البنت الجميله و السحر بقلم جمال الحفني

كنت هقول إنها ھتموت تحت إيده لدرجة إن الشيخ كان بيتعب وتخور قوته وهي هادئة وديعة مبتسمة كإن محدش لمسها ولما الشيخ احتار معاها قالهم أنا عملت كل اللي عندي حاولوا تجيبوا شيخ أقوى مني ويارب يقدر على اللي معاها.
بعد الحاډثة دي بأيام قليلة البنت اختفت وخرجوا يدوروا عليها في البيوت اللي جمبهم والشوارع بدون فايدة اختفت فجأة حتى صحابها والقريبين منها كلهم قالوا مشوفناهاش.
وفي اليوم التاني صحيت لقت نفسها في بيت غريبة في مدينة تاني ومكانتش عارفه هي فين أو جات إزاي وبعدها اتصلت بأهلها وقالتلهم مكانها وراحوا جابوها.
جابوا شيخ تاني أقوى من الأول وبدأ يقرا عليها ويضربها برضو بدون فايدة.
أمها بتقول بنتي شعرها طويل كان يلف إيده على شعرها ويرميها من الحيطة دي للحيطة دي كان بيمسح بيها الأرض والحيطان بدون فايدة برضو الشيخ مصر إنه يخرج منها والجن مصر إنه مش هيخرج وبعد عدد من الجلسات حصل اتفاق بين الشيخ والجني الجني مش هيخرج منها وهيسيبها تعيش في سلام بدون أي أذى والشيخ مش هيضربها ويإذيه تاني.
لحد ما جي اللي أقوى من الشيخ والجني الحب وبعدها الحكاية خدت منعطف تاني خااااالص.
الغريب إن البنت كانت بتعرف اللي هيحصل في المستقبل القريب فتقولهم مثلا إن فيه عريس هييجي يتقدم لأختي خلال اليوميين الجايين عريس طويل ولابس نضارة مثلا أو عريس قصير وشعره خفيف والغريب إن كلامها كان بيتحقق بالحرف.
وأحيانا كانت لو زارتهم واحده تروح تقول إن الست دي حامل في الأسبوع الأول مثلا أو التاني والست نفسها مبتكونش عارفه لإنه حمل جديد ولما تسمع وتروح تعمل تحاليل حمل بتلاقي نفسها حامل فعلا وفي نفس المدة الزمنية اللي اتقالت.
لحد ما في يوم اتعرفت على شاب وقربوا من بعض وارتبطوا على الرغم من إنها حكتله كل مشاكلها لكنه أصر يتجوزها واتجوزوا فعلا.
بدأ الجن اللي معاها يعود للمشاكل القديمة ويصيبها بتوهان وعزلة ومحاولات الهروب ولما جي الشيخ وقالها عايزة تهربي فين قالتله عايز ياخدني يعلمني السحر في مغارة هاروت وماروت.
كانت بتترجى الجن يسيبها في حالها لأسرتها وزوجها ومفيش فايدة أنجبت طفل والمشاكل مازالت مستمرة وحالتها اتطورت لا بتقبل أبوها ولا أمها ولا جوزها ولا ابنها.
انفصلت عن زوجها ورجعت بيت أهلها وهو كان يزورهم هو وابنها من فترة للتانية وأحيانا كان يخلي ابنها يبات عندهم مكانتش تعرفهم وكانت تسأل أمها مين اللي بييجي يزورنا كتير دا أمها تقولها دا واحد قريبنا مراته مريضه فبيجيب ابنه عشان نراعيه ونهتم بيه.
أهلها مستسلموش برضو وتقريبا كل شيوخ الدولة زارتهم وحاولت معاها لكن بدون فايدة لحد ما ربنا أرسلهم شيخ قوي خبير في الحالات المستعصية دي الشيخ حاول يلاقي اتفاق ودي مع الجن لكنه رفض كالعادة وبدأت رحلة العلاج.
كل يوم بالساعات ما بين قران وضړب وسحل والموضوع دخل في العناد بين الشيخ والجن لدرجة إن الشيخ بقى يبات عندهم وبعد أيام عصيبة ما يعلم بيها إلا الله الجن قرر يخرج وبلغ الشيخ بكدا لكن مصدقوش وقاله محتاج دليل أو علامة على إنك سبتها.
قاله هتركلك الدليل في نفس الطريق اللي هي مرت فيه قبل كدا وكان السحر مرمي فيه في فجر يوم كذا هتلاقي هناك ظفر حيوان معكوف وبالفعل راحوا في الميعاد دا ووجدوا ظفر الحيوان.
وأمها بتقول من وقتها وبنتي بقت كويسة ورجعت لطبيعتها وبيتها بعد سنين من الألم والمعاناة.
انتهت
قصة حقيقية ..
لو خلصت قراءة ياريت تكتب تم
ومتنساش تعمل متابعة عشان يوصلك كل جديد.
جمال الحفني