البنت الجميله و السحر بقلم جمال الحفني

بنت جميلة كانت راجعة من كليتها عادي وفي تقاطع من تقاطعات الطرق كان فيه سحر مرمي على الأرض ومكانتش هي اللي مقصودة بيه وللأسف جي فيها هي..
مين رمى السحر
وإزاي كان بالغباء والقسۏة في نفس الوقت إن يرميه في الشارع للي رايح وللي جاي
وهل كان متابع المشهد بعينه مثلا ومنتظر الشخص المقصود ولما لقى شخص غلط حاول يمنعه ولالا
محدش يعرف ..
كل الأسئلة دي محدش يعرف إجابتها أهلها فقط عرفوا المعلومة دي بعد سنوات من العلاج.
وصلت البيت وبالليل بدأت تحس بصداع شديد جدا في رأسها رأسها كانت تقيلة جدا على جسمها والصداع دا كان ملازمها طول الوقت زيه زي ظلها بالظبط دا غير الكسل والخمول وعدم القدرة على الحركة لحد ما الموضوع وصل لملازمة الفراش دائما.
أهلها لما شافوا حالتها اللي بتسوء يوم عن التاني قرروا يروحوا بيها لطبيب ولمدة فصل دراسي كامل بيلفوا بيها على الأطباء ومفيش أي حل ولا حد عارف يشخص المړض أو بمعنى أصح كل واحد يقول كلام مختلف ويمشوا على العلاج اللي كتبه وبرضو مفيش فايدة وفيه منهم اللي قال صراحة إن مفيهاش أي مرض عضوي.
بعد العطلة الصيفية الحالة بتاعتها بدأت تاخد منحنى خطېر ومختلف يعني مثلا بقت تخرج من البيت وتمشي بالساعات وهي مش عارفه رايحة فين أو خرجت ليه ولما ترجع البيت وأمها تسألها كنتي فين تقولها كنت في البيت معاكوا أنا مخرجتش.
ولما الموضوع اتكرر وزاد عن الحد فكروا يمنعوها من الخروج بالعافية لكن الفتاة الضعيفة وقتها كانت بتتحول قوتها لقوة ألف رجل ومحدش يقدر عليها أو يمنعها من الخروج.
وللأسف خروج متكرر مع حبس نفسها في غرفتها مع توهان لدرجة إن أحيانا كانت تسأل نفسها هي مين أو مين اللي بيعيشوا معاها دول وكانت بتردد جملة واحدة لما يلحوا عليها في الأسئلة وتقولهم عاوز ياخدني أعيش معاه ولما يقولولها مين دا تقولهم معرفش.
الموضوع دخل في الروحانيات والأهل والجيران بعد ما قصتها اتعرفت نصحوا أبوها يجبلها شيخ وبالفعل أحضروا شيخ يمكن يكون العلاج على إيده ويحل اللي معرفوش الدكاتره يحلوه.
الشيخ جي والعائلة كلها مجتمعة حواليها أبوها وأمها وعمها واخواتها البنات وبدأ الشيخ يقرأ عليها وبالتدريج بدأت تغضب وتحاول تهاجم الشيخ وتضربه أو ترمي القران اللي ماسكه في إيده ونبرة صوتها تتغير لنبرة رجل ويقول لن أخرج منها أبدا
الشيخ قالهم إن تليسها جن شرير وقالهم هحاول إخراجه لكن من بعد زيارة الشيخ دي وحالتها بقت أسوأ مما قبل ولما كانت تحاول الخروج ويسألوها رايحة فين تقولهم عاوز ياخدني عشان يعلمني السحر وكان فعلا عاوز يعلمها السحر وكانت بتردد الجملة دي كتير الشيخ جي مرة واتنين وتلاته لكن كلهم كانوا بدون فايدة.
أمها بتقول والله كان يضربها ضړب لدرجة إن