ساعه الحساب.. بقلم منــال عـلـي

وقفت سارة متجمدة على عتبة أوضة النوم، مراقبة جوزها محمود وهو بيظبط الكرافتة قدام المراية وريحته قالبه المكان. بقلم منال علي
حودة، ماشفتش الحلق الياقوت بتاعي؟ اللي بذهب أبيض وماما كانت جيبهولي في عيد ميلادي التلاتين؟
محمود فضل يلعب في الكرافتة ولا كأنه سامع حاجة، حتى مابصش في وشها.
لأ، معرفش مكانه فين.. ليه؟ هو فص وملح وذاب؟ بقلم منال علي
سارة قربت من التسريحة وفتحت علبة الذهب.. وحواجبها اترفعت من الصدمة. في خانات فاضية مكان الغويشة واللسلسة، وحاجات تانية تقيلة كانت شايلاها للزمن.
غريبة.. ده مش الحلق بس اللي مش موجود.. صوت سارة كان بيتهز من القهرة متوفره على روايات واقتباسات
محمود لف أخيرًا ورمى نظرة سريعة على العلبة المفتوحة.
تلاقيكي إنتي اللي شيلتيهم في حتة ونسيتي، أو لبستيهم في فرح ورميتيهم في أي درج؟ صوته كان بارد برود مستفز، حتى لواحد دايما مشغول زيه.
يمكن.. هزت سارة راسها وهي بتقفل العلبة، بس قلبها كان بيتعصر.. الذهب ملهوش رجلين عشان يهرب لوحده. بقلم منال علي
محمود باسها بسرعة على خدها وقال
لازم أمشي، اتأخرت.. نبقى ندور عليهم سوا لما أرجع بالليل، قشطة؟
سارة هزت راسها آليًا، بس طبعًا محدش دور على حاجة. محمود رجع نص الليل ورمى جثته على السرير وهو بيتمتم إن اليوم كان مطحنة.
في الأسابيع اللي بعد كده، سارة لفت لسانها وسكتت.. وابتدت تراقب بس. لا عملت نمرة ولا واجهته بكلمة، عشان مكنش عندها دليل يمسكه.. بس عينيها كانت رادار شايف كل حاجة.
في يوم، كانوا معزومين عند حماتها على الغدا.. وهما قاعدين، سارة لمحت ساعة جديدة في إيد كريم أخو جوزها. ساعة براند غالية جداً، بمينا ضخمة وسير جلد شيك.. وكريم أصلاً عمره ما كان بتاع شغل ولا الفلوس بتعرف طريق إيده.
ساعة شيك أوي يا كيمو، قالت سارة ببرود وهي واقفة معاه في المطبخ بتعمل الشاي جديدة دي؟
آه، دي؟ كريم رفع إيده يتمنظر بالساعة وضحك بتبجح لسه واصلة من كام يوم.
شكلها تقيل أوي، إنت من إمتى بتجيب الحاجات الغالية دي؟
هز كريم كتافه وقال
السبوبة مشيت شوية.. دخلت في استثمارات وجابت همها.
في إيه لو مش سر؟ سارة سألت وهي بتحاول تبان قريبة فضولية مش أكتر. بقلم منال علي
آه.. في العملات الرقمية.. بيتكوين والحاجات دي، كريم اتهته وبان عليه التوتر.
آه، بيتكوين.. سارة قالتها ببطء دي مصلحة أوي، حتى محمود كان بيكلمني عنها قريب.
نعم.. نعم، ما إحنا دخلنا فيها سوا، كريم رمى الكلمة بسرعة عشان يقفل الكلام.
بعد شهر، كريم ظهر في عيد ميلاد والدته بموبايل أحدث موديل، وبعدها بجمعة واحدة كان بيحكي إنه دفع مقدم عربية زيرو.. وكل ده وهو موظف في شركة سارة عارفة كويس إن حالها