مش واجبي.. بقلم منــال عـلـي

آه طبعاً، أنا أوحش كنّة في نظر والدتك! خلاص بقى، روح إنت شيلها وحطها وإمسحلها ريقها، لإن رِجلي مش هتعتب شقتها تاني أبدًا!
أمي خرجت من المستشفى، والدكتور قال محتاجة مراعاة في البيت أسبوع على الأقل.. بكرة تروحي لها من بدري. بقلم منال علي
أحمد رمى الموبايل على الكنبة ودخل المطبخ وهو بيحسم الموضوع في دماغه. بيتكلم كأنه بيعلن عن ميعاد قطع الكهرباء أو إنه جاب عيش؛ نبرة باردة، واثقة، نبرة حد بيدي أمر ومش مستني مناقشة. بالنسبة له، الموضوع منتهي.
ندى كانت واقفة قدام البوتاجاز. إيدها اللي ماسكة المعلقة الخشب اتسمرت في نص الطريق فوق الطاسة، واللحمة بتتحمر في الزيت. ريحة البصل واللحمة اللي كانت من لحظة ريحة دافية ومألوفة فجأة بقت خنقة وتقيلة على صدرها. ما لفتش وشها، فضلت باصة للزيت وهو بيغلي، وسكوتها كان رد.. بس أحمد ما فهمش، أو عمل مش فاهم متوفره على روايات واقتباسات
سمعتي؟ فتح التلاجة وطلع إزازة ميه معدنية، شرب كذا بقة وحطها على الرخامة بخبطة مسموعة. هتروحي على الساعة عشرة الصبح.. أوصلك وأنا رايح الشغل.
لسه ما بصش في عينيها. واثق إنها هتسمع الكلام، ومتأكد إنها بعد شوية تفكير هتقول حاضر زي عادتها. هو يقرر، وهي توافق.. بس المرة دي، المعلقة ما اتهزتش من مكانها.
أنا مش هروح يا أحمد.
صوتها كان واطي، يكاد يكون همس، بس في هدوء المطبخ المشحون، الكلمتين نزلوا زي خبطة شاكوش على دماغ أحمد. شرق في الميه، وقفل الإزازة ببطء وحطها على الرخامة پعنف كأنه عايز يكسرها، ولف ليها أخيرًا.
يعني إيه مش هتروحي؟ سألها باستغراب. مكنش لسه ڠضب، كانت حيرة باردة، كأن كرسي فجأة قرر إنه ما يبقاش كرسي! ندى، أنا مش فاهم.. إيه اللي بتقوليه ده؟ أمي تعبانة ومحتاجة اللي يسندها. بقلم منال علي
قرب منها خطوة، دخل في مساحتها الشخصية عند البوتاجاز، وريحة الشارع وعطره كانت طاغية على المكان.
بالظبط.. صوت ندى بقى أقوى وأصلب. لفت وشها له أخيرًا، ملامحها هادية بس عينيها فيها برود وتحدي. دي أمك إنت.. نفس الست اللي بقالها عشر سنين بتحاول تكسرني في كل قعدة.. اللي بتقول لصحابك إنك غلطت لما اتجوزتني. وقت ما كانت بصحتها كنت أنا ولا حاجة في نظرها.. دلوقتي لما بقت محتاجة اللي يغيرلها هدومها ويشيلها، بقيت أنا فجأة مهمة؟ لأ يا أحمد.
وش أحمد احمرّ جداً.. كلامها مفرقش معاه في حاجة، هو مش شايف منطق، هو شايف تمرد وتحدي لسلطته.
إنتي بتتكلمي جد؟ هتفتحي لي دفاتر قديمة وست مريضة بين الحياة والمۏت؟ فتح إيده پغضب وزعق بلاش أنانية يا ندى! خليكي أكرم من كده.. ارحميها شوية، دي أبسط معاني الإنسانية!
كان بيزعق عشان يكسر صمودها بنظراته المتعالية. كان فاكر إنها