إسكريبت عمر و ليلي كامل بقلم الكاتبه إسراء جمال

ليك حرية الإختيار بس متحكمش عالحاجة من قبل ما تجرب.
يا جماعة مليش خلق!
مش يمكن لما تجربي تطلعي بتحبي الحوار
إنتو ناس مش طبيعية بجد.
إنتي اللي مش راضية تدي نفسك فرصة بس.
سكت وقررت متكلمش تاني ناس ديكتاتورية مش بيشوفوا غير رأيهم وبس هقضي ٣ أيام من حياتي بالإجبار يخربيت الذل اللعبة والعقاپ بيختلفوا كل مرة والله أعلم هيكون نصيبي في إيه!
اللعبة خلصت كده النهاردة لازم ننام علشان الصحيان بيكون الفجر.
سكت ومعترضتش أصلها جت على دي يعني
معترضتيش المرة دي يا ليلى يعني!
جت على دي يعني ما كل حاجة بتتعمل بالإجبار هنا.
نمت وأنا مغلوبة على أمري حتى زياد وعمر مش عارفة أتطمن عليهم ربنا يسامحهم كان زماني بتمتع ومبسوطة كنت حتى قعدت مع ذاتي نجلد في نفسنا أكرملي والله.
تصبحي على خير يا لولا.
إنتي هتصاحبيني ولا إيه!
ياستي ده الملافظ سعد.
وأنا مش طيقاكم كلكم واحد واحد.
مقبولة منك ياعسل بكرا تحبينا.
فضلت طول الليل أتقلب مكنتش عارفة أنام كنت بتخيل ياترى لو سلمى كانت معايا دلوقتي مش الحياة كانت هتبقى أخف مش كنت هلاقي اللي تشاركني عالأقل كنت هحس بونس حقيقي مش سهل عالإنسان يخسر حد كان عزيز عليه مش سهل إن الحاجة الوحيدة اللي كانت بتبسطنا تتاخد مننا فجأة كده!
فضلت سرحانة في التفكير لحد ما نمت على نفسي صحيت الفجر معاهم صليت الفجر وقرأنا الأذكار في الحقيقة كنت حاسة براحة نفسية بس برضه عاوزة أنام!
ليه
الفرهدة دي كلها وليه نصحا من بدري ما ممكن نعمل كل ده برضه متأخر مش هيقول لأ والله.
رياضة إيييه بقولكم ٤٧ كيلو هتخسسوني إيه تاني ياللي منكو لله.
الرياضة دي بتفرغي فيها طاقتك السلبية بتخرجي منها أحسن.
سيبوني أنا وطاقتي السلبية مونسين بعض مبسوطين مع بعض.
اللي متعملوش بالمزاج تعمله بإيه
أهو ده أكتر نظام ديكتاتوري شفته في حياتي.
وعلشان أنا ليا شخصية وبفرض رأيي كلامهم هو اللي مشي ولعبت رياضة.
ودلوقتي ميعاد أحلى فقرة في اليوم كله.
أوووه فقرة الفضفضة.
وأنا أفضفض معاكو ليه كنتوا بنات خالتي
شكلك عدوانية أوي يا لولا.
أيوة خلوا بالكو مني بقى.
بدأت البنات تتكلم كنت حاسة إنهم بيفضوا مشاعرهم في كلام الغريبة إنهم كانوا بيقولوا إنهم مرتاحين أنا عمري ما عرفت أفضفض مع حد طول عمري حاسة هكون تقيلة لو عملت كده حاسة إن هقفل الشخص اللي قدامي بيا وبمشاكلي ويمكن مني!
بخاف من نظرة اللي قدامي بخاف من كل حاجة بجد مكنتش بحكي لسلمى غير الحلو بس اللي في حياتي بخاف تزهق مني أو تمل.
مش هتشاركي معانا يا ليلى
أنا عمري ما فضفضت مع حد.
ياااه وبتشيلي كل حاجة لوحدك!
لأ بدعي ربنا بصل قيام ليل وأحكيله مش حاسة إن محتاجة أخلي حد من البشر يشيل همي تقيلة على قلبي أوي.
بس لو فكرتي فيها هتلاقي إننا ناس غريبة عنك ناس مفيش بينك وبينهم أى صلة هتشوفينا يومين كمان وخلاص يعني مش هيهمك نظرتنا فيكي.
وفي الحقيقة كلامهم أقنعني طول عمري بتمنى أحكي كل مشاكلي لشخص ومشوفهوش تاني يختفي من قدامي.
