اسكريبت حواديت مريم و أدهم كامل بقلم الكاتبه مريم وليد

يعني إيه کانسر في الرحم يا دكتور!
قفل التحاليل وقلع النضارة
يعني عندك سړطان من الدرجة التالتة في الرحم يا بنتي ومفيش في إيدينا غير الكيماوي
عيوني بدأت تنزل زي الشلالات شلالات دموع حقيقي مسحت دموعي وأنا ماشية في الشارع بكل توهة أنا لسه صغيرة أنا لسه عندي ٢٠ سنة! سړطان رحم ازاي! يعن يعني مش هخلف طفل يقولي يا ماما مش هخلف بنوتة وأضفرلها شعرها يعني مش هصحح أخطاء تربية أهلي فيا وهربي أول أولادي! مش هيبقى عندي أولاد
مريم متقدملك عريس
قمت وقفت بعصبية
أنا قلت مرفوض دي المرة الكام اللي أرفض فيها عريس وتحاولوا تغصبوني عليه!
ماما وقفت قدامي بعند
إيه سبب رفضك ليه
مفيش
ربعت إيدي وأديتها ضهري فلفتني ليها مرة تانية
أنا قلت ليه!
خرجت عن صمتي للمرة الأولى خرجت عن صمتي
عشان أنا مريضة لأني مش هكون أم مش كفاية أحساسي لنفسي! أأذي ليه حد معايا أظلم حد معايا ليه! أرحموني بقى أرحموني
وقعت على الأرض وأنا بعيط بعيط بكل حړقة وأنا بفتكر رصة العرايس قدام عيني وأنا بقول إن دي صحبتي ودي بنتي وده ابني وأنا بتكلم بشغف وبقول لبابا إني لما أكبر هسمي ابني عمر بعيط بحړقة وأنا بتخيل الكل بيلعب بابنه وأنا أنا لوحدي
مفيش فرصة يا دكتور تتعالج تماما
قال بابتسامة حزينة
صدقيني يا مدام لو اكتشفناه بدري عن كده كان هيبقى فيه فرصة العلاج مع بنت حضرتك شبه مسكن أو بشكل تاني حاجة مسببة لأنها تفضل عايشة نسبة إنها تتعالج ٣٠٪ صدقيني مش قصدي شيء بس بالدعاء كل حاجة ممكن تتغير
كنت واقفة بعيط برا كنت واقفة بحاول اكتم دموعي لما تكون بتتمنى ټموت أو خاېف ټموت غير لما تكون عارف إنك بالفعل ھتموت أحساس صعب بل قاټل
الولد بيزن على والدك مش جيالك علشان أجبرك بس شوف
قبل ما تكمل قاطعتها
هو عارف بمرضي
شاورت بآه
عارف يا بنتي عارف ومصر
غمضت عيوني بتعب قبل ما أنطق الجملة التانية
عارف إني مستحيل أكون أم ونسبة شفائي من المړض ده ٣٠٪ بس
حركت راسها بآه فرفعت حاجبي بأستغراب وضحكة إستهزاء ملت وشي
مين الغبي اللي هياخد واحدة ناقصة!
آه ناقصة عندي أحساس دائم بالنقص يعني كل الستات والبنات هتكون أمهات بس أنا أنا لا أنا مش هكون ماما مش هلاقي طفل يناديني بماما أنا حتى مش هكون موجودة كتير مش هحب ولا هتحب مش عايزة أعلق حد بوجودي غير الدايم
هقابله هقابله أفهم منه ليه عايزني
حركت راسها بآه وقامت فكرة إن نظرة الشفقة دايما هي اللي غالبة على نظرات الكل كل ما حد يسمع إني عندي کانسر مرعبة
کانسر! يا حرام
كمان في الرحم! ياربي
دي أيامها معدودة
من المرحلة الكام
رحم يعني عمرها ما هتكون أم!
الناس مش