رواية مليونيرة والمغرور مكتملة لجميع فصول بقلم الكاتبه المبدعه إسراء إبراهيم

دلوقتي بس يابنتي اطمنت عليكي
بصت سيلا لامها بلوم
وقطع نظراتهم كلام رياض وهو بيقول
استاذنك يا ماما اخد سيلا ونروح شقتنا
بصت سيلا لاحلام بتمسك وقالت
ايه ده يامامي هو احنا مش هنعيش معاكي
قطع كلامها رياض وهو بيقول
ازاي يعني لازم تروحي علي بيت جوزك
بصتله سيلا باشمئزاز وبصت لامها مامي ردي يامامي
احلام بصت لرياض وهز رياض راسه باه
نقلت احلام عنيها لسيلا وقالت
لا ياحبيبتي لازم تروحي علي بيت جوزك
سابت سيلا مامتها ومشيت قدام رياض بجمود من غير ما تنطق ولا حرف وفعلا راحو شقة رياض اللي كان مجهزها عشانها
حمدلله علي السلامه
قال كده رياض هو بيقفل باب الشقه
مردتش سيلا عليه وكانت بتبص للمكان باحتقار لانها شقه قديمه شويه في مكان شعبي جدا
لفت سيلا وشها لرياض وقالت بقرف هو انا هقعد علطول في المكان البيئه ده
بصلها رياض وابتسم وقال مطرح ما جوزك يقعد هتقعدي معاه
اتنرفزت سيلا ودخلت الاوضه اللي قدامها وقفلت الباب
وقعدت علي السرير باڼهيار ودموعها شلالات علي خدودها المحمره
فاقت علي خبطة رياض علي الباب
وهو بيقول طيب ايه ادخل ولا لسه شويه
قامت من مكانها وكلها عصبيه وفتحت الباب وخرجت وهي بتقول بكل ما فيها اسمع يابتاع انت انا وافقت اتجوزك عشان مامي بس فاهم انت تبعد عني لاما والله امشي ومحدش هيعرف طريقي
انت فاهم
ابتسم رياض وهو بيقعد علي الكنبه وبيقول ببرود ما تمشي انتي فاكره اني هزعل عليكي ولا حتي انتي في بالي يابت انا اتجوزتك شفقه عشان امك بس
بصتله سيلا باشمئزاز وقالت امك انت بيئه اوي
قام رياض من مكانه وهو بيقرب عليها وقال پحده انا مسمحش ان مراتي تعلي صوتها عليا ولا تقول لفظ ميعجبنيش انتي فاهمه
سيلا بعصبيه متقولش مراااااتي انا مش مرات واحد شحام
بصلها رياض بستغراب ايه
سيلا بتردد كلك البتاع الاسود ده
بصلها رياض وهو بيضحك وقال اسمه شحم ياجهله
سيلا ببرود معرفش البيئه امثالك هما يعرفو
بصلها رياض بحدة فتلجلجت سيلا ودخلت تجري علي جوه وقفلت الباب بعد ما استوعبت قالت ايه
رياض بصوت عالي
انا هعديها المرادي بس بعد كده انا مش هسكت وهعلمك الادب وازاي تتكلمي مع جوزك
فتحت سيلا الباب بعصبيه متقولش جووووزي
وهبدت الباب جامد فابتسم رياض بتلقائية
كانت قاعدة احلام وسرحانة من خۏفها علي سيلا وبتدعي ان اللي عملته يكون صح وقطع سرحانها جرس التليفون فردت السلام عليكم مين
هايدي بدلع هاي طنط ممكن اكلم سيلا
احلام بعصبيه سيلا مش موجوده ومتتصليش بيها تاني بنتي اتجوزت وسافرت
هايدي بتصنع الفرحه اي ده بجد مبروك ياطنط انا فرحلتها جدا بس ممكن رقم فيلتها عشان اكلها ابارك لها واعاتبها انها مقالتليش
احلام بنفاذ صبر بقولك ايه بنتي اتجوزت ومعرفلهاش رقم تليفون ولا عنوان ممكن بقي تبعدو عنها عشان مقولش لجوزها وانتم مش عارفين ده ممكن يعمل فيكم ايه
هايدي پخوف انا اسفه ياطنط ربنا يسعدها
قفلت احلام في وشها السكه وهي بتردد ربنا يبعدكم عنها انتم وامثالكم
ورفعت سماعتة التليفون تاني واتصلت علي رياض الو ازيك يا رياض
رياض بتلقائية الحمدلله ياماما انتي عامله ايه
احلام بقلق الحمدلله ياحبيبي طمني علي سيلا عامله ايه من امبارح
رياض بنفاد صبر مش قادر ياماما لسانها مترين
احلام بابتسامه معلش ياحبيبي خليها عليك انت الراجل هي بس بتدلع بس والله طيبه وغلبانه وعايزة اقولك اصحابها اللي حكتلك عليهم اتصلو عليا من شويه وانا قولتلهم زي ما اتفقنا
رياض بجدية تمام ياماما ومش عايزك تخافي طول ماهي معايا
احلام براحة دانا اللي مطمني انها معاك يابني اديهاني اكلمها بقي
رياض حاضر ثواني
راح رياض خبط علي