رواية مليونيرة والمغرور مكتملة لجميع فصول بقلم الكاتبه المبدعه إسراء إبراهيم

باب الاوضه
سيلا وهي بتقوم من النوم مين
رياض باستغراب مين ايه انتي نايمه في محطة مصر هو في غيري جوزك ياهانم
فاقت سيلا من نومها وهي بتقعد بسرعه وبتستوعب اللي حصل
فقالت ارحمني بقي الله يخربيت اليوم اللي شوفتك فيه
ردد رياض بتقولي حاجه يابت انتي
سيلا انتبهت لنفسها وقالت لا ابدا بتاوب
ابتسم رياض علي كلامها وقال طيب اطلعي كلمي ماما علي الفون
قامت سيلا جري وفتحت الباب وشاورلها رياض علي التليفون
وجريت علي التليفون فخدته منه وهي بتقول بلهفة مامي وحشتنيي يامامي اوي تعالي خديني يامامي عشان خاطري انا مش هقدر اعيش هنا اكتر من كده
ردت احلام وهي صعبان عليها بنتها
حاضر ياحبيبتي هاجي اشوفك بس مش هينفع ترجعي معايا بس هجيلك حاضر وعلي فكره رياض بيحبك
بصت سيلا علي رياض وهو بيحط الاكل بفرحه
سيلا بضيق بس انا مش بطيقو يامامي ومش عايزاه ولا عايزة اعيش هنا
ردت احلام ياحبيبتي مش هتلاقي حد يحبك قده ولا ېخاف عليكي زيه ادي لنفسك فرصه ياحبيبتي وانتي تشوفي وانا ممكن ابقي اتكلم معاه واقوله تيجو تعيشو معايا هنا
ردت سيلا بفرحه بجد يامامي بجد
احلام بحب اه ياروحي بجد بس مش عايزاكي تبقي عصبيه معاه عشان يوافق
سيلا بنرفزة حاضر يا مامي هحاول بس موعدكيش
ردت احلام بحنان طيب ياروحي انا هقفل دلوقتي ربنا ېهددي سيركم
قفلت سيلا الخط
سيلا بضيق انت يابتاع انت انا ھموت من الجوع خلصت الاكل ولا لسه
خرج رياض من المطبخ وهو شايل طبقين وحطهم علي الترابيزه وقال
اسمي رياض ابقي اسمعك تقولي يابتاع تاني
خاڤت سيلا من كلامه وقالت وهي بتحاول تتماسك ايه رياض ده بزمتك ده اسم
بصلها رياض وقال والنبي ما تتريقيش ده ارحم من اسمك
سيلا بصتله وقالت بتكبر وماله سيلا ياباابا
رد رياض وهو بيضحك وقال لا مقصدش سيلا اقصد اللي في البطاقه جرا ايه ياساميه
بصتله سيلا پصدمة وقالت بنرفزة مسمعكش تقول الاسم ده علي لسانك انا اسمي سيلا انت فاهم ولا لاء
ضحك رياض وهو بيخبط ايده في بعض وقال ده بقي بيبقي شكل الناس لما الواحد يواجهم بحقيقتهم
اتنرفزت سيلا ودخلت الاوضه ورزعت الباب وراها
قعد رياض علي التربيزة وهو بيضحك وبيقول بخبث طيب مش هتاكلي ولا ايه مش كنتي جعانه
مردتش سيلا عليه فاتنهد بحيرة
هايدي بخبث شكل سيلا وقعت واقعه جامده
هند بلا مبالاه معتقدش دي شكلها اصلا جوازة غريبة عشان حتي مكنش في اي فرح كبير انتي ناسية هي مين
هايدي بسرحان متعتقديش ايه بس يابنتي ده امها مرضيتش تديني حتي تليفونها شكلها مش عايزانا نعرف اللي هي بقت فيه
هند بحيرة تفتكري وقعت علي واحد مليونير
هايدي بسخرية اكيد دي مكنتش تقدر تستغنا عننا
هند بتفكير والله يابت ياهيدي لو كلامك طلع صح يبقي احنا طلعنا من المولد بلا حمص وقطعنا رزقنا بايدينا
هايدي بضيق ماانتي ياختي كان لازم يعني توريها اللايف
هند بضحك بقولك ايه انتي اللي قولتيلي اعمل كده متلبسنيش الحوار لوحدي انتي لما اتصلتي عليا وقولتيلي سيلا جيالك واعملي اللي انتي عايزة تعملي من زمان وانك هتطلعي لايف مخصوص عشان اوريهولها وتعرفيها انك مش طايقاها
هايدي بنرفزة طيب ياختي خلاص شوفي بقي هنعمل ايه معاها
هند بتفكير امممم بصي ياستي احنا نراقب بيت مامتها واكيد هتيجي تزور مامتها في اي وقت
هايدي بفرحة صح جدعه طيب وهنقولها ايه بقي لما تيجي
هند بخبث هنقولها ان مامتها
هي اللي طلبت مننا اننا نعاملها كده ونقولها انها هددتنا انها هتحبسها ومش هتخرجها واحنا خوفنا عليها وسمعنا الكلام عشان مصلحتها كده كده علاقتها بامها