اسكريبت كامل بقلم الكاتبه أمنية حلمي

_ بالسندوتشات!
أه مالها السندوتشات مش فاهمة
_ رايحة تقدمي في شركة سياحة وجايبة معاك كيس فيه سندوتشات لانشون
لا وجبنة ولله!
_ جبنة ولانشون ي وسام! حد قالك إنك رايحة كوكي بارك دانت هتترفدي من على الباب بمنظرك دا
عدلت من وضع الحجاب وأنا بتكلم ليه شايفاني بشحت دانا مترجمة قد الدنيا المفروض هما اللي يمسكوا فيا وأنا أرفض
_ طبعا طبعا
سيبتها وروحت لبست الهيلز اللي منة صاحبتي مصرة ألبسه وأنا أصلا بقع وانا ماشية حافية! بس نعمل إيه قصري مخليني شبه صباح ورق العنب ومحتاجة أطول حبتين..
جهزت أخيرا ونزلت وبسرعة وقفت تاكسي لمكان الشركة وبالمناسبة.. أنا وسام إسمي مش معروف أوي لكنه لطيف وأنا بحبه عندي تلاتة وعشرين سنة ومتخرجة من كلية لغات وترجمة محجبة وبحب القهوة بالكراميل ودي أكتر حاجة معروفة عني وغريبة في نفس الوقت!.
فوقت على صوت السواق وهو بينده _ يا أنسة وصلنا..
نزلت من التاكسي وانا واقفة متصنمة قدام مبنى عملاق ضخم اصل معقول أنا هشتغل هنا اي الكلام دا يغالي!
دخلت من البوابة ورهبة العالم كله متجمعة جوايا مش عشان خاېفة لأترفض لأ عشان ميقعش مني كيس سندوتشات اللانشون والجبنة حقيقي كان نفسي أدخل جوا دماغ ماما وهي بتعملي السندوتشات دي بس من ساعة ما إقترحت عليا تحطهم في لانش بوكس وأخد معايا زمزمية وانا عرفت فيه في دماغها إيه خلاص..
دخلت جوا وللحظة حسيت إني بسطر بدايتي في رواية زي الروايات المعروفة بتاعت البطل طويل المنكبين الجامد جدا دا والبطلة اللي هتشتغل عنده في الشركة وتبقى سكيرتيرته ويقع ف حبها والجو دا و... إيه دا!!
قولتها لما دخلت الشركة ولاقيتها مليانة.. بلالين!
كنت مصډومة وانا بلف في المكان والبلالين البيضا مغطية على أي ديكور أخر معقول ماليين الأرض ورد وبلالين عشان عارفين إني جاية أقدم ولله دول ناس كريمة.
خطيت لجوا وأنا مبهورة بالأجواء لحد ما خبطت في أحدهم
_ هو فيه النهاردة مناسبة
رد عليا وهو مبتسم أأه خطوبة المدير
الواحد مش عارف حس بخذلان ليه دانا لسة بقول هنتجوز وبتاع طلع هيخطب ايش هذا مين لعب في الإعدادات!.
إتكلمت بحزن كدا وكأنه عشمني وخلي بيا وأنا أصلا معرفوش يعني مفيش جواز
_ نعم!
لا سوري مش إنت مش إنت
بصيت له تاني وسألت طب هو أنا كنت عاوزة أقدم على وظيفة مترجمة هنا مسموح النهاردة ولا أمشي ولا إيه!
_ لالا مسموح إتفضلي ورايا على المكتب
روحت وراه وأنا بتفحص كل ركن في الشركة وحقيقي الواحد مبهور ولله انا طول عمري بحلم بالشغل فيها نظرا ل إنها أكتر شركة بتدي فرص عمل برا مصر وبتدي الموظفين المجتهدين فيها منحة كمان! وحاجة كدا جمال ودلال يعني..
_ إسمك إيه
وسام وسام زكريا
_ عندك كام سنة يا وسام
تلاتة وعشرين
_مؤهلاتك إيه
إديته