لوي دراع بقلم منــال عـلـي

رسالة تم إيقاف المصاعد للوحدة بسبب نشاط غير مصرح به. الأمن في طريقه إليكم.
السيستم مبيجاملش
باهر فضل يضغط على الزرار وجيهان وشها جاب ألوان. هنا وشها اصفر لما أدركت إن دي مش شقة بابا اللي كانت بتدلع فيها.. دي منطقة ليلى الخاصة.
جيهان زعقت في باهر انزل بالشنط من على السلم! إحنا هنقعد نستنى
فايزة شهقت يا اختي 22 دور ده أنا ركبي بتخبط في بعضها!
قلت لهدوء يا مدام جيهان السلم عليه كاميرات وحركة العفش عليه ممنوعة.. إنتوا كدة بتورطوا نفسكم أكتر.
هنا قربت بتمثيل ليلى حبيبتي والله ما كنا نقصد..
قاطعتها محدش يقصد يمد إيده على خصوصياتي يا هنا. إنتي استغليتي كرمي وغدرتي بيا.
جيهان لوت بوزها كبرتي وبقيتي تعملي علينا أبلة الناظرة ده أنا اللي مربياكي!
رديت عليها ومش عشان ربيتيني يبقى تملكي حياتي.. ده بيتي بقوانيني أنا.
الباب خبط.. أستاذ رفعت مشرف الأمن وصل ومعاه التابلت.
يا بشمهندسة ليلى السيستم مدي إنذار بنقل عفش غير قانوني.. في مشكلة
بصيت لجيهان وقلت لأ يا أستاذ رفعت مفيش نقل عفش.. دول ضيوف والزيارة انتهت. لو سمحت افتح الأسانسير عشان يمشوا وساعدهم ينزلوا الحاجة اللي شالوها مكانها تاني.
جيهان اټصدمت عايزة تطردينا قدام الأمن يا ليلى
قلت بوضوح أنا بحمي بيتي.. اتفضلوا.
فايزة سابت سبت الهدوم فورا وباهر رجع الشواحن مكانها وهو بيبص في الأرض. جيهان رمت نظرة أخيرة كلها غل ماشي يا بنت نصار.. ابقي شوفي مين هيسأل فيكي بعد كدة.
مشيوا والباب اتقفل. الشقة هديت تماما. استندت على الباب وخدت نفس طويل. دخلت لغيت كل أكواد الدخول اللي معاهم وغيرت باسورد الوي فاي والقفل الذكي.
تاني يوم جالي رسالة من جيهان طلعتي واطية وبتاعت مصلحتك.
ورسالة من هنا أنا حامل وكنت محتاجة لك بس طلعتي قاسېة.
رديت بجملة واحدة أنا مش قاسېة أنا بس بقيت بحترم حدودي.. والسيستم مبيجاملش حد.
فات أسبوعين والهدوء رجع لحياتي. قعدت في أوضتي الماستر بصيت للنيل من ورا الشباك
وشربت قهوتي بسلام. الحدود مش جفاء ...
الحدود هي اللي بتخلينا نحترم بعض..
حتى لو كان اللي قدامك مرات أب
فاكرة إنها تملكك.