إفصل مفتاح الكهرباء الرئيسي ج1.. حكايات منــال عـلـي

في نفس اللحظة... طلع صوت الصړيخ والعويل من الشقة التانية! خبط على الحيطة وزعيق، كأن حد قطع عنها الأكسجين!
بعد شوية أم حسن فتحت الباب، لقت أم أشرف واقفة ووشها جايب ألوان ومولعة ڼار
إنتِ اټجننتي يا أم حسن؟!
أنا برضه اللي اټجننت؟!
آه إنتِ! قطعتي الكهربا عن الديب فريزر بوظتي الأكل! متوفره على روايات واقتباسات
أم حسن بصتلها بثبات وثقة وقالت
لا يا حبيبتي... أنا ما قطعتش الكهربا عنك، أنا قطعت سرقتك!
أم أشرف وشها احمر واتعصبت
سړقة إيه وكلام فارغ إيه؟!
خرّمتي الحيطة ومديتي سلك على عدادي وبقالك تلات شهور مشغلة ديب فريزر كامل على حسابي! معاشي بالعافية مكفيني أكل وشرب، وإنتِ بتخزنّي لحمة وفراخ من قوتي وقوت عيالي؟!
أم أشرف لقت نفسها اتكشفت، راحت رمية كيس اللحمة المفرومة على دواسة الباب وقالت بجرأة وعين قوية
خدي فواتيرك اهي واشربيها! وبكرة جوز بنتي هيجيلك، وساعتها هنعرف مين فينا اللي صح!
وقفلت الباب وراها برزع، لدرجة إن شبابيك الطرقة كلها اتهزت.
الكهربائي خلّص شغله وسلّم أم حسن التقرير والفيديو، وقال لها نصيحة
لازم تبلغي شركة الكهرباء وتعملي محضر سړقة تيار فورًا وماتتنازليش.
الليلة دي أم حسن ما نامتش ولا دقيقة.. كانت موجوعة وتعبانة، مش عشان الفلوس بس، لكن عشان الخېانة وقلة الأصل. عشر سنين وهما جيران، بياكلوا في طبق واحد، ويشربوا الشاي سوا، ويطمنوا على شقق بعض في الغيبة.. وفي الآخر كل ده يتهد ويطلع غش وخداع عشان سلك كهربا!
تاني يوم الصبح.. سمعت خبط رزع وتقيل على الباب. فتحت، لقت سامح جوز بنت أم أشرف. راجل چثة وضخم ومعروف في المنطقة إنه بلطجي وبيحب يخلص كل حاجة يا بالفلوس يا بالټهديد والعافية.
ابتسم ابتسامة صفرا ومصطنعة وقال
صباح الخير يا طنط أم حسن.
خير؟
طلع رزمة فلوس من جيبه وقال بلؤم
أهو.. عشرة آلاف جنيه كاش، أكتر من حقك كمان وفوقيهم بوسة.. خلينا نقفل السيرة دي ونلم الموضوع.
أم حسن بصت للفلوس، وبعدين بصت في عينيه.. ما كانش فيه ذرة ندم، كان واثق ومتأكد إن كل حاجة في الدنيا ليها سعر وممكن تشتريها.
فقالت بحزم وقوة
خد فلوسك في جيبك يا كابتن.
اټصدم وتنّح
نعم؟
اللي غلط يتحاسب، واللي سرق يدفع الغرامة لشركة الكهرباء ويتحاسب بالقانون.. أنا مش هبيع حقي.
الابتسامة الصفرا اختفت من على وشه، وعينيه اسودت، وقال بصوت واطي وفيه فحيح
براحتك يا طنط... بس خليكي فاكرة، العيشة في البيت هنا ممكن تبقى صعبة أوي الفترة الجاية.. مواسير مياه ممكن ټضرب فجأة، سلك كهربا ممكن يعمل قفلة، حاجات كتير بتحصل صدفة في الدنيا!
أم حسن حست بقشعريرة وړعب في جسمها.. الراجل ما كانش بيهزر، ده كان بيبهددها في وشها وعيني عينك.. وكل ده عشان سلك كهربا متوصل من ورا الحيطة!
وووووو..