روايه كاملة بقلم الكاتبه شهيرة عبد الحميد

الراس اول ما شافتنا وعينها جت علينا قعدت تضحك وتقولنا انتوا هتطبخوا ولا ايه شكلكوا مسخرة اوي
وفاء قالتله بعصبية انطق انت ميييين وجوزي شاكر فين
رد وقالها طب ما أنا شاكر انتي هطلة مش باين الشبه بينا يعني
وفاء بصتلي بنظرة أنها مش مصدقاه وقالتله بقولك قولي جوزي فين وإلا مش هنخلي فيك حتة
سليمة
الراس فجأة طارت في الهوا وقالت بعد ما عيونها اتحولت للون الډم الاحمر وريني كده هتعملوا ايه
بصيت لوفاء وضړبتها بالقلم قصاده علشان ألحق الموقف قبل ما يبوظ وقولتلها حد يكلم عمو الراس بقلة ادب كده اتفضلي اعتذري اهو اتعصب من أسلوبك مليون مرة قولتلك تحترمي الچثث
والحمد لله الخطة نجحت وبدأت الراس دي تنزل من الهوا واستقرت على الكنبة وقالي اهو انتي كده جدعة وفهمانة اعمليلي عصير بطيخ بقا أنا شامم ريحته من الصبح في البيت وبحاول ماكونش ضيف تقيل بس خدي بالك لو لقيت بذرة واحدة في العصير أنا هزعل أوي وانتي عارفة زعلي عامل إزاي
طول عمري بكره استعباد الرجال على النساء لكن دي المرة الوحيدة ال كان لازم أكون أوامر ماشية على الأرض علشان اخلص من البلوة دي
سيبت وفاء معاه برا ودخلت المطبخ طلعت البطيخة وبدأت اعمله عصير طافح على نافوخه
اتاخرت شوية عقبال ما طلعت البذر كله
واكتشفت أن بقالي حبة مش سامعة صوت االراس ولا حتى وفاء!!
قلبي اتقبض
وخرجت جريت بالكوباية
علشان اتفاجيء أن وفاء قاعدة جنب الراس بتضحك واخر امبساط!!
وقفت متنحة شوية بستوعب
الراس بصتلي بحدة وقالي انتي كل ده محطتيش شاليموه في العصير
رجعت جري على المطبخ جبت شاليموه وقدمتهوله جنب بوقه وبدأ يشرب ويخرج العصير من رقبته في نفس اللحظة
بصيت لوفاء وقولتلها عرفتي شاكر فين
ضحكت وقالتلي اه يا حبيبتي الحمد لله في الشغل هو بس تليفونه فصل
عملت ايرور!!
اومال مين الراس دي
ضحكت وفاء وهي بتشدني اقعد جنبها وقالتلي اقعدي أنا هحكيلك اصل الراس دي طلعت مصېبة دي جت هنا بالغلط هو المفروض يروح على عنوان تاني وده أصلا مش راس مقطوعة دي راس سيليكون عليها عمل وجواها شيطان المفترض الناس بيعملوا العمل عليها والراس دي مجرد ما تدخل البيت بتتحول لشكل الطرف الغايب في البيت وطبعا عشان شاكر في الشغل فهو خد شكل شاكر
معرفش ليه فضولي خدني بعد ما اطمنت على وفاء وجوزها وقولتله طب يا عمو الراس انت كنت رايح على أنهي عنوان
رد وقالي عنوان واحدة اسمها ولاء تقريبا ساكنة في نفس العمارة بس الدليفري الغبي قراها وفاء وسوحني دايما يحصل أخطاء في الشغل كده
أنا ووفاء بصينا لبعض وقولنا في نفس اللحظة ولااااء
ولاء دي تبقى جارة وفاء وصحبتنا ال ساكنة في الخامس وعايشة مع حماتها وجوزها!
يا ترى مين بعتلها العمل ده وكان عايز منها إيه
انتهت حكاية وفاء ولمياء مع الراس السيليكون لو عجبتكوا قولولي اعملكوا حكاية جديدة مع ولاء
بقلم شهيرة عبد الحميد
ممنوع سړقة النص أو نسخه مسموح فقط بمشاركة المنشور