البيت أولي.. بقلم منــال عـلـي

رجعت البيت بليل، بس من أول ما حطت رجلها حست إن الجو مكهرب.
كريم كان قاعد في المطبخ، قدامه طبق مكرونة مسلوقة وشوية صلصة معمولين كروكي.
أهلاً.. لسه فاكرة ترجعي؟ انبسطتي؟
حطت مريم على الأرض وقالت بهدوء كريم، أنا كنت بشتغل، قايلة لك عندي ميتنج مهم.
آه شغل! قاعدة عند مامتك تشربي شاي وتدفي، وأنا اللي أطبخ وأتعب بعد شغل يوم كامل!
انفعلت وأنا مكنتش بلعب! أنا كمان بشتغل وبشيل في مصاريف البيت! النهاردة مضيت عقد كبير وكنت جاية أفرحك بالفلوس اللي هتدخل لنا!
مش فارق معايا عقودك لو مفيش لقمة تتاكل في البيت! زعق بحدة الست ملهاش غير بيتها، تطبخ وتربي.. ده الأصل! متوفره على روايات واقتباسات
مريم خاڤت وقعدت تصرخ. ريهام شالتها وهي بتغلي ماشي.. هقعد في البيت. بس وريني مرتبك ده هيعمل إيه؟ ده بيخلص يوم ١٠ في الشهر، والباقي بنجيبه منين؟
هنتصرف!
هنتصرف إزاي؟ زي ما بتتصرف مع فيفي وتديها نص مرتبك كل شهر وإحنا أولى بالمليم؟
كريم وشه احمر وزعق إياكي تجيبي سيرة فيفي! دي ملهاش غيري!
وأنا وبنتك؟! مش بتعب زيك وأكتر؟ عمرك قمت لها بليل؟ طبخت مرة وأنا بشتغل؟
أنا كمان بشتغل طول اليوم!
بكام؟! صړخت پقهر. بالملاليم اللي بتروح نصها لأختك؟ وأنا اللي شايلة الشيلة كلها لوحدي؟
كريم ساب البيت ورزع الباب وراه.
بليل رجع وكان شكله مش مظبوط، رمى نفسه على الكنبة بجزمته ونام. الصبح، صحيت ريهام على ريحة قهوة. كريم كان واقف بيحضر فطار وباصص في الأرض بكسوف.
ريهام حقك عليا، اتعصبت زيادة امبارح.
سكتت وهي بتأكل مريم.
أنا عارف إنك بتتعبي.. وإن أغلب فلوس البيت منك.. بس أنا بضايق من نفسي إني مش قادر أقوم بدوري كراجل للبيت. بقلم منال علي
بصت له ولقيت صوته فيه صدق بتضايق من نفسك وتطلع غلك فيا؟
عارف.. وده غلط.
سكتوا شوية، وبعدين قالها إنه قابل صاحبه سيد وشاف له شغلانة مشرف أمن بمرتب ضعف اللي بياخده، ويوم شغل ويومين إجازة.
بجد يا كريم؟
آه والله، وعندي مقابلة بكرة.. ولو اتقبلت، هخفف عنك الشغل شوية وتتفرغي لمريم.
وطيب وفيفي؟
هتصرف معاها.. متقلقيش، بيتي وبنتي أولى.
ريهام حست إن قلبه بدأ يلين، وبالفعل اتقبل في الشغل، والمرتب بقى أحسن، والجو في البيت هدي.. بس الحلو مبيكملش.
آخر يناير، فيفي ظهرت تاني بموال التهاب رئوي للولد، كريم دفع ٥٠٠٠ جنيه. بعدها ب ١٥ يوم أصل الورق ضاع، دفع ١٠ آلاف. بعدها مصاريف حضانة، جزمة، فاتورة مية.
لحد ما في يوم، فيفي دخلت بدموع تماسيح إلحقني يا كريم، ابني وقع وجاله ارتجاج ومحتاجة ١٠ آلاف جنيه فوراً!
ريهام طلعت من المطبخ فيفي.. وريني التقرير الطبي بتاع المستشفى.
فيفي اتلخبطت تقرير إيه؟ أنتي مش مصدقاني؟
بصراحة لا.. بقالك ٣ شهور كل يوم بحكاية، ولو ابنك تعبان بجد كنتي جريتي بيه على المستشفى مش جيتي تطلبي فلوس.
فيفي زعقت يا