اسكريبت كامل بقلم الكاتبه أمنية حلمي

دي قهوة بالكراميل
_ كمان مش عاوزين إتنين لمون بالمرة
قالها بزعيق حبتين وخرج ورزع الباب وراه وأنا إتنفضت على صوت خبطة الباب لإني بطبعي عندي فوبيا من الأصوات العالية والدوشة وأي تجمع فيه هيصة وزحمة..
عيوني دمعت تلقائيا وأنا بأنب نفسي هايل! خدت وقف عن العمل من اول اسبوع شغل بجد شابوه ليا!
تجاهلت ندائات هارون ليا وطلعت برة الشركة ووقفت تاكسي بسرعة الى البيت..
وصلت وبمجرد دخولي للبيت جريت على حضڼ ماما وعيطت عيطت أوي جايز صعب عليا نفسي بس حقيقي متعودتش أفضل متماسكة لاني أنا اسمي الحقيقي عيوطة أساسا ومبحبش حد يزعقلي أو يعلي صوته عليا فما بالكم بالل عمله..
فضلت طول الإسبوع في البيت قاعده وسط فقدان شغفي للحياة وحقيقي أسوء حاجة في الإسبوع دا إني مشوفتش هارون إحم مش عشان حاجة بس مبقتش أعرف اشرب قهوة الكراميل من غيره أه ولله!
بخاف من المشاعر لا انا بټرعب منها بس هو ممكن حد يتطمن لحد في أسبوع بس أو يسلم ثقته لشخص من معرفة دامت لإسبوع فقط جنون صح وانا أشد المجانين جنونا أساسا.
الإسبوع إنتهى بعد فراغ كبير ملى حياتي ب عدم وجود هارون!
إترددت ألف مرة قبل ما أروح الشركة تاني بس إضطريت أنزل عشان فرصة الشركة دي بالذات متتعوضش
يعني مش عشان هارون
تؤتؤ عشان الفرصة متتعوضش
وأديني أهو قدام بوابة الشركة من تاني وضربات قلبي بتزيد بلا هدف يمكن خوف من اللي جاي أو جايز توتر من مقابلة المدير بعد أخر مرة مش عارفة بس المهم إني ھموت من التوتر حقيقي..
دخلت والشهقة اللي طلعت مني كانت رد فعلي على اللي شوفته..
بلالين زرقا في كل مكان والأرض مفروشة ورد إسود وأزرق! إيه المدير هيتجوز ولا إيه انا عمري ماشوفت حد عنده سرعة في الأداء زيه ولله.. دخلت والغريبة المرة دي إن مكانش فيه حد في الشركة والمكان فاضي بشكل.. يخوف!
خطيت لجوا وانا بتلفت حواليا على أمل إني ألاقي حد بس مفيش صوت حتى!
فكرت أطلع وأروح بس شيء ما خلاني اكمل مشي يمكن ألاقي حد
حسيت بكف إيدي على كتفي ف لفيت بسرعة وشهقت تاني لما لاقيته هارون
_ خضتني يا هارون!
سلامتك من الخضة يا قلب هارون
عضيت على شفايفي بحرج وبمنتهى السذاجة قولت أكيد قالها بعفوية ومكانش يقصد!
_ احم هو إيه الورد والبلالين دي
أصل المدير هيخطب
_ هو المدير بيخطب كل اسبوع ولا إيه دا إيه الفراغ دا
إبتسم وهو بيغمز تؤ المرة دي من نوع تاني
_ مش فاهمة
ركع على رجله وهو بيخرج علبة قطيفة من جيبه تقبلي تتجوزيني يا وسامي!
إيه الحر دا شغلوا التكيف يجماعة انا بسيح هنا
ملحقتش أتكلم لاقيت الناس والعمال خارجين من كل حتة وكل واحد ماسك بلونة بلون مختلف مطبوع عليه كلمة وافقي!!!
و.. بابا
وماما أهم هناك! إيه اللي جابهم هنا هو إيه اللي بيحصل!
فوقت على صوته لا إنجزي أنا رجلي نملت
ضحكت اوي وانا بهز راسي دلالة على موافقتي ومسكت منه العلبة القطيفة واللي كان جواها خاتم ك المتوقع!
بصيتله بتوهان وانا بقول فهمني!
_ إمم أنا ياستي هارون عامر درويش أخو فارس عامر درويش بس أخوه الصغير ويعتبر النائب بتاعه بس ميغركيش يعني أنا مسيطر بردو وبصراحة كدا كل اللي حصل الإسبوع اللي فات كان من تخطيطي عشان نعرف نجهز الشركة ونزينها من غير ماتبقي موجودة بس هو إتغابى شوية في الأداء معلش وفي الحقيقة أنا حابب اشرب من إيدك قهوة بالكراميل كل يوم ها إيه رأيك
بصيت لفارس اللي جه من ورايا وهمسلي أنا اسف يا مرات أخويا معلش عيل وغلط
هزيتله راسي ب معنى ولا يهمك ورجعت أبص لهارون تاني _إمم هتجيبلي توينكز كل يوم!
وهوهوز ولله
_ مش هتزعقلي ولا هتعلي صوتك عليا
ياكش اټشل قبل ما أعملها
سكت تاني وأنا محتلة ب الشعور ب الإنتشاء
إتكلم وهو بيغمز تقبلي تشاركيني قهوة الكراميل كل يوم
_ هنشربها وإحنا في البلكونة وبنسمع عبد الحليم
وأم كلثوم كمان لو تحبي
_ موافقة
نتشارك القهوة والحلوى والمثلجات سويا فهل تقبل بمشاركتي حبي لك وأما عن قلبي فهو بين يداك.. فإفعل به ما تشاء
ب قلم
أمنية_حلمي