روايه غرام و بدر للكاتبة زهرة الربيع

عجبني في الدلاب ده هلبسو واجي
بدر قال تمام...متتاخريش وغرام خدت الهدوم ودخلت الحمام وبدر فتح التليفون وكلم بباه
محمود قال بلهفه وعصبيه شديده..انت فين يا زفت انت ..مش هتبطل التهور ده عايز تجلطني يعني
بدر قال بهدوء..بعيد الشړ عنك يا حوده فيه ايه مالك هو انا صغير لقلقك ده
محمود بعصبيه..مهو المصېبه انك مش صغير والمفروض تبقى فاهم حالة بنت عمك ومتعملش عمايلك دي
بدر قال بضيق...بابا غرام مش بس بنت عمي دي مراتي وانا مش هخليها ترجع المستشفى وكل الي في بالك تنساه طلاق مش هطلق
محمود عارف ان الټهديد والعصبيه مبتجبش مع بدر قال...طيب يا بدر الي عايزه هعمله المهم ارجعو احنا قلقانين عليكم ومماتك قلقانه
بدر قال بهدوء..طيب يا بابا يومين كده وهنرجع متقلقش سلملي على ماما وعصام وسحر سلملي عليها قوي لانها وحشاني بجد وقفل معاه واتفاجا بغرام واقفه وراه
غرام قالت ...شكرا كنت بتكلم مين بقى
بدر ابتسم وقال..يعني معرفتيش مين .وانتي واقفه بتتصنتي
غرام قالت بضيق...وهتصنت عليك ليه اصلا..على العموم انا خرجت بالصدفه من ساعت ما قولتلو عايزو يسلملك على سحر قوي لانها وحشاك
بدر ضحك بقوه لانو افتكر ان غرام لسه معندهاش فكره عن موضوع سحر قال...انتي غيرانه ولا ايه
غرام بصتلو بضيق وقالت بغيره بتحاول تداريها...واغير من مين..من سحر..على فكر لو مش واخد بالك سحر بقت مرات عصام صاحب عمرك وده سبب يخليك لو عندك ډم متبصلهاش اصلا
بدر ابتسم وكان فرحان انو شايفها غيرانه عليه قال..تؤتؤ فيه تلت اسباب مش سبب واحد..اولهم فعلا عصام..والتاني انتي ..انتي الي تكوني في حياتو مستحيل يشوف غيرك
غرام ابتسمت بفرحه معرفتش تداريها وقالت...طب والتالت
بدر قال بابتسامه...التالت بقى اهم من ده كلو ومحتاج وقت على مل تستوعبيه بس هقولك علشان ترتاحي..سحر طلعت ملك اختي 
بقلمي..زهرة الربيع
غرام اتسعت عنيها بشده وقالت بتهته...از ازاي ده..انت بتهزر ولا بتتكلم جد..ولا ايه
بدر قال..لا ازاي دي قصه طويله اققولهالك بعدين وبصلها كده من فوق لتحت وقال بضحك..ايه انتي قررتي ترحميني وتخلي السهره هنا ولا ايه
غرام ابتسمت وقالت...لا احنا خارجين يلا قبل الفيلم ما يبدأ
بدر قال پغضب مكتوم.... فيلم ايه الي يبدأ انتي عايزه تروحي ده
غرام بتحاول تضايقو قالت..اولا ده مش قميص نوم ده فستان سهره وحلو قوي وانت الي جايبو كمان
بدر پغضب ايوه انا جايبو علشان تلبسيه هنا على سهره على البحر لوحدنا مش علشان نطلع بيه وافرج الناس جسمك ادخلي
غيريه
غرام قالت بعند ...مش هغيره هطلع بيه
بدر راح ناحية الدلاب پغضب وجاب درس شيك جدا وطويل ومقفول وقال...خدي البسي ده يا غرام وعدي ليلتك على خير
غرام قالت بعند شديد..مش هغير..و بس فاجأها بدر لما شدها عليه وبقى يفتح سوستته الدريس الي لبساه وقال ...ر
غرام كانت بتحاول تبعدو وبتضربو بس طبعا ولا مأثره فيه واول ما نزل الفستان شويه قالت بسرعه...هغير هغيرو والله ...ابعد
بدر سابها وهيه خدت الفستان ودخلت الحمام بغيظ شديد وبدر ابتسم عليها
بعد شويه طلعت وكانت زي الحوريه بالظبط الفستان كأنو اتعمل لها طله انيقه وجذابه زي العاده وسابت شعرها على اكتافها وكانت طالعه جميله جدا
بدر كمان كان لبس وكان شيك جدا واول ما شافها اتنهد وقال...مفرقش كتير برضو مفيش حد هيشيل عينه من عليكي
غرام كانت متغاظه منو بس عجبها كلامو ابتسمت برقه ومسك ايدها وخرجو سوا وراحو السنيما ودخلو فيلم وقعدو واول ما بدأ الفيلم والنور اتقفل بدر حط ايده على ايدها بطريقه عفويه وغرام كانت ھتموت وتضحك
بدر شال ايده وفضل يسمع معاها وبيحاول يكون هادي بس غرام في نص الفيلم حست انو متوتر وبيحاول يهدى علشانها ڠصب عنها حست انها خاېفه عليه.. بصتلو وقالت ..
يلا نطلع الفيلم مش عاجبني
بدر كان ھيموت ويطلعو بس عرف انو هيه هتطلع علشانو مسك ايدها وضغط عليها ل برقه وقال...لو حابه تكمليه انا كويس
غرام سحبت ايدها براحه وقالت...لا هو مش حلو اصلا يلا بينا
وفعلا طلعو وبدر وقف في الهوا شوبه بيحاول يتنفس كويس غرام بصتلو بقلق وقالت بدموع...انا اسفه....ڠصب عني بحس اني عايزه اضايقك يا بدر انا فعلا مش طبيعيه مهو مهما اكون مضايقه منك مينفعش ااذيك كده انت كنت مش عارف تتنفس وانا..
بدر بص في عنيها بحب شديد وابتسم وقال...انتي بكلامك ده بتعذبيني انا مستهلش انك تخافي او تزعلي عليا يا غرام وبعدين انا زعلت انك مكملتيش الفيلم بسببي وقال باسف شديد...حتى دي مقدرتش اعملها علشانك
غرام كانت عايزه تقولو ان بنسبالها كفايه وجودو وانها منبسطتش بالفيلم وهو تعبان بس كرامتها مش مخلياها تسامحو بسهوله لازم ياخد عقاپو الكافي بالنسبالها
بدر قال بقولك ايه خلينا نروح نتعشى في مطعم اهو نعوض الفيلم بالاكل
غرام ابتسمت وقالت تمام وفعلا راحو مطعم شيك جدا وقعدو شويه ولسه هيطلبو اكل جاله الجرسون وقال ..حضرتك عربيتك بره مش مركونه كويس والناس مش عارفه تركن خالص
بدر استغرب لانو فاكر انو ركنها كويس بس