ساعه الحساب.. بقلم منــال عـلـي

واقف.
الشك في قلب سارة بقى ڼار، ولما اكتفت إن بروش جدتها الأنتيك اختفى هو كمان، البركان اللي جواها اڼفجر.
في الليلة دي، لما محمود رجع، استقبلته سارة زي العادة.. عشاء وضحكة صفرا، بس عينيها كانت أبرد من التلج. كانت بتخطط ل ضړبة تنهي الحوار ده كله.
بعد أسبوع، حماتها الحاجة سعاد عزمتهم بمناسبة ذكرى جوازها.
حودة، قول لماما إني ممكن أتأخر شوية عشان التقفيل في الشغل.. إنت عارف الحسابات والضغط!
طب بلاش تروحي أحسن؟ محمود قالها بنبرة فيها أمل إنها ماتحضرش.
لا طبعاً، ده أنا هجيلكم ب طلة ماتتنسيش! ابتسمت سارة وسابت محمود وهو مش مرتاح.
في العزومة، سارة وصلت متأخرة نص ساعة.. كانت عاملة فورمة شعر مبرزة رقبتها، وحاطة مكياج سموكي قوي.. بس المهم كان الذهب اللي لابساه الحلق الياقوت، البروش، القلادة، والغويشة.. كل الحاجات اللي كانت مختفية من علبتها!
فتحت الباب، ومحمود أول ما شافها اتخشب مكانه.. عينيه كانت هتقع على الياقوت اللي في ودنها.
مالك يا حودة؟ بتبصلي كده ليه؟ سألت سارة ببراءة.
لا.. أبداً.. أصلك زي القمر النهاردة، محمود اتهته ووشه بقى لونه ليمونة.
في الصالة، كانت الحاجة سعاد، وكريم ومراته هالة، وأصحاب العيلة قاعدين.
أول ما كريم شافها، الشوكة وقعت من إيده.. عينه زغللت من لمعة الذهب. سارة بصتله وضحكت ضحكة خفيفة خلت وشه يحمر ويسود.
لما جت لحظة التورتة، سارة حطت الشوكة وقالت بصوت مسموع
تخيلوا يا جماعة إيه اللي حصل معايا!
الكل انتبه، ومحمود حس إن الأرض بتتهز تحت رجله.
أنا لقيت الدهب بتاعي اللي كان مسروق.. ولقيته فين؟ في محل رهن في وسط البلد!
البيت كله سكت سكتة المۏت.. كريم وشه بقى شوارع، ومحمود الكاس في إيده كان هيتكسر.
محل رهن؟ حماتها سألت پصدمة وإيه اللي وداه هناك؟
ده اللي كنت بسأله لنفسي.. سارة بصت لمحمود مباشرة في حد دخل شقتنا و لطش حاجتي ورهنها.. حتى بروش جدتي مكسوفش يبيعه.
هالة مرات كريم قالت پخوف يمكن حد من الشغالين؟
لا يا حبيبتي، صاحب المحل بصمج الحرامية.. والمفاجأة إنهم كانوا جوزي وأخوه!
محمود حاول يلم الموضوع سارة، إحنا ممكن نفهمك..
تفهمني إيه؟ قطعت كلامه بحدة إنكم حرامية غسيل؟ سرقتوا ذهبي عشان سبوبة البيتكوين الفاشلة بتاعتكم؟
حماتها بدأت ټعيط ده بجد يا محمود؟
سارة كملت ببرود محمود خد المفاتيح، وكريم كان السمسار اللي بيبيع.. رجالة بجد!
محمود حاول يجرها من إيدها سارة، خلينا نتكلم في بيتنا..
مفيش بيت، قالتها وهي بتسحب إيدها أنا رفعت قضية خلع خلاص، والشقة اللي إحنا فيها ملكي ومكتوبة باسمي، تلم هدومك وتطلع منها دلوقتي.
كريم حاول يزعق إحنا عيلة واحدة!
العيلة مابتسرقش بعضها يا كيمو، بصت لحماتها والشقة اللي إنت وقاعد فيها إنت وهالة يا كريم، دي برضه شقة بابا الله يرحمه وهي باسمي..
قدامكم أسبوع وتفضلوها.. وروني بقى البيتكوين هيسكنكم فين!
لبست سارة شنطتها ووقفت عند الباب
بالمناسبة.. أنا رحت اشتريت ذهبي كله من محل الرهن.. وطلع تمنه أغلى بكتير من الملاليم اللي ختوها.. حتى في السړقة خايبين.
خرجت سارة في الهوا الساقع، وهي بتتنفس بعمق.. حاسة بۏجع، بس حاسة إنها حرة.
بعد أسبوع، غيرت الكوالين، ومسحت نمرهم كلهم.
أحياناً، عشان تبدأ صح، لازم تقص الضوافر اللي بتخربش في حياتك.. وسارة كانت عارفة إنها اختارت الصح.