إسكريبت عمر و ليلي كامل بقلم الكاتبه إسراء جمال

وكل ما يجي طريق يمين وشمال ندخل مرة يمين ومرة شمال كنت حاسة إننا بنلعب فضلنا عالحال ده كتير وبرضه الشبكة مقفولة عالموبايلات كلها كنا هنتجنن ماهو ده علميا مستحيل يحصل.
والعمل إيه دلوقتي ده أنا كنت ناوي أمون العربية من البنزينة اللي جانب القرية.
نعم يعني البنزين كمان خلص!
للأسف بيفنش كله خلاص.
يا الله طب والحل إيه كده إحنا لا شبكة ولا عربية ھنموت لا محالة.
أنا مش فاهم حاجة من اللي بتحصل.
قعدت أعيط أدركت إننا كده في النهاية بجد الطريق مكنش عليه أى عربيات الموضوع كان مقلق مستحيل يعني حد يتحكم في الطريق..
إحنا مضطرين ننزل نتمشى لحد ما نلاقي مكان قريب أو أى بشړ.
قفلنا العربية اللي وقفت مننا ونزلنا نتمشى قعدت أعيط وأنا مش عارفة مصيرنا هيكون إيه!
تعبت من المشي بس مكنش فيه حل غيره ومكنش ينفع نتفرق عمر فضل يصل عالنبي كتير وقالنا إنه الصلاة عالنبي سحر وفيها حل لكل مشكلتنا فضلنا نصل عالنبي إحنا التلاتة وبرضه مكنش فيه أى حاجة بتتغير مشينا لحد ما لاقينا ظل حد من بعيد كان ظابط.
لو سمحتتت.
إنتو جيتو هنا إزاى
إحنا المفروض ماشيين طريق سفر والجي بي إس عطل مننا.
المفروض إحنا معطلين السيستم في المكان كله ومتنبه عالمحافظة كلها علشان فيه چريمة كبيرة بتتم لازم نقبض عليهم.
إحنا منعرفش أى حاجة عن الكلام ده.
يبقى إنتو مشتبه فيكو تبعهم.
مشتبه فينا تبعهم إزاى إحنا منعرفش حد.
لازم نتحفظ عليكم لحد ما نتأكد من ده.
مكنتش مستوعبة الصدمة اللي حصلتلنا.
فين عربيتكم
سيبناها عالطريق قدام فصلت بنزين خالص.
لازم تتفتش بالكامل.
ركبنا معاه عربيته مكناش فاهمين اللي بيحصلنا إحنا كده بنضيع بجد.
هي دي
أيوة.
العربية إتفتشت حتة حتة.
إيه ده
إيه!
عمر وزياد بصولي والشرارة بتطلع من عينهم كنت نفسي الأرض تنشق وتبلعني.
طبعا لو حلفتلكو إن ده سكر بودره علشان بحب أكله مع الكحك مش هتصدقوني.
وسكر البودرة محطوط في كيس بلاستيك صغنون ليه مش محطوط في الكيس بتاعه ليه
بص هفهمك أصل إحنا معندناش مقص أصل زياد أخويا ضيعه من أسبوع وهو بيقص البنطلون بتاعه اللي إتقطع من عالربة علشان يعمله شورت.
أفندم
جيالك في الكلام أهو إصبر ف حصل إيه فتحت الكيس بالسکينة ف إتقطع وبقى بايظ ف إضطريت أنقذ اللي باقي منه وحطيته في كيس بلاستيك صغنون بسكدا دي كل الحكاية.
طب وبالنسبة لإنه متدبس بالدباسة زى البودرة
ماهو بقى أنا نسيت أقول لحضرتك إن أن منظمة جدا وبخاف من النمل ف دبسته.
إنتو مقتنعين باللي هي بتقوله
والله يا حضرت الظابط أنا مع حضرتك إن كلامها مش مقنع أنا أخوها مقتنعتش بس هي فعلا هبلة ودي الحقيقة.
مش مصدقني طب هات الكحك وحطه عليه على فكرة أنا بعمل كحك حلو أوي متقلقش.
طلعتلنا منين دي بس!
دوق يا حضرت الظابط متتكسفش.
عمر وزياد كانوا بيبصولي وعينهم حمرا حسيت إن السچن في اللحظة دي أرحم من إنهم يسيبوني معاهم لوحدنا أنا لو كلت مال اليتيم مكنتش هتحط في الموقف ده.
إحم منورين.
إحجزوا عليهم وعلى عربيتهم لحد ما نكشف عاللي معاهم ده.
بيااااااخدني معاااه لأماكن عمري ما روحتها.
جايلك نفس تهزري
ماهو ظابط غريب برضه كنت هبقى كده يعني لو بشرب بودرة
أهو المشكلة إنك كده أهو كونك كده هو اللي أثبت التهمة عليكي أنا أخوكي وشكيت فيكي والله العظيم كلامك كلام حد عامل دماغ مش حد طبيعي بأمانة.
إيش تجصد بالكلام الماسخ ده
إنتو إزاى عيلة تافهه كده فوقوا إحنا في مصېبة.
الواد ده شكله نكدي ومينفعنيش.
واللي إنتي عملتيه ده اللي ينفع
مش عاجبك طلقنيي.
زياد خلي أختك تلم الدور