إسكريبت كامل بقلم الكاتبه مريم سمير

بوك وبصيت قدامي هيجي واحد احبه الحب الحقيقي الي يتفق عليه قلبي وعقلي أنه هو دا الي عاوزة اكمل معاه حياتي يمكن او يمكن افضل اسأل نفسي ليي
الو أيوة يعروسة عارفة اني اتأخرت عليكي شويه بس جبتلك جدع ابن حلال واييي مقولكيش ملو هدومه ومركزه لو محصلش نصيب بقي هاخدك لزعتر ابني
_ نعم يطنط
اسمعي مني أنا عارفة مصلحتك المهم النهارده الساعة أربعة تتقابلوا في كافيه كد تتعرفوا علي بعض حصل قبول يتقدم محصلش نصيب ف في الحالات الي زي دي أحب جدا تقوليلي يحماتي
ضحكت _ كافيه أي يطنط
الكافيه الي بيقعد فيه البشوات دول اسمه اي يذنوبة اه كافيه السكر
_ قصدك ال
أيوة الله ينور عليكي الساعة أربعة اوعي تنسي يلا فوتك بعافيه
قولت لماما وروحت في ميعادي لقيته مستني قعدت قدامه لما شاورلي غريبة!!
_ هو أي دي الي غريبه
اصل كنت الصراحة فاكر إن المواصفات الي الخاطبة قالت عليها مبالغ فيها لما قالتلي انك جميلة اوييي
_ احممم شكرا أسمي..
مريم أنا عرفت اسمك أنا احمد
_ اهلا بيك
تحبي تشربي ايي
_ قهوة مظبوط
نده علي الويتر اتنين قهوة مظبوط لو سمحت
القهوة نزلت وشربناها في صمت محدش فينا كان بيتكلم كان الموقف محرج بالنسباله زيي علي ما أظن دا قالي لحد دلوقتي عاملة اي يجي ١٥ مرة!
_ انت ممكن تسألني أي حاجة انت حابب تعرفها عني يعني حلل النزولة
ضحك أنا متوتر شويه بس هو الصراحة سؤال عاوز اسألهولك من اول ما قعدت
_ اتفضل اسأل
يعني واحدة زيك العرسان يتسابقوا عليها أي يخليها تقدم في مكتب للجواز
_ أنا عاوزة ابقي صريحة معاك أنا قولت للخاطبة إن الي بتقدمولي مش مناسبين بس مش دي الحقيقه أنا فعلا كان بيتقدملي عرسان كتير وكانوا مناسبين بس مكنتش حاطة فكرة الجواز في دماغي بعد ما خلصت كلية واشتغلت قابلت راجل طيب كان بيجيلي العياده في الشغل و..
و.. كملي أنا سامعك
_ عرض عليا الجواز وانا كنت مرتاحة ف وافقت هو كان عنده 50 سنة
نعم
_ أنا والدي اټوفي وانا ١٦ سنة مكنتش عارفة اوييي احساس البنت والابوة هو خلاني احس ب دا
بس مينفعش تتجوزي واحد لمجرد انك حاسه ب اتجاه ب مشاعر أبوه
كملت بزعل _ ماټ يوم كتب كتابنا
أنا آسف مكنتش اعرف
كملت بنفس الزعل _ ولا يهمك من بعد اليوم دا وانا بتقال عليا نحس ووشي شؤم علي الرجالة ومن بعد ما كان كل يوم عريس معتش حد بيقرب من بيتنا شكلي اتكلمت كتير!
لا لا ولا كتير ولا حاجة ربنا يرحمه هو ووالدك أنا مبسوط انك كنتي صريحة معايا
_ طب وانت انت شاب كويس وما شاء الله يعني أي يخليك تروح المكتب
أنا كمان هكون صريح معاكي أنا راجل عملي جدا شغلي رقم واحد في حياتي ويمكن كمان عصبي وخلقي ضيق يمكن دي حاجات معرفتش ست تستحملها فيا ف قولت اجرب يمكن تصيب المرادي أنا كان ممكن اخبي عليكي عيوبي بس انا رميتها قدامك عشان مش عاوز أبدأ ب كدب وعشان كمان صراحتك مينفعش معاها غير صراحة
_ أنا متفهمة جدا الي بتقوله يمكن لو كملنا هنبقي شبه بعض في حاجات عقلنا هو الي بيسوقنا!
بتهيقلي العلاقات الناضجة الي بتنجح
_ معاك حق
بس أنا كنت عاوزة حب حقيقي اركن فيه عقلي والي يسوقني قلبي وبس بس شكل حب الروايات مش هعيشه هعيش التفهم والصراحة