إسكريبت رائع بقلم الكاتبه نانسي اشرف

اما عمر قرب وحط ايده على كتفي اليمين
متيجي يسطا تصورني صورة جامدة احطها بروفايل للفيس بالأوت فيت الجديد
_ اوت فيت جديد ايه يا عمر دا انت لابسه من يوم ما اتفطمت
بطل حقد وغيره يا عبدالرحمن بقيت قد السلاية من أكلك في نفسك
يونس قرر يدخل معاهم
_ وياكل في نفسه ليه ما ناكل في ماك
لا هارت أتاك
انا عاوز أكل كبدة كلاب صعرانة
اتنهدت بقلة حيلة وانا بلتفت بعيني يمين لمحتها واقفة بتقفل الشنطة اتحركت ناحيتها
_ حليتي
_ مش أنا
ومشيت خطوتين فجريت واعترضت طريقها.
_ مش أنتي ايه
_ مش انا بتاعت حليتي روحتي كلتي شربتي اتخمدتي
_ مش انتي بتاعت الطماطم
_ ايوه وانت بتاع المانجا
ابتسمت حسيت اني فرحت اما لقيتها فكراني خدت نفس عميق وقربت خطوة
_ أنا كنت عارف انك دفعتي على فكرة
_ فعلا! انا بقا مكنتش اعرف انك دفعتي
_ يشيخة!
_ اه .. واتفضل افتحلي سكة عشان امشي
_ طب ممكن نروح ..
_ لأ
بصتلها بزهول واتحركت وانا ابتسمت قبل ما الاقيهم التلاتة حاوطوني
_ مالك بيها يا نجم
عڼيفة رقية ملهاش سكة
مفيش ست ملهاش سكة يا عبدالرحمن
لا في .. رقية
لا مفيش
انت حاطتني في دماغك ليه
من جمدان اهلك يالا حاطك في دماغي
وبدأوا يتخانقوا مرة تانية او عاشرة.
_ افتح معاها حوار لو دماغك مقلوبة كدا
بصيت ناحية يونس الي كان هو الوحيد الي سايب الخناقة وواقف جمبي
_ احنا بنتخرج يا ياسين ولو قدامك فرصة متضيعهاش عشان متفضلش ټندم عليها
_ ايوه بس دي مقفلاها عالآخر!
_ جرب حظك
في الحقيقة خدت خطوات كتيرة بعد اليوم دا لكن كلها كانت بتيجي بالفشل أروحلها مكان ما بتقعد تمشيني بعتلها ادد علقته بعتلها فولو ريكويست مقبلتوش سوقت عليها أمة لا اله الا الله وهي زي ما هي مبتتهزش.
انهردا الفان داي! يسلاااام بنتخرج مين كان يصدق العمر يجري بسرعة كدا.. ربنا ما يعيدها ايام والله
دا على اساس ان احنا طايقين خلقة الي خلفوك يعني
عبدالرحمن قولي انا كلت عشا امك وانا صغير
متجبش سيرة أمي يا عمر
سيب لياقة القميص الي شاريه جديد يا عبدالرحمن
دا قميص أخوك بتاع تالتة اعدادي أنت هتصيع
بصيت لنفسي في المراية ولبسنا كلنا تشيرتات الفان داي واتحركت انا ويونس ومشيوا ورانا هم الاتنين دخلنا المكان الواسع الي لم الدفعة كلها ڠصب عني لقتني بدور عليها
_ هناك أهي
_ هي مين
_ الي بدور عليها
_ مبدورش على حد يا يونس
_ يراجل ! .. طيب .. عموما هي واقفة هناك
_ رايح فين
كان بدوره بيبص ناحية واحدة زميلتنا وبيبتسم بحب
_ هجرب حظي أنا كمان
ابتسمتله واتمنتله حظه يبقى احسن من حظي ورجعت أبص ناحيتها كانت لابسة تيشيرت الفان داي وواقفة تهزر مع صاحبتها قبل