إسكريبت رائع بقلم الكاتبه نانسي اشرف

ما يقرب واحد زميلنا ويرش عليهم ألوان كورت قبضتي وانا حاسس ان الډم بيغلي في عروقي ولاحظتها وهي مخڼوقة من الحركة وقبل ما يعملها مرة تانية كنت اتحركت ناحيته ومسكت ايده
_ مخلاص يا روش .. خلصنا بقا
_ مالك يا ياسين
_ روح العب بيها في حته تانية يا إسلام
ومشي بصيت ناحية صاحبتها ومبصتلهاش ابتسمت ليها
_ حصل خير هو غتيت طول عمره
ومشيت قعدت في مكاني وبدأ جو الفان داي كله بيكتب على تيشيرتات كله وواقفين بيهزروا مع بعض حتى عمر و عبدالرحمن كانوا بيتصوروا سوا ولا كأنهم كانوا مولودين على روس بعض من اول ما دخلوا الكلية.
فاجأة لقيت ايد ممدودة ب...
_ دي...
_ مانجا
رفعت عيني ناحيتها وانا مش مصدق قعدت جمبي وناولتني واحدة.
_ بس ب ١٢ مش ب ٤٥
_ انا عمري ما سمعت ان في مانجا ب ١٢
ابتسمت بثقة_ ماي سوبر باور
ابتسمنا لبعض وبصينا ناحيتهم وهم بيتنططوا ببهجة والالوان حواليهم.
اما انا بصيتلها وهي مش واخدة بالها
_ مخلتيش حد يكتبلك على التيشيرت ليه
_ انت مخليتش حد يكتبلك على التيشيرت ليه
_ اممم رد مقنع
اتنهدت وبصت في الأرض
_ مش بحب لحظات الوداع وجمل الفراق
_ لا أنا ماما هتغسله ف ليه بقا من الاول
ضحكت وطلعت أنا قلم من جيبي وكتبت على الكم بتاعي بخط واضح ورفعت ايدي
_ تتجوزيني
ابتسمت وعنيها بتلمع وضحكت وهي بدورها بتطلع قلم وبتكتب في نفس المكان على الكم عندها وبترفع ايدها
_ موافقة
ضحكنا احنا الاتنين في نفس اللحظة قبل ما الاقي عمر و عبدالرحمن و يونس جايين ناحيتنا ومعاهم ألوان وبدأوا يحتفلوا
ايه دا يا عبدالرحمن انت خدت اللون الأحمر ليه انا مش قولتلك دا بتاعي!
انت كنت راميه ولا عشان جه في ايد عبدالرحمن بقا سكر
هتبطل تقلدني امتا يالا
هتبطل جنون عظمة امتا يالا
وكالمعتاد.
_ بتعمل ايه يا ياسين
فتحت عيني بهدوء على صوتها وهي واقفة على باب الاوضة بصيت ناحية ايدي الي كانت شايلة التيشيرتين بتوعنا انا وهي وواقف قدام الدولاب ابتسمت ناحيتها
_ أبدا كنت بدور على القميص الرمادي
_ طب الغدا جهز
اتحركت ناحية الترابيزة وبوست يونس ابني وبصيتلها وهي بتقطع الطماطم وبتحضر السلطة حطيت دراعي على كتفها
_ الا الطماطم عاملة كام انهردا
_ جبتها ب ٢٠
_ ليه ما هي في كل حته ب ١٨
_ والله!
_ اضحك عليكي جامد
_ ليه انت كنت جايبها بكام
_ ب ٣٠
_ روح اقعد على التربيزة يا ياسين
_ النوع مختلف و ...
_ روح!!!!!!!!
_ حاضر.
ل نانسي أشرف