اسكريبت زوجي و لكن كامل و حصري على موقع أيام نيوز

طب هو ينفع عروسة قمر وبالطعامة دي متكونش موجودة في الدنيا
شهد بجد شكلي جميل وأنا عروسة
أمجد أجمل عروسة في الدنيا معقول النهاردة يوم فرحك مش متخيل ان بابا عملها بسرعة كده.
شهد لا أنا كنت عارفة إنه هيعمل كده.
أمجد هروح اكلم محمد بيه واشوفه اتأخر ليه.
شهد ريح نفسك لسه بعتاله رسالة ومردش عليا.
أمجد يا لهوي على الكسفة العروسة هي اللي بتقول للعريس تعالى خدني من الكوافير.
شهد بابتسامة صفراء شفت المرار اللي أنا فيه.
وفجأة جريت ناحيتهم بنوته صغيرة عندها 17 سنة ولابسة فستان يديها أكبر من سنها.
أمجد مالك ياعسل الجميل بيجري ليه
نسمة العريس جه.
شهد أهو شرف البيه.
أمجد بس خلاص.
بصت شهد على التليفون ولقت محمد هو اللي بيرن عليها.
استغربت من اتصاله وأخدت التليفون وبعدت عن كل اللي حواليها عشان ترد عليه.
محمد مبروك يا شهد ولا أقول يا سيادة الباشمهندسة.
شهد ده انت متابع بقى.
محمد وهو بيضحك أنا بقالي 3 أيام بايت جوه الموقع تقريبا.
شهد يعني انت موافق إني أدخل الجامعة وأكمل تعليمي.
محمد أنا ولا مرة قلتلك إني هقف قصاد حلمك وامنعك تكملي تعليمك انتي بس اللي دايما شايفاني بصورة وحشة.
شهد يا ريت مكانتش حصلت الجوازة دي وكنت فضلت بنت عمك اللي بتعزها وتحترمها اللي حصل ده بوظ كل حاجة ما بيننا.
محمد وهو بيحاول يتخطى الكلام اللي هي بتقوله مقلتليش بقى عايزاني اجيبلك ايه هدية للتفوق وتعبك في المذاكرة.
شهد بتأثر مش عايزة حاجة شكرا.
محمد بس أنا مصمم إني اجيبلك هدية هتقولي انتي ولا أختارلك على ذوقي.
شهد لا اختار على ذوقك مع السلامة.
في أول السنة الدراسية الجديدة لبست شهد الفستان اللي بعتهولها محمد هدية النجاح وكان فستان شيك وجميل جدا وهي حبته أوي بس ما قالتلوش على كده ومن ساعة آخر مكالمة ما بينهم لا هي كلمته ولا هو كلمها تاني.
راحت شهد الجامعة وبدأت تدور على مكان المدرج اللي هتحضر فيه أول محاضرة بس فجأة في شاب في سنة رابعة وقفها.
حسن السلام عليكم معاكي حسن من اتحاد الطلبة اتفضلي.
شهد هو ايه ده
حسن ده إعلان رحلة بداية العام الدراسي.
شهد رحلة ايه هي لسه السنة الدراسية ابتدت إحنا لسه بنقول يا هادي.
حسن انتي لسه طالبة في سنة أولى صح كده.
شهد ايوه أنا لسه سنة أولى.
حسن يبقى عشان كده لسه مش فاهمة النظام إحنا بنعمل رحلة في أول السنة الدراسية قبل ما نبتدي نخش في المعمعة والكلاكيع والمشروعات اللي لازم نقدمها قبل الامتحانات وبعد كده بنعمل رحلة تانية بعد امتحانات نص السنة.
شهد بابتسامة أه كده فهمت.
حسن هتلاقي رقم مكتوب في ورقة الإعلان لو وافقتي انك تطلعي الرحلة ابعتيله وهو هيدخلك الجروب اللي هيبقى موجود عليه كل التفاصيل اللي محتاجة تعرفيها.
شهد خلاص ماشي ربنا ييسر.
في البيت..
سامح مستحيل ايه اللي انتي بتقولي عليه ده أوافق على ايه.
شهد وحياتي يا بابا أرجوك وافق.
سامح انتي اټجننتي عايزاني أوافق انك تروحي رحلة وتقعدي فيها 3 أيام ولوحدك ده أنا بيبقى على عيني لما بتروحي تباتي في شقتك اللي هي يا دوبك خطوتين من هنا أقوم اسيبك تروحي آخر الدنيا وتسافري وتباتي لوحدك ده مستحيل.
شهد يا بابا عشان خاطري انت عارف السنة اللي فاتت أنا تعبت فيها إزاي وإزاي كنت مضغوطة بسبب المذاكرة والدروس ومخرجتش طول السنة اللي فاتت تقريبا.
عشان خاطري يا بابا وافق ان أنا اروح الرحلة دي أنا نفسي اخرج واشم هوا وعايزة اروح الرحلة دي أوي.
سامح أنا قلت لا يا