معاشي ده بتاعي أنا… وانتي إصرفي على البيت! .. بقلم منــال عـلـي

صامت.
حمدي رجع البيت نفس اليوم بالليل.
لا راح رحلة ولا ركب مركب ولا اصطاد سمكة.
دخل الشقة وهو بيخبط برجليه بعصبية، ورمى الشنطة في الركن.
انتي فضحتيني قدام صحابي! قالها وهو داخل المطبخ. اضطرّيت استلف من عمرو عشان أدفع البنزين! ورجعت زي الأهبل!
كانت سعاد بتقطع خضار السلطة بهدوء، وعلى الڼار فراخ مشوية ريحتها تفتح النفس.
أنا ما منعتكش تروح. قالتها وهي مكملة تقطيع. انت اللي قررت تعيش لنفسك وبس.
بص للأكل وهو بيبلع ريقه.
طب هاتي العشا أنا طول اليوم ماكلتش.
مد إيده للطبق، لكن سعاد زقّته بعيد بسرعة متوفره على روايات واقتباسات
لا استنى بقى هنا الجزء الحلو. مسحت إيديها بالمنديل وبصتله مباشرة. احنا دلوقتي عايشين بنظام منفصل ماديًا فاكر؟
قامت فتحت التلاجة.
بص كويس. الرفين اللي فوق دول بتوعي الجبنة، الفاكهة، اللحمة، الزبادي. إنما الرف اللي تحت ده بتاعك.
حمدي بص للرف السفلي
نص بصلاية وبرطمان مستردة رخيص.
ايه العبط ده؟! اتعصب فورًا. انتي لازم تأكليني! أنا جوزك!
كنت جوزي طول ما احنا بنشيل سوا. ردت ببرود. دلوقتي انت مجرد راجل عايش معايا في نفس الشقة. وبالمناسبة، عليك نص فاتورة الكهربا والمية. الحسابات على الكومودينو اللي في الطرقة.
يا سلام! بقيتي حقودة أوي! صړخ فيها. أنا ضيعت عمري عليكي!
سعاد ضحكت بسخرية.
بجد؟ أنا اللي فاكرة إني طول السنين بشيل مصاريف الأجهزة والتشطيبات وتغيير عربياتك كل شوية وانت بتخبّي مكافآتك في حسابات محدش يعرف عنها حاجة.
حمدي اتوتر فجأة.
واضح إنه ماكانش متوقع إنها تعرف.
انتي عرفتي منين؟
أنا محاسبة يا حمدي. بعرف أحسب وأعرف اللي بتحاول تخبيه.
صوتها بقى ناشف.
انت افتكرت إنك تقدر تعاملني كده عشان متعودة أخدمك وأسكت. ده خلص.
بدأ أسبوع الميزانية المنفصلة.
حمدي حاول يعاند.
جاب أرخص مكرونة وسجق من العروض، لكنه أصلًا مايعرفش يطبخ.
أول ليلة حړق طاسة سعاد وهو بيحاول يعمل بيض.
انت بوّظت الطاسة بتاعتي. قالتها الصبح وهي بتبص للسواد اللي فيها. عليك ٣ آلاف تمن واحدة جديدة أو هخصمهم من تكلفة قعدتك هنا.
تكلفة قعدتي؟! قالها بعصبية وهو بياكل عيش ناشف. ده بيتي!
لا يا حمدي الشقة دي باسمي أنا، اشتريتها قبل الجواز. انت مجرد ساكن فيها. ولو فضلت تكسر حاجتي وتغلط فيا، هطلعك منها بالقانون.
تاني يوم، تليفون سعاد رن.
كانت أم حمدي.
يا سعاد انتي عاملة إيه مع ابني؟! بدأت الھجوم فورًا. حمدي بيقول إنك مموّتاه من الجوع وبتاخدي فلوسه! حرام عليكي الراجل طلع معاش!
سعاد حتى ما علتش صوتها.
خديه عندك يا طنط لو صعبان عليكي. خليكي انتي تصرفي عليه وتأكليه.
يعني إيه؟! انتي مراته!
وأنا مسؤولة عن نفسي. ابنك قال معاشه ليه لوحده، وأنا وافقت. اللي عايز يصرف على دلعه يتفضل.
وقفلت المكالمة.
من بعدها ولا حد من العيلة اتدخل تاني.
في يوم الأربعاء، سعاد