إسكريبت عمر و ليلي كامل بقلم الكاتبه إسراء جمال

علشان على أخري بجد مش كفاية معتبراني كيس جوافة.
وإنت تطول تبقى كيس جوافة إنت عارف الجوافة دلوقتي بكام علشان تقول كده!
يا مثبت العقل والدييين أنا رايح أترزع في أى داهية.
زودتيها مع الواد يا ليلى.
هو اللي أوفر.
هو برضه
مين يشهد للعروسة ما إنت صاحبه لازم تقول كده.
سابني هو كمان وقعد جانب عمر الرجالة نكدية أصلا ملهمش في الهزار ولا الفرفشة بيعشقووا النكد كده قعدت نص ساعة لوحدي وزهقت.
إحم.
عاوزة إيه
أنا جعانة.
وليكي نفس تاكلي وإحنا في الظروف دي! ده إنتي ممسوكة في قضية ممنوعات.
أموت نفسي يعني أعيش عالطاقة الشمسية
هو سؤال واحد إنتي باردة كده إزاى
وساعات روقااااني يغيظ.
أروح منك فين طيب هربت وسيبتلك المكان عشان متعصبش جيتي ورايا أتنيل أعمل إييييه!
ريللااااكس هدي أعصابك خالص يعني لو إتخانقنا هيحصل إيه يعني لو زعلنا علشان إتقفشنا زى المجرمين هيحصل إيه ما نتقفش أهو مغامرة جديدة حد يطول تجربة جديدة زى دي.
يا ولي الصابرين أنا قايم أقرأ سورة البقرة شكلهم مطولين.
إنت حافظ سورة البقرة كاملة يا عمورة
أه.
طب ممكن أقعد جانبك أسمعك وإنت بتقرأ مش هعمل حاجة تعصبك والله.
وأنا يعني أبو لهب اللي في وسطكو هاجي أقرأ معاكو.
قعدت جانب عمر وزياد كانوا بيقرأوها سوا كنت مبسوطة بيهم كنت حفظاها بس كان نفسي أسمعها من عمر وعندي فضول أعرف صوته حلو ولا وحش في القراءة من أحلامي إن جوزي صوته يبقى حلو في قراءة القرءان وقد كان!
عدى ٣ ساعات ومحدش جه تاني الموضوع يقلق.
إنتي متأكدة إنه سكر بودرة يا ليلى
أه والله.
الظابط ظهر بس أخباره مكنتش تبشر أبدا..
خد قوة وإطلع بيهم يا علي.
مكناش فاهمين حاجة خدونا في العربية بتاعتهم وقوة كبيرة أوي طلعت معانا..
إحنا رايحين فين!
مدام ركبتوا العربية دي يبقى تنسوا أى أسئلة وإدعوا ربنا يحصلكم معجزة تنجيكو.
هو الكيس طلع فيه إيه
سكر بودرة.
طب ماهو طلعنا برءاء أهو واخدينا ليه
برءاء والله مش صعبان عليا غير البنت دي شكلها غلبانة.
هو إحنا رايحين فين
رايحين مكان اللي يروحه مبيرجعش.
يعني إيه
دي حاجات بتتعاش مش بتتقال للأسف كل اللي أقدر أقوله إنكم محتاجين تدعوا ربنا كتير.
فضلت أردد الصلاة عالنبي
كتير أوي الطريق كان ساعتين سابونا قدام مكان مخيف جدا وسابوا ورقة في إيد كل واحد مننا ومشيوا.
إنتو رايحين فين
دورنا إنتهى لحد هنا.
طب وإحنا
إقرأوا الورق كويس قبل ما تقرروا أى قرار...
أنا خاېف أفتح الورق ده.
هيحطوا إيه فيه يعني إفتح يا عمر خلينا نخلص.
كل واحد فتح الورقة بتاعته وإتصدمنا قرروا يحطونا قدام الأمر الواقع..
أكيد بيهزروا.
إزاى هندخل جوا مع المجرمين
مش هما إتأكدوا إننا ملناش يد في الحوار بيعملوا معانا كده ليه مش فاهم!!
بعد تفكير وإعتراض كتير مكنش فيه قدامنا حل غير إننا ندخل كده ميتين وكده ميتين عالأقل جوا فيه أمل نلاقي حاجة تنقذنا..
هو ده اللي هنبدأ حياتنا سوا كان قصدك هننهيها سوا.
كفاية صياح يا ليلى أرجوكي إحنا على آخرنا مش ناقصين.
سكت وكتمت في نفسي مش عاوزيني كمان أبعبع باللي جوايا المكان كان هادي جدا على عكس ما توقعنا كان مختلف ومريح للنفسية هما ضحكوا علينا ولا إيه..
أكيد إتلغبطوا في المكان مستحيل مكان بالهدوء النفسي ده يكون لمجرمين!
ده أحلى من المكان اللي رايحينه.
رب ضارة نافعة.
إنت غبي إنت واختك كامب مجرمين يبقى أكيد معاهم فلوس ف لازم يطلع حلو كده.
تصدق صح دول أغنياء البلد.
يالهوي يالهوي إلحقوا.
فيه إيه
فيه حد قاعد هناك أهو هنتقتل بدري بدري.
إيه ده! ده ماسك كتاب!
أكيد كتاب عن السړقة
وهو فيه مجرمين بيقرأوا
الشخص بدأ يقرب مننا كان وشه بشوش جدا مستحيل