قصه حقيقيه ( مشكله عضوة)

البنات كانت بتكبر ومسئولياتهم بتزيد وهو مكانش بيكلمنى غير في الشهر مرة وبخناق عشان مصاريفنا كان بيبعت ال٥٠٠ ريال شاملين كل حاجة واى ظرف هو ملهوش دعوة بيه لو جيت قولت بنت محتاجة علاج يقولى أجيب منين ولو جيت قولتله داخل علينا عيد زود شوية عشان أجبلهم لبس يقولى بلا عيد بلا زفت
كان بيوصلنى لاڼهيار فعلا وانى أحاسب نفسي هو ايه ال انا عملته في نفسي ده وايه الضغوط دى
وكمان البنات أنا بقيت بالنسبالهم الاب والام وكل حاجة وصل سنهم ل ١٢ و١٣ سنة
أنا تعبت وطلع عندى ورم الحمد الله حميد
بس قبل ما أعرف انه حميد او اتطمن مكنش راضي يصرف على تعبي خالص كنت بتابع في مركز الأورام هو بعد عننا اكتر وإتخلى عنى تماما حتى كنت بترجاه يبعتلى مواصلاتى بس للدكاترة كان بيرد عليا ويقولى أسرق لك وبعدين إكتشفت انه بيبعت فلوس لبنات وبيعمل حاجات كتير حرام
انا طلبت الطلاق بعد تمهيد واتفاق مع البنات وهما كانو مغلوبين على أمرهم وكانو في حيرة هما عاوزينى معاهم وكمان عاوزين راحتى وانى اتعالج
هو نزل بعد غيابه ال٣ سنين لقانى مصممة عالانفصال وبالفعل انفصلت في خلال شهر حتى اتنازلت عن حقوقي مقابل ان البنات تفضل تزورنى ونفضل على تواصل
انا منفصلة من ٣ شهور وقلبي واجعنى اوى مش عارفة اعيش من غير البنات ولا عارفة اعيش معاهم انا مبقتش عارفة اتعامل مع حد ولا حابة اختلط بحد مش حابة اخرج ولا عارفة اضحك حاسة انى زاهدة كل شئ
اكتر حاجة ألماني انى مش من حقى اخد البنات
احنا بنتكلم وبيبجوا يزورونى ومتبعاهم بس الحياة صعبة من غير ما أكون معاهم كل لحظة ومستحيل أرجع لباباهم
كمان الكل كان بيلومنى إنى إتخليت عن البنات والبنات صعبانه عالناس
مستحيل حد يحب البنات ويشيل همهم قدى مستحيل حد يحس إحساسي ال انا حساه
البنات كمان باباهم سابهم لعيلتو وسافر وامهم مش عوزاهم يعيشو عندها
مش عارفة انا عليا ذنب فعلا هل انا كان مفروض اكمل في القهر والاڼهيار ال كنت عيشاه
أنا مبقتش عارفة أنا صح ولا غلط مبقتش عارفة أنا عاوزة ايه الحاجة الوحيدة ال مستحيل تحصل إنى أرجع للبنى ادم ده