السم في العسل.. بقلم منــال عـلـي

أجيبلك مية؟
قال وهو متلخبط
حاسس إحساس غريب كأني مش أنا.
قام بالعافية وراح الحمام. بعد شوية سمعت صوت مية وكحة قوية.
قلبها وقع.
جريت على المطبخ الكبايتين لسه مكانهم.
الكوباية اللي شرب منها عصام اللي كانت أصلاً بتاعتها كانت فاضية تقريبًا.
أما كوبايتها هي كانت مليانة.
مسكتهم بإيديها المرتعشة شمّت مفيش ريحة غريبة.
بس الخۏف جواها كان بيكبر.
خرج عصام من الحمام وشه أصفر وعرقان.
قال بصوت ضعيف
نورا أنا تعبان جدًا. يمكن اټسممت؟
قعد بالعافية، ماسك راسه.
مسكت إيده كانت ساقعة جدًا.
قالت
أكلم دكتور؟
قال
استني شوية يمكن يعدي.
رجع نام بالعافية. نورا جابت له مية ودواء، وقعدت جنبه.
الوقت كان تقيل جدًا.
الساعة 9 حالته ساءت أكتر. رجليه ضعفت، وبدأ يرجع.
قال وهو بيحاول يهزر
يمكن العصير كان بايظ
نورا ما ردتش.
هي فهمت كل حاجة.
لو ما كانتش بدّلت الكبايتين كانت هي اللي في مكانه دلوقتي.
وقفت عند الشباك الدنيا برة عادية. ناس ماشية، عربيات كل حاجة زي ما هي.
بس حياتها هي بتقع.
هل الراجل اللي بتحبه حاول ېقتلها؟
دموعها نزلت بس مسحتها بسرعة.
سمعت صوته
نورا تعالي أنا خاېف.
لفت له شكله ضعيف جدًا.
قعدت جنبه ومسكت إيده
أنا هنا متقلقش.
بس جواها سؤال تقيل
تصدق قلبها ولا تصدق الست؟
فكرت تقول لحد؟
تحكي موضوع الست؟
لا محدش هيصدقها. ممكن يقولوا عليها مچنونة أو الأسوأ، يشكوا فيها هي!
قررت تسكت لحد ما الحقيقة تبان.
بعد شوية كان في المستشفى.
عصام على سرير، ومركب له محلول. وشه شاحب بس واعي.
بصلها وابتسم بالعافية
إنتي لسه هنا الحمد لله.
قعدت جنبه وقالت بهدوء
قولي بصراحة أكلت أو شربت حاجة غريبة؟
قال
لا غير اللي عملناه سوا والعصير.
وسكت شوية وقال
الدكاترة بيسألوا كتير في إيه؟
وبعدين غمض عينه وقال
أنا آسف لو خوفتك.
نورا كانت بتبص له مش عارفة هو صادق ولا بيمثل.
دخلت أم عصام المستشفى بسرعة، حضنت نورا وعيطت
إيه اللي حصل ده؟!
قعدت جنب ابنها وبتطبطب عليه شكلها حزين بجد أو يمكن بتمثل؟
الليل كان طويل جدًا.
نورا فضلت قاعدة جنبه وهو نايم تحت تأثير الدوا.
فضلت تفكر في كل حاجة حصلت بينهم.
نظراته اللي كان بيهرب بيها
الموبايل اللي كان بيخبيه
تفاصيل صغيرة بس بقت مخيفة.
الصبح جه تقيل والدنيا بتمطر خفيف.
دخل دكتور وقال بجدية
التحاليل ظهرت ده ټسمم بمادة خطېرة.
نورا قلبها وقف
إزاي؟!
قال
المادة اتحطت عمدًا مش صدفة.
ولازم نبلغ الشرطة.
نورا بصت لعصام ما بقاش الشخص اللي تعرفه.
همست
عصام
فتح عينه بصعوبة وقال
والله ما عملت كده سامحيني.
بعد شوية، جه ظابط.
قعد مع نورا لوحدهم وهي حكت له كل حاجة، حتى موضوع الست.
متوفره على روايات واقتباسات
قال
يعني إنتي بدّلتي الكبايتين والسم كان في كوبايتك؟
قالت
أيوه.
سكت شوية وقال
يبقى في حد كان عايز يقتلك.
رجعت الأوضة
عصام ساكت، بيبص للسقف.
وأمه قاعدة جنبه، عينيها حمرا من العياط.
قامت حضنت نورا وقالت
يا نورا الدكاترة قالوا إيه؟
خير يا حماتي أدعي له يمر بيها بسلامة
بقلم منال علي
قالت نورا بصوت واطي، وۏجعها باين في كل كلمة
إحنا حلفنا لبعض قبل الجواز إن مفيش بينا أسرار صح؟!
رد عصام وهو موطي عينه ووشه