اسكريبت كامل بقلم الكاتبه أمنية حلمي

السي ڤي بتاعي عشان يقراه وطبعا إنبهر باين على ملامحه يعني
_ تمام هنكلمك لو ليك نصيب في الوظيفة إن شاءلله
إيه دا يغالي دانتوا خسارة فيكوا مهاراتي أصلا عادي..
عدى إسبوع ومحدش عبرني بكلمني شكرا حتى بس لسه فيه أمل أكيد مترفضتش يعني دانا هيرو في مجالي!
_ ها لسه محدش تف في وشك
يوه لسه يا منة وبعدين إنتي قلقانة ليه هما أصلا هيلاقوا زيي فين
_ طبعا أومااال
هو فيه في حلاوتي
_أبداا
فيه في جمالي
_ مستحيل
فيه في شطارتي
_ impossible
شوفتي بقى وبعدين...
قاطع كلامي رنة التليفون من رقم غريب
ألو
_ معانا وسام زكريا
أيوا
_ تم قبولك في وظيفة المترجمة في شركة FH للسياحة ومعادك معانا من الغد الساعة التاسعة صباحا.
سيبت كل اللي في إيديا وحضنت منة بعزم ما فيا من الفرحة وأنا بهمس اتقبلت يا منة اتقبلتت
_ الو الو أنسة وسام معايا
حمحمت بحرج واتكلمت أيوا تمام شكرا جدا وبإذن الله هكون متواجدة بكرة في المعاد
قفلت مع موظفة الإستقبال وانا بتنطط في كل ركن في الشقة أنا.. فرحانة!
وفرحة منة بيا كانت لا توصف حقيقي نسيت أعرفكم إن منة أخت تانية ليا مش مجرد صديقة أو زميلتي دي عشرة عمري وحصيلة تعبي ومعافرتي طول السنين اللي فاتت وبصراحة كدا العالم يراها صديقة وأنا أراها العالم فعلا يعني!.
روحت أول يوم وقابلت هارون اللي عمل معايا الإنترڤيو وحقيقي شخصية لطيفة جدا ومرحة و.. حنينة! وبصراحة يعني بصراحة.. انا نقطة ضعفي الحنية.
_ حاجة ساقعة بيبسس
ضحكت وقولت ادخل يا هارون
دخل ومعاه إزازتين بيبسي وإتنين هوهوز وتوينكز!
إنت رايح رحلة ولا إيه
_ تؤ جايب حاجات نتسلى فيهم كدا لحد وقت البريك عشان ملاحظ انك هفتانة يا قلب أمك اليومين دول ولازم تتغزي
ضحكت على كلامه ورفعت حاجبي بإستنكار ولله
_ وغلاوة عيالي اللي لسه مجبتهمش
إبتسمت لكلامه وأنا ببص للأكل اللي جايبه بنهم وريني كدا التوينكز دي بتقول إيه
فتحنا الأكياس وقلبنا المكتب كافيتيريا وحاجة تكسف ولله
_ نسيت إستني
خرج برا ورجع بعد خمس دقايق كانوا بيعملولك القهوة بالكراميل بتاعت سيادتك إتفضلي أهو
إبتسمتله وأنا بشاور على فنجان تاني ودا بتاع مين
_ دا بتاعي أصل حبيت القهوة بالكراميل أوي سعادتك
سقفت وبعلو صوتي اتكلمت أيوا كدا دلعناااي
_أفندم!
دا كان صوت المدير اللي دخل علينا فجأة وحاجة أخر هدم لذات ولله
همست وانا خاېفة من نظراته لينا تاخدلك واحدة هوهوز ولا توينكز
هنا إتكلم هارون وهو سيكا وهيطلم ولله جبتلها الأكل عشان البت هفتانة حتى بص وشها مصفر إزاي
شاور عليا في أخر كلامه وانا دماغي بتتهز ب أه بدون تفكير في الكلام حتى وبهدوء وجهلي المدير فارس الكلام إنتوا الإتنين وقف عن العمل لمدة أسبوع عشان تبقوا تسيبوا الشغل وتركزوا في التوينكز كويس وإيه دا
شاور على القهوة فإتكلم هارون دي..