البيت أولي.. بقلم منــال عـلـي

كريم! شايف مرتك بتعمل إيه؟
ريهام قالت بحزم مش هندفع مليم.. ولو محتاجة فلوس بجد، انزلي اشتغلي.
فيفي مشيت وهي بتدعي عليهم.
يوم الجمعة، حماتها دخلت البيت بوش مكشر يا كريم يا ابني، أنا قلقانة على أختك، بتقول إنك سيبتها في محنتها.
ريهام دخلت المطبخ بهدوء، حماتها كملت بلقم العيلة أهم حاجة يا ابني، الأخت واحدة لكن الزوجات كتير!
ريهام سمعت الكلمة وډمها غلي، طلعت وقالت معلش يا طنط، تقصدي إيه؟
حماتها ردت بقسۏة قصدي إنك مانعة ابني يساعد أخته الغلبانة!
ريهام ردت بذكاء أنا بمنعه يصرف على واحدة قادرة تشتغل ومش عايزة، والبيت هنا أولى بقرشه.
إياكي تتكلمي عن ولادي كدة! كريم بيكسب دهب!
بيطلب سلف مني نص الشهر يا طنط! وتعبت من شغل البيت وبره البيت!
حماتها بصت لها بقرف وأنتي محتاجة فلوس ليه أصلاً؟ ده أنتي حتى أم فاشلة ومرمية بنتك عند أمك طول الوقت عشان الشغل!
ريهام اټصدمت والدموع فرت من عينها أنا أم فاشلة عشان بساعد ابني؟ والست الجدعة هي اللي تقعد تشحت من أخوها؟
في اللحظة دي، دخلت أم ريهام وسمعت كل حاجة.
أهلاً يا ست الكل.. أم ريهام قالت بثبات. بنتي اللي بتقولي عليها فاشلة دي، شايلة ابنك وشايلة بيتها من وهي في الكلية، وعمرها ما مدت إيدها لحد. بتسيب بنتها عندي؟ أيوة، عشان بنتي بتكافح، مش بتدلع زي بنتك!
حماتها اتضايقت ده مش واجبي أشيل عيال حد!
أم ريهام ردت بقوة ولا واجب بنتي تصرف على بنتك! بنتك تروح تشتغل وتعتمد على نفسها!
كريم كان واقف والكل باصص له.. رفع راسه وقال أمي.. ماما ريهام عندها حق. ريهام مش أم وحشة، دي أحسن ست شافت عيني، وأنا اللي كنت غلطان إني سكت.
حماته اټصدمت إنت بتقول إيه؟ مراتك عملت لك إيه؟
عملت لي بيت يا أمي.. وفيفي لازم تشتغل. أنا اخترت بيتي وعيلتي خلاص.
حماتها لمت شنطتها وزعقت ماشي يا كريم، اختارها واشبع بيها، متبقاش تيجي ټعيط!
وخرجت رزعت الباب.
بعد سنة..
كريم اترقى، وريهام كملت نجاحها، واشتروا شقة ملك.
فيفي لما لقت مفيش فايدة، نزلت اشتغلت في حضانة وبدأت تعتمد على نفسها.
ريهام بصت لكريم بامتنان كنت خاېفة حياتنا تقف من غيرهم.
رد وهو بيشيل مريم بالعكس، الحمل خف والدنيا بقت أحلى.. إحنا عندنا بعض، وده كفاية.