ده كان مختلف.
مش سكوت رضا ده سكوت اللي بيجمع جواه أسئلة كتير قوي.
في الطريق، كانت بتفتّش في دماغها عن كل موقف حصل من يوم ما دخلت بيت جوزها كل مرة حاجة تترفع فوق الدولاب كل مرة حاجة تتخزن كل مرة كلمة لسه بدري عليها
ولأول مرة الصورة بدأت تتركب.
وصلت عند حماتها.
البيت كان عادي هادي زيادة عن اللزوم.
فتحت لها الباب بابتسامة ثابتة، بس العروسة ما ابتسمتش.
دخلت وقعدت.
ثواني صمت.
وبعدين قالت بصوت هادي جدًا أنا عايزة كل حاجة تتفتح قدامي.
الحمّاة رفعت حاجبها نفتح إيه يا بنتي؟
ردت بثبات كل اللي اتشال من شقتي على إنه زيادة.
الهدوء في الأوضة اتغير.
الابتسامة خفت.
وبنتي اللي كانت قاعدة على طرف الصالة بصت لوالدتها لأول مرة بقلق.
الحمّاة ضحكت ضحكة قصيرة إنتي مكبرة الموضوع إحنا بنحافظ على حاجتك.
العروسة وقفت لو بتحافظوا عليها يبقى أقدر أشوفها.
سكتت لحظة، وبعدين كملت ولو فعلاً دي حاجتي يبقى مكانها عندي مش عند حد تاني.
الجملة دي وقعت في المكان الغلط.
الحمّاة اتغير وشها لأول مرة.
مش ڠضب لكن صدمة.
كأنها مش متعودة إن حد يعارض النية الطيبة اللي كانت شايفاها صح طول الوقت.
في اللحظة دي، باب الأوضة اتفتح.
وجوزها دخل.
كان باين عليه إنه مش فاهم حاجة، لكن أول ما شاف