رواية مليونيرة والمغرور مكتملة لجميع فصول بقلم الكاتبه المبدعه إسراء إبراهيم

حاجة انك لو غلطانة متكابريش وتعملي المستحيل عشان تصلحي غلطك ده
سيلا فهمت كلام امها فابتسمت بتشجيع عندك حق يا مامي وانا اوعدك اني اتغير وابقي واحدة تانية
احلام بفرحة ده يوم المني يا حبيبتي وليكي عليا اي حاجة تسأليني عليها هقولك تعملي ايه بالظبط
سيلا بابتسامة طيب يا مامي قوليلي اعمل اكل ازاي بصي قوليلي اعمل ايه اصلا يعني انا معرفش ابدأ ازاي
احلام بفرحة هقولك تعملي ايه بالظبط يا روح ماما
بليل كان راجع رياض من الشغل وباين عليه التعب واول ما دخل من باب الشقة اتفاجئ بسيلا واقفة مستنياه وعلي وشها ابتسامة جميلة وترته اول ما شافها وكمان الشقة اللي كانت مترتبة ونضيفة وبتثبت فعلا ان في واحدة ست عايشة فيها
رياض بتصنع الجدية احم مساء الخير
سيلا بابتسامة مساء النور اتأخرت انهاردة علي فكرة
رياض بتعب كان يوم طويل خدي الاكل ده حطيه في اطباق انا جبته جاهز
سيلا بابتسامة بس انا عملت اكل ممكن تدخل تاخد شاور علي ما احضر السفرة هدومك انا مجهزاها في الحمام
استغررب رياض لكنه معلقش واكتفي بابتسامة رضا لسيلا وسابها ودخل اوضته
عالسفرة كانت قاعدة سيلا وباين عليها التوتر وهي باصة لرياض اللي بدأ ياكل
سيلا پخوف رياض هو الاكل ايه اخباره انا اول مرة اعمل اكل
رياض بابتسامة الاكل جميل تسلم ايديكي يا سيلا
سبلا ابتسمت بفرحة وبدأت تاكل بس فجأة شرقت اول ما داقت الاكل لانه كان حادق اوي وقام رياض بسرعة ناولها مية
سيلا بحزن انت ليه كدبت عليا الاكل وحش اوي يا رياض
رياض بابتسامة ولا يهمك المرة الجاية يطلع احلي واجمل
ابتسمت سيلا بصدق وهي بشوف رياض لاول مرة بتركيز
سيلا بابتسامة طب هقوم اجيب الاكل اللي انت جايبه عشان تاكل منه بجد الاكل صعب ومش هتقدر تاكله
رياض برفض لا يا سيلا انا هاكل من الاكل اللي مراتي عاملاه بايديها عشاني تسلم ايديكي
سيلا بسعادة انت انسان كويس اوي يا رياض انا حقيقي اسفة علي معاملتي ليك قبل كدة
رياض بابتسامة انا ميهمنيش ومش شايف غير سيلا اللي قدامي دلوقتي يلا هساعدك نشيل الاطباق ونعمل فشار ونتفرج علي فيلم ايه رأيك
سيلا بفرحة موافقة طبعا بس انت اللي هتعمل الفشار عشانيتاكل يعني
ضحك رياض وسيلا كمان وبدأو يساعدو بعض وكانت سيلا فرحانة اوي بحياتها دي
عدي فترة كانت سيلا اتغيرت خالص وبدأت تبقي واحدة تانية وكان رياض فرحان اوي بالتغير ده وفرحته كانا هتكمل لو عرف حقيقة مشاعر سيلا ناحيته وانها بتحبه زي ما بيحبها وهنا قلبه اتقبض وخاف من فكرة انها ممكن تكون مش بتحبه كانت واقفة سيلا في البلكونة مستنية رياض زي ما اتفقت معاه عشان هتروح لمامتها وكانت بتكلم امها في التليفون
سيلا بابتسامة انا فرحانة اوي اني هشوفك انهاردة يا ماما اوعي تكوني نسيتي الاكل اللي بحبه
احلام بفرحة لا طبعا ده انا عاملالك الاكل اللي بتحبيه كله انتي ورياض الا قوليلي هو عامل ايه معاكي
سيلا بابتسامة تلقائي بصراحة رياض ده انسان كويس اوي يا ماما انا اللي كنت غبية ومش شايفاه كويس يكفي ان هو السبب في تغييري كدة واني احس اني انسانة ليها قيمة
احلام بسعادة يا سلام يا سلام يجي سي رياض يسمع القصايد اللي بتقوليها عليه اهم حاجة انك
حبتيه ده اللي انا كنت بتمناه
سيلا بتردد احبه لا يا ماما مش لدرجة حب انا منكرش اني بحترمه وبعزه اوي وان ه عوضني عن حجات كتير بس مش لدرجة حب
احلام بقلق طب خلاص قفلي