صاحبتي المقربة مكنتش معايا يوم خطوبتي ويوم كتب كتابي وكالعادة قفلت موبايلها كانوا بيقلولي إنها مش بتحبني بس مكنتش مصدقة ده كنت فاكرة لما أحكي الحلو هتحب إن مش بدوشها بمشاكلي بس ده عمل مشاكل أكبر كلكو عارفينها.
إنتو عارفين في كل الأوقات المهمة اللي بحتاجها فيها مش بلاقيها أنا كنت بحبها أوي الوحيدة اللي كان ليها فعلا تأثير عليا كنت بفضلها عن كل البشر كنت مدياها مكانة كبيرة أوي في حياتي متوقعتش
إنها تخذلني بالشكل ده ليه الحياة مش أسهل من كده ليه لما بنحب حد مش بيكمل معانا للآخر ويكون حلو ليه الظروف دايما هي الرد من كل حد بيمشي ويسيبنا كل اللي قربتهم من حياتي كان ده عذرهم هو مش المفروض إحنا أصحاب في كل الظروف ولا هما غيروها وخلوها على حسب الظروف!
ليه الناس متكونش سهلة مع بعض وتقدر بعض ليه منعاملش بعض بالطريقة اللي نحب نتعامل بيها كنا هنرتاح والله ببقى نفسي أقولهم سهلوها علينا علشان ربنا يسهل طلوع روحكو.
كلهم قعدوا يضحكوا على آخر جملة بس أنا من جوايا كان نفسي أنفجر.
ردود فعل الناس مش بإيدينا بس بإيدينا نختار ونعيد أولوية الناس في حياتنا من جديد يعني اللي يهتم بينا ويكون فعلا سوي نفسيا معانا يكون معانا دايما في كل الظروف مش على حسب الظروف يحبنا بصدق يقف جانبنا في طموحاتنا حتى لو مش مقتنعين بنجاحنا محتاجين نكتر من الناس السوية في حياتنا وجود ناس سوية وناجحة هيساعدنا ننجح أكتر اللي ميعرفش قيمتنا ده ليه نفضل نجري وراه ما براحته مسيره هيعرفها بس بعد فوات الأوان.
سرحت في كلامهم ليه فعلا مبعملش كده حواليا ناس كتيرة أوي عارفين قيمتي ليه ماسكة في سلمى وهي أكتر شخصية مش عارفة قيمتي ولا
بتقدرني ليه مهتمة بيها دونا عن الباقي أوقات بحس إننا ك بشړ بنحب المعاناة واللي يتعبنا ونبعد عن اللي مريحنا بنحب ناخد على قفانا كتير.
بس مش كل الناس وحشة ولا كل اللي عندهم ظروف فترة يبقو إتخلوا عننا لو الناس دي معانا دايما بس حصل موقف أو حتى اتنين منهم نعذرهم ونعاتبهم مش أى حد نسيبه ونبعد عنه كده هنخسر الحلو والۏحش سوا.
في الحقيقة يمكن الرحلة مكنتش على هوايا بس الرحلة أبصرت شئ جميل في نفسي وهو المحاولة مش دايما كل الطرق اللي هنبدأها هتكون محببة لينا وعلى مزاجنا أوقات بنحتاج نجرب حتى لو بالإجبار علشان نعرف إحنا فعلا مش حابين الحاجة دي ولا إحنا مجربناش علشان مجتش الفرصة
التلات أيام خلصوا تقدري تخرجي تقابلي أهلك وتقدري تمشوا لو حابة.
كان واحشني أخويا اوي وعمر وحابة أتطمن عنهم بس في الحقيقة قراري صدمهم كلهم.
عارف إنك زمانك مش طايقة نفسك دلوقتي.
بالعكس دي أحسن رحلة رحتها في حياتي كلها كانت بالنسبالي رحلة تعافي.
إنتي حبيتي الرحلة
وحابة أكمل الأسبوع هنا في الحقيقة أدركت حاجة مهمة أوي مش لازم دايما نرفض الحاجة من غير ما نجرب مش يمكن الحدوتة الجديدة تطلع أحلى!
وإنتي حدوتك الجديدة طلعت أحلى
بكتيير لو مكسبي الوحيد منها هو إنه واجهت نفسي ومشاعري وأدركتهم ف ده بالنسبالي كفاية.
طب والقديمة
لأ دي نركنها على جانب ناخد منها الحلو وبس.
ودربا لا نألفه يأخذنا لأجمل الدروب.